reflektian wa guat
manchmal nervt es mi unfassbar, dass es menschen auf dera welt gibt, de ihr verhalten so null komma null refkleatkian. und donn gibs leit wie mi, de jede handlung, jedes gefühl, jeden sotz von sich selba refleaktian, hintafrogn und jo: konn schon fest onstrengend sein.
Oba wie konn man bitte durch de weltgeschichte starten und sich nit hin und wieda hinsetzn und nochdenken, wos man so guat, folsch, richtig, ect gmocht hot? es is echt nit alles auf der welt falsch oda richtig. wie wir wissn deaf a de richtige entscheidung weh tuan ohne doss se folsch is. ba ob und zua anfoch an gedonkn daron verschwenden oda bessa gsog investiat in sei eigenes handeln und so weiter… des schodet jo nit oda?
es leben konn schon um aniges anfocha sein, wenn man was, wos man mog.
wenn man was, wos man vadommt guat konn und wo man no lernbedarf hot.
wenn man was, welche sprache der liebe man redet. (brauch ma dazua an blogpost?)
wenn man was, welche triggerpunkte man so hot und welche thematiken aus da kindheit man no aufarbeiten muas.
ganslhaut, also de schlechte oat davon, greg i, wenn leit anfoch sogn „so bin i holt amol! i konn nit ondas.“ kumel, doch. dei krankhafte eifersucht is nit, weil deine freindinnen olle so unloyal sein oda woan. dei ständiges betrügen konnst nit anfoch mit „is holt mei oat“ obtuan. deine ganzen ängste muast nit ständig mitschleppen und fia imma damit leben. bis on dei lebensende gleich grantig iba de gleichn sochn sein, glabst nit doss es do mehr gibt? an weg, wo de weniga grantig bist? menschen eftas zu verletzen, ohne amol zu frogn, wos man do eigentlich folsch gmacht hat is fia di selba nit guat. und jo, desholb is sich selba zu reflektian ka bullshit oda achtsames gedöns, des grod auf instagram an hype hot. es is anfoch wichtig fia jedn.
leit, de gern schreiben, homs holt leicht: de setzn sich hin. schreiben olle ritt amol auf, wos se on sich selba lieben, wos se schätzen, wos se gern no lernen tatn und beantworten anfoch a poa frogn und lernen sich so imma mehr kennen.
oba i vasteh, wenn leit des nit megn oda „kennen“, wobei do is de frog, ob se anfoch nit wollen. oba man konn a de frogn im kepfln durchgehen oda wenn man wen hot, konn man des mit wem durchreden.
wos willst du? wer bist du und welche werte machen di aus? welche schwächen hast du und wos sigst du positives drinn?
a Beispiel:
de mara is total empathisch und verlier mi zu schnell in den gschichten ondarer. is supa, weil sich menschen von ihr verstanden fühlen. auf da ondan seitn is es bisi nervig, weil sie geschichtn anderer treffen und sie quasi senre packln mittrog. de mara schätzt on ihra schwäche, zu empathisch zu sein und sich immer harmonie zu wünschen, doss sich menschen bei ihr potentiell wohler fühlen. dennoch is ihr bewusst, doss se kloare grenzen setzn deaf. und menschen tuan sich mit da mara leichter, wenn se sog, wos se will. ihr lieblingsmove, doss se sich zruckziag, wenns ihr nit guat tuat, is holt niemals der lieblingsmove ihrer vertrauten menschen, weil se donn nit wissen, wos los is und senen is mehr gfholn, wenn de mara sog, wos se will und wos se nit will.
mir woa oft nit gonz bewusst, warum i in gewissen situationen so handel und hab mi gaaaaaanz oft in ähnlichn situationen gleich (scheiße) verhalten . und mit der zeit hab i mi besser kennen glernt und damit a gwusst, wos i eher brauch und mog und hab mei verhalten reflektiat und damit donn a wos onfongen kennen. und genau des is so praktisch.
es universum wird di imma wieda in ähnlichen situationen einedrängen und du werst solong lernen miasn, bis du deine fehler nerma mochst. dir kimt vua, jeda typ haut nochn ersten mal sex ab? in deine augen triffst du imma de selben menschen mit ähnlichen streitpunkten? denk mol driba noch, wos in den situationen eventuell gscheida gwesn wa und wos da es universum zagen will. vielleicht solltest du nit imma zu de typen sogen „f plus is mega geil, i mog nix fixes“, wenn dei herzl sich so gern binden tat. vielleicht gehst glei hin und sogst „i will wos fixes, wenn du des nit willst loss ma es bitte bleiben!“ und donn gibst di holt amol nit fia weniga her und verzichtest auf semigeilen, eher schlechten betrunkenen sex nochn fuatgehn und wochst liaba entspannt am nächsten tog alan auf. des sig es universum und bringt da donn sia schneller dein persönlichen lotto 6a. 😉 i sprich bisi aus erfahrung!!!
reflektiate leit sein a leichta zum kennenlernen. wie willst du wen richtig guat kennenlernen, wenn er nit amol selba was, wer er is? wie soll sich des denn spüln?
vielleicht hob i di bisi dazua bewegt, di mehr mit dir selba zu beschäftigen. schodet da fix nit. anbei a poa frogn, de du da stellen kenntest. und wenn du bisi a literatur zu dem thema brauchst, werd i do gern in nächster zeit an blogpost und oder reel auf dazua mochn? 🙂
Wie würdest du di selba beschreiben?
welche ziele host du?
welche ziele host du ghobt, de du bereits erreicht host?
welche werte sein dir selba sehr wichtig?
wos konnst du richtig guat?
wos konnst du nit wirklich, tatest es oba gern kennen?
wenn du on dei kindheit denkst: on wos denkst du do?
welche eigenschoft mogst du am wenigsten on dir? Warum?
wos is dir in an ondan menschen wichtig? welche eigenschoftn miasn de leit in dein lebn hom? host du de selba a?
ps: danke fias lesn. cool wa a, wenn du mein neichn textln auf insta a herzl dolossest. wast e, der insta-algorithmus is nit imma so a maus!