life update oder so
oha, i hob goa nerma gwisst, wie des do so geht und hob amol gonz klassisch meine zugangsdaten aus mein notizbiachln von 2019 holn miasn und bin bisi überroscht, doss do imma noch olles steht und lebt. oba jo: aperoli is grichtet (weil wegen feierabend) und mei life sucks playlist is ein (treue leser*innen wissn genau, doss i lei so guate textln schreibn konn). also steht dem gonzen wohl nix mehr im wege. außa, doss i nit was, wo i onfongen soll. & a nit wo aufhern haha.
i werd des olles in so kategorien einteilen und eich anfoch a bisi updaten, wos sich so in den letzten wochen, monaten, wenn nit sogoa jahren geton hot. gefühlt hob i ewig do nix mehr gschriebn und i hab ma aber vuagnommen, jetzt im monat mindestens 2 blogposts zu verfassen. a poa hob i schon in da pipeline, oba leida lei in der geistigen. oba es kimt auf olle fälle bold wos iba mei 48-24 stunden-regel, zum thema panikattaken/angstzustände, biacha, de i bis jetzt heia glesn hob und a aniges über beziehungen (dazu mehr donn im obsotz über die liebe hihi). jo donn start i am besten damit, warum i jetzt eigentlich wieda zeit& a freid fia des projekt laxobu blog hob (oh gott mei schwoga nennt mi imma noch so. zur info: fria hot mei instagram laxobublog ghasn) und hjo… zerst dazel i eich wos iba mei 2023
mei joa 2023
auf meiner bucket-list fias joa 2023 is so aniges obengstondn. ausziagn, teilzeit gehn, endometriose-op und no a poa dinge und jo wos soll i sogn? 2022 woa ans der schenstn joare fia mi überhaupt, vua ollem da summa. und mir woa oba kloa, doss olles wos 2022 so schen woa, 2023 nerma so sein konn, weil i anfoch erwochsn bin und gewisse dinge bewusst aufs heirige joa vaschobn hob. und jo wie soll i des schen sogn: 2023 hot ma so a watschn gebn. ehrlich, wenn i jetzt so hintaschaug, was i teilweise echt nit, wie i des so überstondn hob. im jänner de op mit 5 wochn kronknstond, wo de heilung wirklich EWIG gedauert hot. leida tuats ma mit da therapieform fia endo nix guat, oba dazu kimmt bold a podcast& begleitend dazu a blogpost. donn is es ma mental im frühjoa so dreckig wie noch nie gongen (natürlich donn a job& endometriose& hormon bedingt.) donn woa mol stabil, oba es hot bei an ondan menschn so a große entscheidung gebn, de mi holt irgendwie a betroffn hot und kaum woa des überstondn, hots mi mental schon wieda eineghaut. und donn woa siedln& kündigen gleichzeitig und i hob heia kan summaurlaub ghobt. i bet, doss sich irgendwo a klans wochenende am meer no ausgeht, wos ma wenn donn lei spontan ongehen, oba folls sich wer denkt „puh de maus is urlaubsreif!“ YES BIN I A VOLLEWESCH. also i wünsch ma sehnlichst, doss da herbst echt entsponnta wert, vua ollem mental.
berufliches
gonz obn auf meina bucketlist fia 2023 is gstondn kündigen und donn teilzeit gehn. und bis vua a poa wochn hob i a nit gmant, doss i den schritt irgendwie gehn werd. oba gott sei donk hert es univerum mit und hot geliefert. in form einer echt zuckasiasn nachricht auf instagram, de de soche ins rolln gebrocht hot. wobei i ehrlich bin, diese entscheidung, a unternehmen noch fost 3,5 joa zu valossn, is ka leichte. wos neies zu wagen, auße aus da komfortzone.. des tuast nit anfoch so. oba da i gwusst hob, doss mei neia oabeitsplotz mir so bestimmt taugn werd, hob i es „riskiat“. i man teilzeit is a a risiko, wos sich nit jeda gönnen konn oda a nit datuat. oba dank eich & laxobu& mein talent, so guat zu schreibn, doss firmen dafia geld zohlen: hob i mi getraut. natürlich hob i a wen on meina seitn, der gsog hot i soll lei tuan, oba dennoch. de poa sekunden mut woan so richtig! weil wenn i leit hinta mir hob, de mi do aufholtn tatn, glab i wa i a nit stoak genug zu gehn. wos des hast? suachts eich leit, de es beste fia eich wolln& eich nix klan holtn. auf olle fälle, wer es no nit was: i bin nun im team von cookingcatrin und deaf lernen, deaf viiiiiel essn und deaf anfoch mit ana freid in de oabeit gehn. und hob amol de woche frei, lei fia laxobu <3 und des is holt wirklich gold wert. weil i hob schon nerma kennen. wos ihr a gmerkt habs. i hab nerma sunntog am abend stundenlang bloggen kennen und meine instastories um 7 in da fria vua da oabeit aufnehmen kennen. i hob de freid valuan! und de meisten homs gspiat, wie i im mai letzen joares wen kennen glernt hob und donn woa sunntog obend date night stott laxobu-zeit und es hot mi soooo gstrauchlt. jetzt an gonzen tog (plus ob und zua obends) fia mei unternehmen zu hobn, is anfoch so schen. i frei mi richtig. und ihr werds eich a frein, weil es wieda mehr sprichlen gibt, mehr texte, regelmäßige blogposts und a an newsletter. außerdem hängen anige projekte in da schleife… des dazel i eich jetzt.
