Des is fia eich.

Des is fia eich.

8. März 2020 1 Von Laxobu

Weltfrauentag. Leit, de sogn, so a Tog is unnötig, hom noch nie drüber nachgedacht, wie unfair es eigentlich is. Doss man als Frau für sei Regelblutung Geld ausgeben muss, dabei wollen wir olle nit monatlich bluatn. Doss man als Frau schnell amol verurteilt und unterdruckt wird. Leit, de sogn, doss da Weltfrauentag doch lei sinnlos is, verstehen nit.

Für die Männer gibs an eigenen Beitrag. SUPRISE.

An so an wichtigen Tog kennt i an komplettn Roman veröffentlichen und hätt immer noch gefühlt nix gsog. Also honi mi leida fia a Thema entscheidn miasn. Toxische Beziehungen. Darum gehts heit. Oda bessa gsog, wie wir mit Frauen umgehen sollten, de in ana toxischen Beziehung stecken. Und do is egal, ob wir Monn oda Frau sein. Helfen kema olle. Inspo woa des Buch Prügel von Antje Joel. Von ihr is de Liste und des Gedankengut, i hon es lei veranfocht, zammgfasst und aufn Olltog gebrocht.

Egal, ob ihr frisch valiebt und minderjährig seids oda in ana joarelongen Beziehung oder in da vierten Ehe. Gewalt, nonverbal und verbal, passiat zu oft. Vü zu oft. Bessa gsog, jede 3. Frau erlebt amol Gewalt in ana Beziehung. Mir wird schlecht wenn i dronn denk, doss eigentlich jede 3. Leserin von mir schon mal Gewalt am eigenen Körper erfahren hat miasn. Des bringt mi echt zum blean.

Hier nochamal: Egal, ob ihr a Monn oda a Frau seids, IHR kennts helfen. Gonz wichtig- nit wegschaun und bitte Glauben schenken.

Wie erkennt man, doss man in ana toxischen Beziehung steckt?

Es gibt Wahnhinweise, doss der Monn mit dem man zamm is, nit wirklich a guata boyfriend is sundan nix außa a häuslicher Gewalttätiger.

Kontrollfreak

Er wü wissn, wo du bist, mit wem du bist, warum du do bist. Natürlich draht er es so, doss er lei Ongst um di hot. Dabei will er lei de komplette Kontrolle über di hom.

Eifersucht

Iba Eifersucht hon i jetzt e schon gnuag gsog. „Eifersucht ist Besitzdenken, nicht Liebe.“ ES IS NIT FUCKIN ROMANTISCH, WENN ER JEMANDEN KILLEN WILL, WEIL ER DIR SNAPT. Sei krankhafte Eifersucht is a Hinweis, ka Liebesbeweis.

Olles geht viel zu schnell

Ihr ziags zamm, noch 2-3 Monat. Wolltest du des eigentlich oder passt des fia di? Er sog da ständig, er kann nerma ohne di schlafen und doss du e bei ihm wohnen könntest. Sobald du mal erwähnst, doss da olles zwischen eich zu schnell geht, wird er wütend. Er is verletzt. Und dann fühlst du di schlecht.

Großzügigkeit in Person

Olles wos er wü, is, doss du ihm wos schuldig bist. Er hilft dein Papa beim Ausmalen, bezahlt fia di de letzten 3 Wohnungsmieten, geht mit dir auf de Party, obwohl er nit will. Er tuat olles fia di und noch viel mehr. Lei damit du in seiner Schuld stehst. Und er immer wieder sogn konn „I HON DES FIA DI GETON..“

Respekt? Nit fia di

„Sie is blond, lossts se.“ „Du bist zum Glück hübsch.“ Liebend gern mocht er Witze auf deine Kosten. Respekt hot er vua dia holt goa kan. Weil er a findet, doss dei Studium/ Job oam is, weil er findet, doss deine Träume Kinderkacke sein. Des beste an dir is, doss du in seinem Besitz bist.

Respekt? A nit fia sei Ex.

Seine Exfreundinnen, de du jo e nit mogst oda wohl, sein Dreck fia ihn. Er dazelt da lei Negatives über se, losst ka guats Wort ibrig. Gonz gfährlich is, wenn er dir sog, doss olles wos sie sog, glogn is. Warum sollt a Mädi/ Frau ondere onliagn und behaupten, a Mann hat sie misshandelt/ gschlagen?? Aus Gaude? Mochn de wenigsten. Leider glabt unsa Gesellschaft oft wir lechzen lei nach Aufmerksamkeit. So gehen Misshandlungen unter und die gewaltätigen Menschen gehen in ihrer Rolle als Opfer auf.

Respekt? Eigentlich fia ka Frau.

Gewaltätige Partner sein oft Frauenhasser. Erklärt er dir, doss du wohl es anzig gscheide Weib bist, konnst da sia sein, doss er den Hoss bold auf di übertrogt. Weil du wie jede bist (fia ihn). Du willst lei sei Geld, du willst ihn lei verletzten, du willst ihm olles nehmen. Lesben kann er gar nit ab, weil de ja sein Schwanz nit wollen. Für ihn sein Karrierefrauen oam, weil de nit so unterwürfig sein. Sollte dei Job schlechter bezahlt sein als deiner, findet er des geil. Es kimt da so vua, als tat er wollen, dass Frauen unter ihm sein? Du hast leider recht, des will er.

Du Kuchl, er auf da Couch.

