Eifersucht schickt sich nit

Es sticht im Herzl, wenn er sei BF druckt. Es kumt da es Speibn, wenn du sigst, welche Bildln er so auf Instagram liked. Du kinntest aus deina Haut foan, wenn du ihn mit an Mädel redn sigst. Dei Welt bricht zomm, wenn er mit ana ondan auf da Tonzfläche steht.Gonz frech behaupt i mol, doss fost jeda von uns schon mol den klanen Zeck gspiat hot. Der beißt so fest in Bauch eine und sticht ins Herzl. Kitzln tuat er oft die Tränendrüse und ZAP blea ma schon. De Red is von unsan klanen Feind, de Eifersucht.
Heit bleib ma bei da „klassischen“ Eifersucht in Beziehungen oder diesen neumodernen Modellen „Wir schmusn, daten kan ondan, oba NA WIR SEIN NIT ZOMM.“ De Eifersucht zwischen Freindinnen, in da Schul oda genereller Neid kumt a ondas mol. Irgendwonn.
Und i red wieda nur von Buamen, weil i holt auf Buamen steh. Es is kompliziert ständig Bua oder Mädel zu schreiben. Es is doch gonz egal, ob des jetzt a Mädchen oda a Bua liest und ob de Person auf an Kerl  oda auf a Diandl steht! Liebe is Liebe ❤️

Bitte erwoat dir jetzt ka Larissa, de da auf de Schulta klopft, mitleidend den Kopf in de Seitn leg und dir erklean werd, doss olle ondan Frauen auf der Welt echt lei dein Bua hom wolln. So is es nit und so bin i a nit. Bin doch nit umsunst bekonnt fia mei Ehrlichkeit. Am Ende hot Eifersucht nämlich gonz gonz gonz viel mit an selba zu tuan. Do spielt die eigene Unsicherheit und die fehlende Selbstliebe a greßare Rolle wie de siase Frisörin von dein Freind, de ihm schon seit 13 Joa schene Augen mochn vasuacht.

Damit wir uns glei mol richtig vastehn, dieser dämliche Spruch „Nur wer eifersüchtig ist, der liebt richtig!“ ALSO BITTE, DES IS JO SO A BLEDSINN!!!!!!
Wer ohne Stress und Bauchweh sein Bua fuatgehen losst und sich daham in Ruhe 28 Folgen Pretty little liars eineziag und dazua noch 3 Kilo Eis futtat, mocht wos richtig. Weil de Person genau was, doss da Freind e schon wieda noch 4 Stund zu ihr ham will oda sich noch der wilden Nocht sich nirgendswo liaba dazualegt wie zu ihr. Weil er nochn Fuatgehn sie on sich druckn wird und sog, doss er sie vamisst hot. Wer sich so verholtet, der liebt wirklich. Ohne a Sekunde zu zögern, wissn, doss da Schotz wieda hamkimt und gedanklich e nie weit weg gwesn is. Nit mol an Gedonken verschwendet se dronn, doss er jo sich irgendwie umschaun kennt. Zu wissen, doss do draußen es ka ondre gibt, de dein Partner so glücklich mocht wie nur du es konnst, DES is a Zeichen fia Liebe.
Solltest du dein Typen wie an Togga behondeln und liaba Fetzerei hom wie a Runde Huckn Plus (Sex, i man Sex) hätt i a Ongst, doss er sich in da letzn Dorfdisko wos bessas wie di aufdaramt.

