Sex > Pornos
Endlich kimt des langersehnte und oft gwunschenes Thema: Pornos. Glei vorweg- i red vom Konsum von Pornovideos im Alter, wo man des bewusst und eigenständig onschaugn konn. Streng gnommen also ab 18 Joa. Auf olle Fälle bin i weder Pädagogin noch Psychologin deshalb beschäftig i mi heit NIT mit Pornofilmchen und Minderjährigen. Kids und Jugendliche und Pornografie is a recht sensibles Thema, daher sprich i ausdrücklich mit selbstbestimmen Erwachsenen. Sollte sich jetzt a 16-17 jähriges Wesen beleidgt fühlen, sorry! Man wär immer gern erwachsen, in dem Fall seids des holt des nit. Und eigentlich is da Konsum von solchen Filmchen verboten und blablabla whatever, i erwähn es nochmal: I red heit über des Thema im Gebiet von ERWACHSENEN.
Heitzutoge hot jeda an Internetzugang, kann leicht an privaten Modus einehaun und was, wie und wo er gratis Pornos hergreg. Grandios. Sollt ka Geheimnis sein, wird oft als Tabu abgetan und is am Ende is nix ausa normal. Wer mastubiat und oder Sex hot, tuat Filmchen a schaugn. Punkt aus. Ob der jetzt alan oda zamm gschaut wird, is jo egal. Lei find i es wichtig, doss man anige wichtige Punkte im Augen hat.
Bewusst.
Genauso wie eichan Social Media Konsum solltets ihr a eichan Porno Konsum bewusst im Auge behalten. Es liegt in eichre Händ, wie oft ihr wos onschaugs/ konsumiats. Außerdem a de Qualität. Lies i jetzt 3 Stund long promiflash NEWS oda 20 Min Zib, wovon hon i mehr? Scroll i 40 Min durch Insta oda durch mei Lateinbuach, wos bringt ma mehr? Schau i ma 4 Stund anfoch Pornos on, wo da Flair gach vergeht oda liaba 30 Min und loss des amol wirken? Es gibt Qualitätsuntaschiede bei Pornos. Moche sein REAL, vü zvü NIT. Sprich: Liaba an echtn Sexfilm anschaugn ols so gstellte Matratzensporteinlagen, DE NIT AMOL MEHR GEIL SEIN.
Sex > Pornos
Wos mocht an Porno ECHT? Wer noch kan Sex ghabt hat, kann des noch nit wissen. Ganz anfoch. A Leit, de noch wenig Sex ghabt ham, wissen es noch nit. Aber Laxobu hilft eicht und de Hazel.mead.
In Filmen gibs anfoch nie Sex, daweil de Frau ihre Toge hot. Über des normale Thema red ma a amol ok? Weil des sollt man öfters segn und a öfters machen. Menstruation is normal und ka Schond!! Und ka Grund fia a Sexpause.
Entweder olle sein nockig im Video oda man sig nit, wie wer beim Ausziagn üba seine Fias fliag oda gonz unsexy NIT den BH aufgreg, a des sein so Sochn de passian im echten Leben UND SEIN OK. Außerdem losst nie wer Sockn on.
WIESO SIG MAN NIE BH STREIFEN ???? I man hallo? Cellulite gibs onscheinend a nit in da Pornowelt. Im Real Life hot des fost jede Frau. NA UND. Und wo bleiben mol HAARE auf de Fias oda bei da Mumu oda bei de Ochsln? Als wa jeder so 2343432 % perfekt rassiat. Und nie haut sich wer den Kopf on, fliag wo obe oda locht anfoch mal zamm. Vadammt, Sex macht Spaß. In Pornos schaugs eha aus als was a Hochleistungssport!! Medaille? Orgasmus. WOW. Und Wasser-Trink-Pausen sein a thing. Wos man in Pornos nit riacht sein da Mundgeruch und da Schweiß. Sex in ana Dachgeschosswohnung im Sommer. GEIL. SCHWEISS. Außerdem steht nit jedes Pimpi wie a Ansa von jetzt auf glei, des braucht ZEIT. Gleiche is beim Thema „i werd nit so schnell FEICHT.“ und i predig des jo imma so hoat- es Klo is nochn Sex bitte imma da 1. Ort. in Pornos tuan de nit mol Gsichtlputzn noch da Spritzarei.
