De Ex. De Neie.

De Ex. De Neie.

20. Oktober 2019 2 Von Laxobu

Ob des jetzt a Lovestory wird? Eher nit, na. A Girlpowergeschichte schon mehr.
Es sollten zwa Beiträge wern. Doch mit welchen fong i on? Des ane kert zum ondan dazua, nix geht ohne dem ondan. Deshalb zwei in einem. Maybe mehr zum Lesn, oba es is es wert. Vatrauts mir.

De Ex.

Es gibt a Gesetz, des schreibt fua, doss man de Ex vom Freind nit megn darf. Am bestn hosst man sie. Kompletta Bledsinn sog i eich. Erst amol is hossn so a stoaks und grausiges Woat, doss ma schlecht werd. Zweitens kennts ihr da Exfreindin sowos von DANKBAR sein. Jo, ehrlich.
Weil wenn s sie nit gebn tat, tats eich jo a nit geben. Verstehts mi? Die Rede is nit von auf der Welt sein, oba von in da Welt vom Herrn Cutiepie sein. Verständlich oda.
Hätt sie ihn nit gschickt, wär er nit davonglofn, hätt er oda sie nit den Fehler gmacht oder wos a imma da Trennungsgrund woa, donn wärts ihr nit banond.
Sie hot ihm gezagt, wos er nit will und wos anfoch in ana Beziehung fia ihn nit funktioniert. Er was jetzt wos er braucht, nämlich di.
Natürlich kennt sie ihn guat und nockentiga, oba wos bringt ihr des jetzt? Sie steht auf und geht weiter, er jo a. Es is jo irgendwie verständlich, wenn de zwa noch mitanonda reden. Des is jo sogoa a schen, wenn irgendwer den Mythos „Freinde bleiben“ Realität werden losst. Also wenn sie ihm mol snapt, drah nit durch. A 10 Sekunden Foto werd nit eia Beziehung zerstören. Oda is de schon so schwoch, doss se nit amol mehr des ausholtet? Donn kert dronn goabeitet, Maus.
Wenn du findest, wos i stoak onnimm, doss dei Bua a Traumprinz is, muast jo erst recht bisi Verständnis zagn. Doss se sich schwa tuat mitn Loslossn. Vorollem wenn fia sie de Beziehung noch nit beendet woa, oba fia ihn schon. Wenn sie de Verlassene woa, hob Respekt. Gib ihr Plotz zum Trauern, moch ihr nit glei a neie Feindin. Sollt se di amol onredn oda mehr onfauchn, holt di zruck. Du bist irgendwie de Stärkere in dem Spiel, des muast nit ausahängen lossn. Entweder du sogst nix oda du sogst, doss sie bitte des nit an dir auslossn soll und du nix dafia konnst. Des is de Woaheit.

De Neie.

Wie viel depate Sprüch über de neuen Freindinnen von Typen homa schon ghert? À la „Hm, mog mei Semml nerma aufessn. Mogst du? Nimmst jo e olles von mir schon obgschlecktes a.“ oda „Hon an schlechtn Tog ghobt, donn gsegn mit wos mei EX jetzt so umalaft. Jetzt gehts ma bessa. HAHAHA“. Wow, Susi. Bist jetzt glücklicher? I glab nämlich nit.
Es is sei gottvadommtes Recht, sich nei zu verlieben. Do brauchst du nit urteilen. In eira Beziehung hot da kana sogn diafn, doss du ihn bessa behandeln solltes. Oba selba traust di sogn, doss sei Neie „zu hässlich/ zu depat is.“ Wast wos? Neid is hässlich, steht da goanit.
Sog er zu dir, er will grod ka Beziehung und donn sigst auf Facebook sein neien Beziehungsstatus, drahst komplett durch. Loss des sein. Loss ihn sei Leben. Du host ka Recht ihn zu verurteilen. UND LOSS SEI NEIE IN RUAH. Nur weil er mit dir ka Beziehung wollt. Hot er lei nit so gsog.
Tatest di nit anfoch frein kennen? I man, du bist a Grund, warum se zamm gfundn ham. Wärst du nit so gwesn, wie de bist, wär nie a Trennung gwesn. De Klane is da dankbar und du antwortest mit Hass? Erwachsen.
Außadem solltest a dankbar sein. Du host Zeit und Plotz, di selba zu finden, di auf di zu konzentrieren. Du konnst da a endlich an Deckl zualegn. Imma lei Frischhaltefolie is auf Zeit a ka Idee. Du bist a Töpfchen, de so an perfektn Deckl vadient hot. So WMF, nit lei NoName Produkt. Sig de Trennung bisi als Befreiung, als Chance.
Des gelingt da holt lei, wenn du loslosst. Muas nit von heit auf morgen oder übermorgen sein. Gib dein Herzl Zeit. Oba vermeid es, de verruckte Ex zu wern. Und wenn de bisi Psychotante werst, loss sei neis Diandl in Ruah.
Sollt di de Neie bled onredn, loch se nit aus und bell nit hinta. Sog ihr, du wünscht ihr des beste. Ob des jetzt er is oda nit, was man nit. Oba begib di nit auf des Niveau oba. Lächeln und Gehen hilft do wohl eher.

Und Jungs. Heit hon i eich bisi ausglossn, weil i noch nie oda seltn ghert hob, doss a Kerl am Buamenklo bleat und brüllt „IA DEPATA EX FREIND IS DO UND LAFT UMA WIE DE LETZTE BITCH. SO A KURZES RECKL ON UND TWERKT SIE ON WIE DE MILEY CYRUS.“ Es tuat ma lad, wenn ihr je in solche Situationen kemen seids. Hobs bessas vadient.

I hob es Gefühl, in da Männerwelt besteht lei de P.-Brüderschaft. Also man klatscht mit dem Kerl ab, der schon deselben Genitalbereiche besucht hat wie man selba. De Frauen dagegen watschn sich dafia gegenseitig ob. WARUM?

Sex is oft unverbindlich, Liebe a.  Nix bleibt zwingend fia imma, vorollem Menschen nit. Wollt Männer schreiben, is oba a Spur zu sexistisch. Weil Frauen genau so ane Schlingelen sein kennen. Ihr hobs ka Recht jemanden festzuholten, der gehen will. Egal, ob er weg gehen, schmusen gehen oder Sex haben gehen will. Und lossts eichan Grant donn nit bei der ondan Person aus, de komplett unschuldig is.

Ajo und wenn ihr über „Freindinnen“ oda ondre Wesen herts, doss de Ex/ Neie voll schlecht über eich redets, chillts amol. Meistens stimmt des nit. Leit reden gern und viel. Glabs nit imma olles, wos ihr so herts!

Also beim nächsten Mol nit glei de Ex/ Neie mit ana Watschn begrüßen oda an zu lauten „MA WOS WILL DENN DE SCHON WIEDA DO??“. Oda dem Freind, den man sunst in da Öffentlichkeit nie a Bussl gibt, schnell neben ihr niedaschmusn. Liab schaugn und Hallo sogn. Wenn ihr über des nit drüber dastehts, bitte anfoch Klappe holten.
BUSSI DANKE. <3

PS: Wehe i greg lei a „de Ex/ Neie von ihm is so depat“ Story. Des Theater, doss jo genau ihr so ane depatn Ex/Neie in eian Leben hobs. Puddlts eich nit so auf, vermutlich sein de Mädels olle komplett liab. Seids holt selba mol liab. Spoats eich des Rechtfertigen, Mitleid gibs bei mir kans. Intressiat mi nit. Danke. ?

IMG_3695.JPG