Sei beste Freindin is jo gonz oft des Hassobjekt Nummer 1 bei (jüngeren) Mädels. Oba soll i eich wos sogn? Glabs ihr ehrlich, doss des Mädel, des gonz genau was, wie er so drauf is, wenn er spinnt/ grantig/ unguat und so is, Interesse hätt? De kennt olle guatn und schlechtn Seitn. Sie was, wie guat oba a wie schlecht er zu Frauen sein konn. Sie kennt seine Schwächen und Stärken und was vermutlich gonz genau, warum sie ihn nie nehmen tat. Befua du di wegen da bestn Freindin stressn losst, moch da eher Suagn, doss du heit zwenig Wossa getrunken host. Des host nämlich bestimmt.
Kloa is schon vuakemen, doss BFs sich verlieben, OBA vergeallmeinern tuama des jetzt nit. Außerdem, wenn du seit 9 Joa mit wem befreindet bist, warum um olles in der Welt sollt es donn genau wos wern, wenn ana von denen vergeben is? Schwachsinn, anfoch Schwachsinn. I tat mi jo liaba mit der netten Maus mal zu an Kaffee zammsetzen, weil sie muss jo a Liabe sein. Weil er ihr doch olles von mir dazelt hot. Wenn ma zamm sein, wird sie wohl auf meiner Seitn gwesn sein. Außerdem hot man bestimmt donn aniges gemeinsom. Also sorry i bin zolt fia Best friends fight.

Fong jetzt goa nit on über sei Ex zu jammern. Es gibt an gonz guatn Grund, warum sie die Ex is. Weils anfoch nit gepasst hot. Frog do goa nit zviel noch, loss des Kapitel anfoch sein. Es geht di nix on. Und wenn sie Körbchengröße C ghobt hot und du lei B, is des noch ka Zeichen, doss er zu ihr zruck gehn tat. Vergleichen is so oda so schlecht, oba mit da Ex konnst lei noch schlimma werden. Expartner zagen uns ollen doch lei, wos wir nit wollen, welche Fehler wir nerma mochn wern und doss wir lei besseres verdient hom.

Du brauchst ka Ongst fua dem Girl hom, wos seine Bildlen liked.
Du brauchst da kan Kopf um des fua dia mochn.
Du brauchst da kane Suagn um de BF mochn.
Du solltest lei auf des Monster, wos du als sei Freindin viel zu oft bis, schaugn.

Weil Eifersucht is ka Liebesbeweis und sexy is es a nit. I hob noch nie ghert, doss a Typ es richtig anziehend gfundn hot, wenn sei Olte daham voll umaspinnt wegen da Nochbarin. Willst dein Bua dringend los werden, konnst de Schiene foan. Ohne Witz, Eifersucht is ana da häufigsten Trennungsgründe. I glab es erklärt sich von selba, doss diese Trennung donn nit einvernehmlich is LOL. Oba willst donn doch liaba länger on seiner Seitn sein, donn hupf do schnell oba und aufe aufn „SELBSTLIEBE“ Zug.

