lets talk about sex part 2

lets talk about sex part 2

17. November 2019 2 Von Laxobu

Weiter gehts. Seid ihr ready? Anscheinend ham nit lei 3-4 Leit mein Beitrag angeklickt, sondern a poa Hundat. Naja, ihr wollts mehr, ihr gregs mehr. Danke für all des guate Feedback und de supa Ideen.

DIY

how-to-make-homemade-blackberry-and-vanilla-vodka.jpgSelbstbefriedigung. Heimliches unta da Bettdeckn Umafingalen. Im Bodezimma mit hochrotn Kepfl umahobeln. Mitten in da Nocht aufwochn und Untahosn wechseln miasn. Olles zomm irgendwie komisch und aufregend zugleich fia Jugendliche. Im Erwachsenenalter merkt man donn, doss des eigentlich echt notwendig woa. Dieses Sichkennenlernen.
I sogs ehrlich, a wenn anige des geheimholten wollen, auf Ewig: Man lernt sein Körper alan am besten kennen. Wer sog, doss er es sich selber nie mocht, liagt vermutlich. Wie soll man wissen, wos a Orgasmus is, wenn man de nie erlebt hot? Wie konn man zum Partner sogn „Tua bitte so, so mog i des.“, wenn man noch nie alan umageklaubt hot. Kloa, gewisse Dinge erfoat man lei in Zweisamkeit. Blosn konnst da erst selba an, wennst da gewisse Rippen entfernen lossest. Oba den klassischen Handjob konnst selba erledigen und erleben.
„I besorgs ma nerma selba, dafia hob i jetzt IHN/SIE.“ is a kompletta Bledsinn. Vorollem in ana guatn Beziehung kumt man no mehr in Versuchung, sich selber „fertig“ zu mochn, wenn da ondre mol fern is. Als wärts ihr noch nie geil auf eian Schatz gwesn, der donn ewig weit weg woa. Wos tuats donn? Aufspoan? NEVER.
Also bitte, i was, in da Schul woa WIXXEN sowos abartiges. Oba eigentlich is es wos natürliches. Wohin sunst mit oll den Hormonen? In Oasch? Donn lies weiter..

Hintertürchen

Smell of Sleep.jpgNur Männer megn Anal. Für Frauen is des echt bled. WOS? A Orgasmus, der durchn Poposex erlebt wert, is fia Frauen holt 2-4 mol intensiva. Fakten kennen so sexy sein.
Bitte schlogs eich nit de Händ üban Kopf, wenn eich eier Bettbuddie a Analdusche onbietet. Des is echt ka letze Idee. Liaba sauba und safe wie irgendwie mit irgendwos onsteckn. I hob des noch nie probiat (i schwör), oba würd es vermutlich nit oblehnen. Soll reinigen und guat vorbereiten. Vorbereitung is soooo wichtig beim

Hintertürchenausflug. Dehnen. Gleitgeil. GLEITGEL UPSALA. 1 Fingale. 2 Fingalen. Pimpispitze. Pimpi. GOOOOOO.

Do braucht man Geduld und Vatraun. Bitte, bitte, bitte nit anfoch einestecken und JUCHE. Des endet mit AUWEH. Liaba chillimillimodus. Do sein Pornos wieda lei ane Märchen, nie im Leben geht des so zack bum eine.

Mogst du des so?

ЯRA_ru.jpgDe Frog sollte man imma wieda mol einewerfen. So zwischen „Oh Gott geil.“ „Ma, i kum glei“ und „Bitte hau festa.“ Mogst du des so? Egal welche Stellung, wie schnell, wie fest, frogs des anfoch amol. Vielleicht hobs an schmerzempfindlichen Monn unta eich, der des nit daramt, wenn ihr ihm eire Zent in Holsbereich hauts. Oda de Frau steht nit auf Popoklatscha. Obwohl.. wer mog kane Popoklatschas? (Ma i sig schon wieda so viele senre Augen übadrahn. Leitlen, wir sein im Joa 2019, do is Sex ka Unta-da-Bettdecken-Storie mehr)
Also vergessts bei oll der Gaude nit den Respekt und den Onstond zu frogn, ob olles so guat is.
Oba des klassische „WIE WOA I?“ nochn Sex kennts eich obschminkn gehn. 😉

