Bücherempfehlungen von 2023
und da simma wieda! es tuat ma echt a bisi lad, doss mei blog so unter mein dauerstress und i hab was bessa zu tuan ausredn leidn muas. oba i hob ma gedocht 2 blogposts im monat sein drinn und dafia gibs a 2 podcastfolgen im monat. fair oda? den rest wirbl i über instagram& tiktok. und wer ma richtig gönnen will, folgt mir auf patreon und greg 4 blogposts im monat fia 3 euro und zugriff auf alle blogposts seit Jänner 2022. <3 i hab 2023 richtig viel getan und erlebt und ans hob i vua ollem gmocht: glesn. deshalb jetzt poa buch empfehlungen, de es ma echt angetan haben.
glei vorweg, i hab da affiliate links reinghaut, damit i, wenn ihr drauf klickts poa cent greg& wenn ihr donn glei wos kafts hobs eich a an gfolln geton! i lieb bücher & bin so donkboa doss i buchhändlerin glernt hab und vermiss de zeitn a sehr. oba wenigstens als influencerin greg i weiterhin so viele leseexemplare und konn de verschlingen und eich weitagebn. also wer liab sein will, klickt auf a buach, des ihn intressiat a aufe. danke und bussi!
übrigens hab i 2024 a spar lese challenge am lafn: für jedes buach wos i greg/gliehn hab, also nit selber gekauft hab, spoa i ma geld weg. pro 100 seitn seins 5 euro. so spoa i und so lies i biacha de i e schon daham hob (wobei i holt SO GERN BIACHA KAF!!!!!).
achtung, mei lesegeschmack is sehr irre. i lieb thriller, gonz grausige sochn. i mogs so richtig kitschig, doss i glott diabetes greg. i fühl biacha, de mi weitabringen. i lies a gern jugendbiacha. olles deaf nix muas. oba 2023 hob i sehr wenig grausliges zeig glesn weil anfoch mei leben stressig genug woa und mir is bewusst, doss ba ana angststörung irgendwelche irren mörderstories NIT des beste sein ahahah.
wenn du heuer nur a buch lesen dürftest, hätt i gern, doss es des is. DES IS SO GUAT. irre. da kann man so viel mitnehmen & fia sich selber lernen und a in de eigene beziehung tragn. i hätt ma gwunschn, doss i des sowie de 5 sprachen der liebe vor meina neuen beziehung glesn hätt. i hätt des eigentlich genau in der trennungsphase/heilungsbeginn lesn solln. oba bessa zspot wie nie, oder? es is echt a sehr moderner liebesratgeber, der schon irgendwie platz fia olles losst. und man pickt sich des ausa, wos man grode lernen/ wissn muas. und i magn jay shetty& seine denkansätze und hab supaviel mitnehmen diafn. vor allem des dating kapitel hot ma so zuagsogt& hab des ana freindin damals erklärt während ihrer datingphase und ja. eindeutig kimt bald mal a dating podcastfolge (& vl a blogpost??) und dann geh i fix a nochmal drauf ein. liebe is so viel, oba durch de gesellschaft werd se oft ZU viel dargestellt. zu ernst, zu kitschig, zu wenig individuell. dabei is liebe so individuell: i gfrei mi iba bluamen, du gfreist di vielleicht über a umarmung. unbedingt auf dei leseliste setzen!
von der autorin werd i glab i noch JEDES buach lesn. weil sie catcht mi anfoch mit jeder reihe. grode hob i ihr neueste reihe, wo no nit alle teile draußen sein in da reisn und zwoa de greene reihe. oba de baileys reihe hat mi letztes jahr durch mein krankenstand gebracht und es woa so wholesome. de biacha sein nit zu seicht, oba schon anfoch. anfoch schen und anfoch leicht. wer nit viel liest, werd so wieda de leseliebe findn und i mag es anfoch wenn in ana geschichte de charaktere richtig fertigdazelt werden. und wenn man olles uma a so mitgreg. i schwör, man fühlt sich so als tat man do in dem ort wohnen! kurz gsagt: jedes baileys kind findet sei große liebe & jede lebensgeschichte wird erzählt. i hab grad gesehen, es gibt ALLE teile in an ebook, perfekt. da kann man sich so richtig einelesen.
fans von gone girl oder girl on the train wern diesen psychoroman a megn. i lieb es anfoch, wenn man nit was, wer is böse, wer is guat und was is da los. i mag biacha mit richtigen pageturnern& the couple next door hat nit enttäuscht. i hab gefühlt JEDEN verdächtigt in der gschicht und woa donn trotzdem relativ verwirrt am ende. wer also so spannende biacha mog, de bisi an diese ganzen netflix miniserien erinnern: lesen. wobei mir einfollt the woman in the window hat mi weder literarisch noch als serie umghaut. the couple next door woa eindeutig a guates, solides spannendes buch von 2023. oba i hab 2023 eben so wenig spannendes glesn, doss i ehrlich sogn muas: do geht no mehr. 2024 hob i schon poa spannende biacha umaliegn.