laxobu
i werd an eigenen podcast starten, bald. eigentlich im september, spätestens des joa noch. des konzept is a 10 von 10 und do steckt 100 prozent larissa drinnen. oba do kimmt noch genug, bis dato woa i no nit im studio, oba i bin ready! nebenbei steht seit mai glab i a riesenprojekt mit ana tollen firma bereit und jetzt geh ma s on. i sog lei: texte& produkte! auf meine toschn mit da lieben herzwerk und i hab mir welche nachgekaft, de i echt gonz bold auf instagram postn/verlosn werd! also mir folgen lohnt sich holt imma. generell mol a dickes danke, wos ihr eigentlich fa aktive community seids, weil i greg oft ane like-zahlen& insights zommen, wo i ma echt denk: WOW DANKE. a wenn i nit imma do bin fia eich (wer long auf a nachricht von mir wartet auf insta, bitte anfoch nochmal melden!) ihr seids do und des taugt ma so. <3 es is a richtig oag, doss i mit laxobu vadienen deaf und es is oabeit, definitiv, oba ane, de i wirklich lieb. i schreib fia so viele coole firmen textln und deaf ebn eich coole dinge vuastelln und donn noch meine sochn ausabringen.. larissa von 2018 hätt wohl nie gmant, doss se mol damit wirklich bekannt werd. oba des schenste wos is, wenn i eich helfn konn, wenn meine textln bewegen und wenn schon a mensch wegen mir in therapie geht oda mol zu wen sog „he danke schen doss es di gibt i vagiss oft, doss des nit selbstverständlich is“, is schon olles geton fia mi. wenn donn no wer a taschl von mir umahängen hot, mi wo liab onredet oda mi mit 3 euro im monat auf patreon unterstützt: i kennt dankbarer nit sein. hot ma a sehr in den schweren mentalen phasen gholfen, wobei i sogn muas, doss des a imma sehr zweischneidig woa des schwert, weil irgendwie so schen, wenn leit mi kennen oba es is a oag, wenn do steht 38.000 erreichte konten in den letzten 14 tog. red ma jetzt iba de liebe ok?
liebe
i hob in de letzten 1,5 joa so vü über beziehungen und de liebe lernen diafn. es wichtigste learning is wohl imma no und des schreib i ma so oft hinta de leffl, doss i es eich a nochmol her schreibt: „wenn sich wer fia di entscheidet, entscheidet er sich fia olle deine seitn.“ gesamt paket quasi. nit lei fia de guatn zeitn wie am wochenende zomm fuatgehn und sunntog fein ausschlofn. er entscheidet sich fia deine schlechtn toge, deine ongstzuastände und akzeptiat di, wie du bist. und wenn sich wer fia di entscheidet, mocht er des nit anfoch so, sundan mit bedocht. und genau des sog i ma ungefähr amol de woche vua, angststörung sei dank. auf olle fälle, etwas, worüber i gern schreiben tat, oba es anfoch no nit konn: de erste gsunde beziehung is de schlimmste. weil du imma awoatest, doss du auf de pappn fliagst, du aowatest da toxische reaktionen und oh gott, i hob glernt, i muas dringend lernen zu streitn. als harmoniebedürftiger mensch liegt es ma nit, zu diskutian und NIT persönlich angegriffn zu sein. funktioniat beruflich/menschlich e a schon schwa, oba in ana beziehung wirklich schlimm mit mir. oba i oabeit dronn. generell oabeit i vü on mir, oba des passt do jetzt a no nit gonz eina, wer mehr driba wissn will, solls ma schreibn& i wer ma wos überlegn. auf olle fälle, meine treuen patreon mäuse wissn es schon ewig & meine friends sowieso, hob i im mai 2022 wohl an lotto6a gfundn und bin mehr als dankbar& glücklich damit. <3 auf patreon hab i alle dates kommentiert ahhahaha. und i glab daher ham sich a sehr meine prioritäten geändat und es tuat guat, jemanden der mit social media wenig onfongen konn, zu hom, weil er viele sochn objektiv sig wo i imma wos eineintapretia (wobei i interpretia a in a ok oda ok. oda ok.. viel zviel eine haha). i konn eich lei ans mitgeben: wenn jemand will, werd er tuan. wenn er nit will, tuat er nit und zwingen konnst kan zu wos. und wos i echt sogn konn: mitn richtigen menschn is olles anfoch(a) und unkompliziat. do gibs ka sinnloses verletzen und spielen. ok mehr schwärm i nit, des kolt i ma fia meine freindinnen auf <3 und no wos, weil wir anfoch heia alan so viel themen ghobt hob: es is imma
„wir gegn des problem. nie du gegn mi.“
wohnsituation
jo jetzt schneid i no de wohnsituation on und den rest loss i fia a zweites update, wobei gefühl hob i olles gsogt oda? oba jo, i bin wieda von daham ausgezogn. 2021 bin i eher unfreiwillig wieda ham und hob donn eigentlich ewig wohnung gsuacht& des universum hot wieda wos gebrocht. wobei es kurzfristig gonz ondas ausgschaut hätt. oba des trau i mi goa nit dazelen im internet, wo i treue mölltalerin glott hingezogn wa. de wohnung jetzt lieb i fest. und villach <3 es is no nit olles fertig, zum teil a weil der mitbewohner no nit gonz do wohnt, wobei.. auf olle fälle, mei geschirrsucht is gestillt& i hob glernt, mehr entscheidungen zu treffn. des hob i generell heia schon fest glernt, wos i no so olles glernt hob, wer ma noch besprechn. jetzt loss i di mol in friedn.
danke fias lesn. danke fias do sein und omg loss ma bitte unbedingt auf mein frogesticka a frog do, wenns no wos gibt, wos di juckt. wir lesen uns. bald. versprochen. wo du mi wirklich jedn montog am bildschirm host, is auf patreon.
des hot jetzt so oag guat geton!!!!