Stereotyp geschlechtliche Rollenverteilung is his boyfriend. Du musst gehorchen, fia ihn kochen und wenn de Wohnung nit geputzt is gibs an Knoll oda Kroch. Redest du von Weiterbildung, locht er. Siehe Respekt. Redest du von kane Kinder, locht er lauter. NATÜRLICH wirst du Mama, wos is des fa Froge. Und so Diskussionen wie „I behalt mein Nachnamen“ geht er goa nit ein. Wo du a schnell merkst, doss er do sehr beschränkt is, is wenn er onfongt, fia di im Restaurant Getränke zu bestellen. Wenn er da sog, wos du isst. Wenn er da sog, wos du zum Trogn host.

Worte tuan weh, scheiß weh.

Gewalt fängt nit bei Schlägen on. Du bist dumm, naiv, blond, abhängig. Ohne ihn wärst du nix. Je mehr er trinkt, desto „behindata“ werst du. Irgendwonn spoat er sich de verbale Gewalt nit amol mehr fia Daham auf, sundan fongt on sich vua deina Familie über di lustig zu mochn. Schlimm wirds lei donn, wenn die Eltern und Freind einsteigen. „So is sie leider.“ „Augen zua und durch.“ Wirklich ka Hilfe, oba es sig jo a kana onscheinend, doss de Hilfe brauchst.

Jekyll& Hyde. Alright?

OBA GOA KA BISI OKIDOKIII. Er wirkt zuckasias. Er is da perfect boy. Irgendwie musst du di in ihn verlieben. Er kann ja nit lei der große Wixxer sein. Er braucht erst mal a paar Bonuspunkte bei deiner Familie und Freunden. Daher is er da sympatische Boyfriend, der dia guat tuat und mega cute is. Er gholtet sich sei aggressive Ader fia daham. In  der Öffentlichkeit und a im Notfall vor der Polizei muss er immer noch normal erscheinen. Niemand glabt dir, doss er eigentlich grausam zu dir is. Und am Ende bist du die psychisch Ongschoddate.

Weitere Anzeichen:

  • gewaltiges Drogenproblem, vorallem Alkohol
  • Hass gegenüber Tieren und Kindern oba donn wieda so a kitschige Liebe dafür
  • Es gibt Sex. Imma. Wonn er will. Sogst du NA, hert er nix.
  • Schuld gibt er jedem außer sich selbst.
  • Gewalt in jeglicher Art. Er schmeißt es Handy hinter dir her, er zerdeppert Gläser, i schlägt gegen die Wand, er versperrt dir den Weg, er haltet di ZU fest ein, er stoßt di von sich weg. Beim Sex stößt er immer liaba amol festa zua wie da liab is. Er brüllt di on.

Schrecklich oda? Also i kann selber schlecht mit dem Thema umgehen, weil es ma zu nahe geht. I hab schon Jungs kennenlernen müssen, de alle psychischen Tricks getestet haben. Und ihr a.

He, entweder du lossest mi heit fuat gehn oda es is aus. Egal, wos i moch.
Du wast schon, doss du ma zdick bist. Du bist schnell ersetzt. wenn de nix obnimmst. 
Ohne mi wärst du nix.
Du bist selber schuld, doss i di betrogen hab. Tatest mi richtig guat behandeln, müsst i da des nit ontuan. 

Des ham mir Leserinnen geschickt.

Ihr habs a Freindin, egal wie alt, egal wie lang in ana Beziehung, egal ob Partnerschaft oder Ehe. De Freindin darf a Mama, Tante, Mutter von.. hasn und ihr diafts helfen. Wie ihr helfen kennts?

  1. ZUHÖREN UND GLAUBEN.
  2. NIMMA ALAN LASSN.
  3. BESCHÜTZEN.
  4. HILFE HOLEN

Ka Frau der Welt. de gesund im Kopf is, wird eich anlügen und de Stories ERFINDEN. Gehts nit davon aus, doss des olles lei glogn is. Bitte nit. A wenn er ihr nur GEDROHT hat, sie zu töten, is des a großes Warnsignal. Ihr lossts eicha Freindin nerma ham zu dem Kerl. Und a wenn sie will, seids ihr stärker bitte. Es kann nit sein, doss a Mann sie blau und grün schlogn deaf, dann habs ihr a de Stärke über sie, doss sie do nerma hingeht.

„De losst sich nit helfen.“ is ka Ausrede. Werds nit miad ihr zu helfen. Holts professionelle Hilfe. Holts de Freindin zu eich ham. Holts ondre Leit ons Boot. Ihr wollts nit irgendwann vorm Grab von eira Freindin stehen und sogn „Hätt i verhindern können.“ Daweil ihr des glesn habs, sein grod wieda 3 Frauen de ihr kennts misshandelt woan. Daweil wir de Woche erleben, wird a Frau ermordet von ihrem (Ex-) Partner. SO will i nit leben. Ihr a nit.

Solltest du leider so a Misshandlung erleben müssen und di nit trauen, jemanden davon zu dazelen. Bitte red mit ihr, ihm, uns, senen. Verlang nach Hilfe, du gregst se. I vasprich es da. Irgendwie. Du bist nit alan. I sog da lei ans nochmal zur Erinnerung: Schau inen Himmel. De Stern, de du do sigst, sig i a. Schau, do seima schon zwa. ❤️

Des is fia junge unerfahrene Mädels.
Des is fia schweigende Ehefrauen.
Des is fia tapfere Heldinnen.
Des is fia eich olle.

Wir mochn des schon.

Eia bisi besorgte und für Gleichberechtigung kämpfende Larissa.

Hilfe. Hier.