Eifersucht liegt oft on an selba. An dir selber zu oabeiten, is da Weg in de richtige Richtung. Kloa musst du dein Partner vertrauen kennen, oba fong mol bei dir selba on.
Es is an Haufn Oabeit, oba dei Beziehung und der Typ sollen es dir anfoch wert sein und du dir selba doch a!
Ihr streitets oft. Des is bled. Kenntets in der Zeit jo so viel gscheidas tuan. Damit man i jetzt nit lei Schmusarein, i man anfoch schene Sochn, de man zu zweit so tuat. Wie oft streitets ihr donn eigentlich wegen Eifersucht? Sei ehrlich. Bisi zoft oda? Donn tat i schnell mol onfongen, dronn wos zu ändern. Sunst is er bold fuat. Donn konnst da glei mein Liebeskummer Beitrag durchlesn. Des willst oba doch nit.
Maus, es meiste Drama molst da jo e lei im Kepfl aus. Mochst Theater, wo ka Film spielt. Tua mol stott eifan bisi liab sein.
Steh zu deiner Unsicherheit. Du bist noch nit stoak gnuag, alan gegen den Rest der Welt. Du wast genau, erst Selbstliebe, donn de Liebe fia wen ondan aufbringen. Also schau jetzt amol, wer du bist. So wie du grod bist, mogst di selba nit. Wie soll dei Freind di donn megn?
Frog ihn mol offen und ehrlich, wos ihn on dir stört UND BITTE DRAH NIT GLEI WIEDA DURCH. Sog er, du bist zu eifersüchtig, steh dazua. Gib zua, doss du zu unsicher bist. Gesteh da ein, doss du de Schwäche host, oba dronn oabeitn willst. Zag ihm und zag dir, doss du es beste fia ihn bist. Gib ihn Gründe, imma wieda zruck zu dir zu kemen und warum er sich ka ondre nehmen sollt.
Fong generell mit noch offenerer und ehrlicher Kommunikation on. Wos stört di, wos stört ihn. Wos mogst du, wos mog er. Wos konnst du nit ob, wos mog er goa nit.
Und solltest du bisi a Kontrollfreak sein und a nur irgendwie glabn, ihm wos verbieten zu können. Donn muss i jetzt echt fost schimpfen. Wosn mit dir los? Du konnst doch nit an freien, eigenständigen Mensch verbieten, wos trinken zu gehen oder soziale Kontakte zu pflegen! Er soll wegen dir a ondre blokian? Er muss wegen dir jedes Training obsogn? Reden wir noch von ana Beziehung oda is des schon mehr a Gefängnis? Bitte bitte bitte bitte bitte hea auf. Des tuat ma schon in den Gedanken alan weh. Fong du doch anfoch on, deine Gedanken und dei Verhalten zu kontrollieren und nit seine!!!! Du konnst schaun, doss du neutral reagierst, wenn er sog, doss er mit de Freind ausgeht. A Theater mochn wird lei bewirken, doss er noch liaba von dir weg geht. Schau doch eher, doss er wieder gern hamkimt.. Und solltest schon mol probiat hom, ihn entscheiden zu lossen. Du oda de Freind, du oda Snapchat, du oda de beste Freindin. Ehrlich gsog, hoff i, doss er sich nie fia di entschieden hot.. Weil du onscheinend noch gnuag (ALAN) zum Lernen host.
Host du oba so a Glick, doss er ehrlich bei dir noch is, sog i da ans. Er is NOCH bei dir. Nerma long, nit fia imma vermutlich. Ausa du veränderst, na woat, VERBESSERST dei Verhalten.

Zag, wos du fa tolles Wesen is.
Sperr ihn nit ein und stell ihn nit vor die Wahlt.
Veränder/ verbesser dei Verhalten und nit seins.
Her mitn Kopfkinodrama auf.
Gib ihn an Grund, zu bleiben.

Es sein nit de ondan Mädels vua de du Ongst hom muast, du musst lei Onfongen, selba kane mehr fua dia zu hom!!

Da nächste schwammige Spruch is genauso a Bledsinn. „Ich leide nicht an Eifersucht, sondern an Verlustängsten. Ich habe schon zu oft etwas verloren, was mir wichtig gewesen ist.“ No offense, falls du wirklich in dein Leben schon Menschen verlieren hast miasn. I red von Sterbefällen oder ganz ganz ganz schlimme Streits. Oba wenn des ausn Mund von ana 15- jähigen kumt, de damit ihr ABFFIUE mant, de holt gmant hot, sie sein lei mehr BFFs, konn man des nit so ernst nehmen. Verlustängste sein wirklich psychologische Probleme, de man nit mit a poa Tumblr Quotes und lieben Worten lösen konn. Des sein wirklich ernstzunehmende Ängste, de behandelt kern und nit lei schnell mal so diagnositiziert wern. Also des is ka Ausred, doss du bei dein Monn komplett durchdrahst, wenn er zu ana ondan Hallo sog. „Sorry, hon Verlustängste, woa nit zurechnungsfähig“ is eeeeecht ka Ausred.

Und kurz noch zur Vergangenheit.
Egal wos er ongstellt hot, wer er gwesn is und wie a imma er sich verholten hot. Oll des hot ihn zu DIR gebrocht. Hot er aufn Weg an Haufn Herzln gebrochn und is eftas folsch obgebogen, am Ende hot er derwegen DI gfunden. Also hea auf, ständig auf seina Vergangenheit umazureiten und da Gedanken zu mochn.
Sei froh,  doss er olles so geton hot, weil sunst wa er jetzt nit bei DIR.

Und du bist ehrlich erst erwochsn, wenn du ondre Frauen endlich nerma als dei Konkurrenz sigst!

Zeit zum Erwochsn werden, klana Stern!! ✨