OH MEIN GOTT I BIN JO NOCKENTIGA

Chill. I hob e schon es letzte Mol gsog, maybe bist noch it bereit dafia. Fias Umarammln. Is jo ka Stress nit. Oba her auf di zu stressen, wenn de nackig bist. Du bist jo e so a Sahneschnittchen. Wenn sei Schwanzl steht, steht des wegen dir, alsooooo. Chill und genieß! Fühl di wohl in dein Body, kert jo dir. Sei stolz drauf. Dei Speckfoltn? Sig er e nit. Dehnungsstreifen auf den Boobies? Gibs schlimmares. Deine Tepf sein da zklan? Klein, aber oho! Glabs ma des anfoch, ihr seids schen, sowie ihr seids. Und aus. Fühlts eich wohl, bitte. So is es fia eich schena und fian ondan a. BTW sein „I bin zfett“ Sätze ka Dirty talk.

Wie oft hot man jetzt Sex..

Es gibt ka goldene Regel, de sog, wos zvü und wos zwenig Sex is. Des miasts eich in da Beziehung anfoch ausdaredn. Wer will wie oft, wos erwoatet man sich, reicht amol a bisi Handwork a. Wenn bade guat befriedigt sein, is es guat. Ihr miasts eich jo nit de gonze Beziehung long de Seele ausn Leib vegeln, wie de ersten 3 Monat. Wunde Stellen sollten BTW a gscheid vaheilen. Beruhigs eich, es gibt do ka Pflicht und Regel. Sooft ihr Bock hobs (OBA BADE NIT LEI ANA), sooft ihr Zeit hobs. Passiat holt schon mol, doss man am Wochenende 6 mol innanond foat. Donn konn e sein, doss unta da Wochn nix geht und donn am Freitog werd grammelt wie de jungen Haselen.

Photo Stroy #fashionphotographer #fashionphotography #trendy #womensfashion #drawings #art.jpgFeichtgebiete

Gschwind mitn Finga schaugn, ob man ready is, befua er einesticht. Kennst? Donn bist stabtrockn. Fuck. Wos tuan?
1. Host du schon Bock? Wenn nit, bist du zeng und es tuat lei weh. Donn entsponn mol gscheid und gebs da a bisi mehr Zeit.
2. Bock is do, trotzdem is do untn Wüstenstimmung. Verdammt. Spucke drauf. Ok. Gleitgel is bessa. Nimmt den Schmerz, bringt mehr Spaß.
Sex is holt a feichtfröhliche Ongelegenheit. De Trockenheit loss ma unsan Humor übrig.

Je lauter, desto bessa?

Stöhnst du, weils geil is oder weil er donn geil wert? Großa Untaschied. Stöhnen, schreien und otmen is a nit es gleiche. Des gekünstelte Pornogekreische miasts eich a nit als Vorbild nehmen, des dient mehr zur Obschreckung. Solltets ihr bisi zlaut sein, miasts eich e mitn Polsta bisi dämpfen. De Nochban miasn jo a nit imma wissen, wos a guats Liebesleben bedeutet.
Auf olle Fälle, je lauter, desto bessa is a Bledsinn. Konnst a mit vuagholtenen Mund und zommgebissenen Zent geiln Sex hom und woast leise. I glab, do sprechn ondre Dinge mehr dafia, doss es guat is. Relationships 32 Art Print.jpg

Bitte gern wieder Themen, wenn eich wos einfollts. Zum nächsten Sextalk werd i es des Joa nerma schoffn. Oba 2020 is e a bold.
Also dem Thema Onenightstand widme i mir nächsten Suntog. Des wird a bisi a längere Gschicht, länger wie de meisten Onenightstands holt dauan.
Ajo und am Dienstog gibs den GIFTGUIDE, damit ihr genug Inspo hobs. Weihnachten is jo bold!!