Wos bedenklich is, sein diese groben FLICKAREIEN. I man, er gibt ihr an Kuss und foat donn VOLLGAS in sie eine? Zeit zum Feicht wern? Braucht man nit. Kondom? NEVER. Dieser Finger zur Probe, ob es schon geht? Abageh. Bitte bitte bei Sex auf Vorsicht gehn, erst liaba sanft und donn bisi Gas gehn. Sunst tat de Stimmung standipe vergehen.
IN PORNOS WERN FRAUEN VÜ ZWENIG VERGWEHNT! Egal, wie lang da Film dauat, Blosarei is imma drinn. Oba Schenkeltaucha is fost a Seltenheit. und wenn donn so kurz wie mei Ausdauer beim Joggen. Dabei is so wichtig, doss OLLE Bettkumpis Spass ham!
Liebe Mädels und Männer, ans sog i eich, sollt eicha Typ nit so 82 Minuten ausholtn ohne zu kemen, is des normal. In Pornos mant man, der konn de gonze Nocht. Lei, weil er auf Viagra oda so is. Zufrüh kommen is normal. Irgendwonn nerma kennen is normal. Bitte nix daschreckn.
Liebe Männer und Mädels, wenn sie nit kimmt, a wenn ihr rammelts wie de Ansa, is a ka Schond. Dieses Hochleistungshupfen von de Knia aus is eher für anige Frauen a Graus. Oft sig man wie oag Männer SPRINGEN und in de Frauen einDRINGEN und aua aua aua.
Darf Porno das?
jein. Pornos sein Kunst, gespielt und do steht jo nit dabei „so geht echter Sex.“ Für anige Menschen is es a Stimmungsmocha, bei ondre is es damit wieda vorbei. Ihr solltets lei bewusst des schaugn und wissen „so wirds in echt nit sein“ Ihr kennts de Hond amol so onlegen wie de im Video, lei wird da Bettkumpi do nit so schrein. Inspiration gerne, Kopieren nit so. Wie de Copycat des mocht, is vielleicht guat. Kürzen und bisi vaändern (Hihihi vergleich i grod so a Mädel mit an Porno? GOAL.)
Stumpfen Pornos ab?
jein. Wer sich täglich 4 Filme onschaug, konn vielleicht nerma so schnell erregt werden, oba de echte Sexlust is jo wos GONZ ondares. Natürlich is es nit gsund lei Filmchen zu schaugen. Oba a durchgehend auf Insta zu sein, tuat nit guat. Jedn Tog drei Kistn Bia a nit. Also wissts e- de Dosis mocht es Gift.
Schaugs de Filme, wenn se eich reizen. Oba mit dem Wissen, doss eicha Bauch nit so floch sein wird, beim Missionieren (hihi). Oba mit dem Wissen, doss de Frau nit so schreit, wenn ihr von 0 auf glei in ihrn Oasch einepfeiffts. Oba mit dem Wissen, doss eia erster Sexpartner nit fix so rasiat is und SO AN GROSSEN PIMPI hot. Oba mit dem Wissen, doss nit jedes Mol, wenn ihr Sex hobs ihr a so an Bombenorgasmus hobs.
Darf man über Pornos reden? Gerne. Viel. Öftas. Zu wissen, welcher so guat is und welcher real. Wer noch kan Sex ghabt hat, soll gern mal nachfragen bei ondan. „I hob gsegn, de druckt sich 32 cm Schwanzi in den Mund geht des??“ Na Maus, nit amol bis zur Eichl geht des guat. Es gibt viele Frogen im Bereich Sexyhexy de eich de Pornoindustrie nit beantworten wird. Also do werds nie lernen, wie ihr a Kondom aufegregs.. Also i glab, i hon olles gsog wos gsog ghert. Fias Erste.
Schauts auch eich. Bis bold. ?