a jugendbuach wos es verdient hot, a von erwachsenen glesn zu wern! i wünsch mir, doss meine kinda später genau solche biacha lesn. de kost is ziemlich schwer, es geht um gewalt& pflegefamilien, aber do is so viel empathie& reflektion drinnen. a bua kimt in a gonz a tolle pflegefamilie& tuat sich schwa mitn einleben. i hab de geschichte so einfühlsam gfundn und a bei unguatn situationen sein de gedankengänge so akleat woan, doss man wos ins echte leben mitnimmt. also wenn ihr heuer für an jugendlichen a buach brauchts: des. und a wenn man selba mal sag man will a schwere kost lesn, oba es soll nit zu triggernd sein- i find des buach heilt a bisi. de autorin schreibt a erwachsenenbücher & ihre hospital reihe werd i 2024 lesn & i hoff a doss se do so empathisch schreibt. also der jugendroman hat mi so abgeholt wie schon lang ka normaler roman mehr.
BITTE LESEN. des is nit nur so a instagram buch wos jeder postet, weil es grod in is. des buach is heilung pur. a poa seitn am tog hom ma greicht, um mi mit mir zu beschäftigen und poa ontwoatn auf frogn zu gregn, de i ma no goa nit gestellt hab. i trau mi schon sagen, wenn man mein content fühlt, wird man des buach a megn. i hab da so viel lernen diafn & mitnehmen diafn und a so viel verstehn kennen. viele leit wissn goa nit wie dringend se heiln miasn & des buach hilft unfassbar guat dabei. ma i konn do nix ausa schwärmen, sorry! 101 essays hat ma a schon viel gebn, oba this is how you heal is des beste.
wer sich zviel gedanken macht, sollte sich mein podcast anhean und oder des buach besorgen! i man es buach is sehr viel sachlicher und i find des guat. overthinking is so a emotionales thema & do is anfoch a buach wo olles schwoaz auf weiß drinnen steht a große hilfe. find es a supa als a geschenk fia an overthinker. es gibt nit so viele bücher zu dem thema de i selber guat find, oba des hob i guat gfundn weil es eben sehr sachlich is & im gegensatz zu this is how you heal muasi nit ständig blean deswegn ahha. oba de kombi aus de zwa biacha is a 10/10.
des is so a 10/10- kitschloses schenes liebesgschichtl. i habs meiner mama als hörbuch obaglodn & de frau hots genauso nettig gfundn wie i. i lieb des setting- es geht nämlich um a liebes tv show wo a geschiedene frau mit tochter mitmacht. und I LIEBS. ma i hab richtig lust, mehr biacha zu lesn de auf an set spielen. des is anfoch so a welt, de i nit kenn, oba de mega cool wirkt. perfektes buach fian feierabend, wo du den stress liegn losst& es herzklopfn einscholtest. schen gschriebn, tolle charaktere& happy end. WAS WILLST MEHR?
TW: Vergewaltigung. also des buach is ka leichte kost gwesn, oba i brauch oft zwischen so seichte gschichtln anfoch a a storie de (leida) viel zu oft in echt passiat. i lieb es zu lesn und mi in a andre welt zu versetzen. aber i lieb es a zu lesn, um mir bewusst zu wern, wos es leben wirklich is. a mädel wird erwachsen. was schon mal stressig und schwierig is. no schwieriger is es, wenn man zu männern ka normale bindung aufbauen kann weil eben was passiert is, was nit ihr schuld gwesn is, wobei sie sich de schuld gibt. wie soll sie es besser wissn? nach dem buach woa ma wieda kloa, doss leit sich nit traun zu redn, wo es doch so wichtig wa, hilfe anzunehmen. es is echt a schwere kost und nix wos i zwischendrinn zum ablenken brauch. aber wer wirklich sagt, er is nervlich stabil und will anfoch der realtiät ins auge schauen: lesen. unbedingt. supa gschriebn, man versteht de entwicklung von eden SO guat (leider). sig i irgendwie a als schullektüre, weil es echt a thema is, wos bei vielen menschen a problem is.
wenn deine wärme meine kälte besiegt
de autorin miastets eigentlich schon von mir kennen. die ruhe vor dem sturm is anfoch so a irre reihe gwesn & deswegen woa i a von der neuen reihe SEHR erwartungsvoll. und i bin nit enttäuscht woan. a mädel wird beim altar stehen glassn und will bis weihanchten an neuen typen. speed-dating it is! oba leida datet sie nur trash & der restaurant besitzer hilft ihr bisi. und schon geht die storie los & i hab bis zur letzn seite wenig geatmet weil i so gespannt war, was passiert. a paar schräge dinge passian sowieso und jo. i find de holly zuckasüß& gfrei mi auf a wiedersehen im nächsten teil!
und i gfrei mi auf a wiedersehen mit dir beim nächsten blogpost, auf insta, beim podcast oda tiktok. wo du willst, mei herz! danke fias lesn. danke fias supporten und dazel mir ruhig deine buchtipps <3