De Soche mit dem Rubbeln

De Soche mit dem Rubbeln

17. Mai 2020 3 Von Laxobu

Mir eigentlich egal wie ihr dazua sogs. Mastubian, rubbeln, on sich selba umaspielen, selfcare oda wi**n. I find des letzte Wort nit so nice, oba olles ondre- go for it. Go for it sog i a zum Thema on sich. Mastubian an de Macht! Warum Selbstbefriedigung nix mit schlechten Sex in ana Beziehung zu tuan hot und weder ekelhaft noch zum schomen is. Des lests ihr jetzt.

Es gibt so a Schublode, do sein anige Tabuthemen drinn. Gehalt, wie oft man Sex hat, Menstruation und eben a Mastubation. (Natürlich a tausend ondre Dinge, oba wir arbeiten uns gonz longsom voran ok?). I moch de Schublod auf und ziag MASTUBIAN ausa.

„Es is so grausig!!“ Hert man tausend Mol, in jeda Eckn, in de Klassnzimma und sunst wo. Des sogn nit lei holbwüchsige Pubertiere, de noch Hormone und Schweiß müffln. Wer American Pie den Film kennt, denkt bei Selbstbefriedigung oft on Sockn, Toschntiacha und Heimlichtuerei. Oba ok, ans vorweg: I bin a eindeutig dafür, doss man sich hinta vaschlossenen Türen befriedigt. A gerne mitn Partner als Vor- oder Endgame, oba NIT öffentlich. Is strafbar und find i NIT korrekt. I vasteh a sehr guat, doss man nit zu den Eltern zum Obendessen sitzt und sog „Heit hon i ma drei mol an obaghoblt“. Des is ka so a nice Ontwort auf de Frog, wie heit da Tog so woa. Oba es is schon a guates Thema bei Mädchenabenden, wenn man anfoch bisi über Sex talkt.

Wer wixxt, hot a Sexsucht.“ Des konn i schon nerma hern. DES STIMMT NIT. Es gibt Toge, do braucht man es 4 mal, donn gibt es Wochen, do braucht man es nie, donn wieda täglich. Der Sexdrive hot a vü mitn Olltog zu tuan. Es entspannt. Komplett. Es tuat da guat und des Feeling danoch- göttlich. Schlimm find i es, wenn man sog „Wäh der wixxt 4 mol“ und des sollte als Mobbing gelten. Selber rubbelt man sich 3 mol selba, oba is still und vaoascht den ondan. I man hallo?? Wixx-Witze sein sowos von OUT. De mocht man nit, weil Mastubian holt anfoch NORMAL is. Bestimmt gibt es Menschen, de nie mastubian, weil se asexuel sein. Oba bestimmt sogn so vü mehr Leit, doss se es nit tuan und dabei tuan se es anfoch.

FRAUEN WIXXEN NIT.“ Doch tuan se ÄTSCHPÄTSCH! Und wir tuan des genauso oft wie die Jungs und wir hom ka Umapotzarei danoch ÄTSCHPÄTSCH! Und wir kemen selber fost leichter und besser ols mit männlicher Hilfe ÄTSCHPÄTSCH. Den letzten Sotz wollt i streichen, loss i oba stehen. Natürlich gibt es Männer de nit so depat redn und de man nit so gegen den Kopf stoßn muas, oba es gibt a ondre. A Frau (&a a Monn) de sich selber befriedigt, KENNT sich selber anfoch. Des is guat, für sie und ihre Bettpartner*innen.

Ausafinden. Man muss anfoch selber umaklauben, druckn und testen, um donn später den Menschen zu sogn „So tuast bitte. Des mog i.“ oda a „Des mog i nit.“ Zum Thema „NA“ kimmt a bold wos. Weil i bin gonz ehrlich jetzt. Wer is nit schon mal im Bett mit wem glegn und hot sich gedocht „BITTE HER AUF DES GIBT MA ANFOCH NIX“. Und richtig guate Bettpartner*innen sein holt de, de da des nit übel nehmen, sundan sich drauf konzentrieren, es noch besser zu mochen.

I hob de Froge greg, ob Sextoys toll sein. I muss sogn, des kimt drauf on. Jede(r) mog wos ondares. Ausprobian! Studian! Testen! Vibrian! Also des klane Teil hon i schon in manchen Haushalten gesehen. 😜 I valink ihn amol, so aus reiner Neugierde, wenn wer onschaugn will. 
Der Spaß kostet kane 15 Euro und mocht Spaß. Hon i holt kert 😉 Auf olle Fälle, sein solche klanen Geschenke für Freindinnen oda Boys a ka blede Idee. JUST SAYIN. Tat so gern solche Teile verlosen und eich schenken. Des wär a klanes goal ahha.

Jetzt no schnell a Thema, wos mi selber oft hoat trifft. Wos i a jetzt oft „aus Gaude“ hern hob diafn noch dem Post. „IS DA SEX SO SCHLECHT, DOSS DE ES DA SELBER BESORGEN MUSST???“ I dazel eich ans- a guate Beziehung überlebt es, wenn da ondre mol selba Hand anlegt. Wer donn spinnt oda streitet, hot holt echt nit so a happy Beziehung wie er denkt. (DEAF I DES SOGN? I GLAB NIT IS MA OBA EGAL WENN IHR EICH A IN MEI SEXLEBEN EINMISCHEN WOLLTS!!!) Ihr sogs, wer in da BZ wixxt, hot schlechten Sex. I glab, wer in da BZ nit wixxen DARF, hot a schlechte Beziehung. Aus. Außerdem bitte, wenn man mol alan duschn geht und es überkimt di, überkimt es di anfoch. Es gibt a Momente im Leben, do geht des Liebe mochn nit so guat. Alan aufs Klo, konn man oba imma hupfn. Also bitte. Wer in da Beziehung sich befriedigt, bringt Pepp ins Leben. Und de Ultralovers besorgen es sich zamm alan. WOW. OAG. OK BOOMER. A poa denken sich jetzt „Des is ma jetzt zviel..“ i her schon auf. Wer lei zwa mol im Monat sein Freind zuabelosst, der darf sich bitte nit bei ihm beklogn, wenn er mol selba Hand anlegt. Weil sei Sexdrive is nit dei Sexlust und umgekehrt. Wenn dei Libido schreit „HE WIR HOM UNSA PENSUM ERREICHT“ und sein noch mant „I kennt heit noch 3 mol.“ Donn loss ihm oda a ihr de drei Mol. Nit spinnen, helfen. Oda genießen. Oda zuaschaugn oda.. Augen schließen.

Mei Lieblingsaussoge? I MOGS NIT, WENN MEI FREIND WIXXT, WEIL ER DONN ON ONDRE DENKT. Is des schon betrügen fia eich??? Is des sowos wie fremdgehen?? Wenn er Pornos onschaug.. deaf er des wohl a nit? (Spoiler: nächsten Sunntog gehts um Pornos. Juche.) Olle Leit de so denken: BITTE CHÜTS. Kopfkino is (noch) nit strafbar. Und wenn ihr Ongst hobs, doss er a ondre geila findet.. De Ongst hot eigentlich mit eich selba zum tuan. Schätzt eich selba bitte so schoaf und sexy ein, wie ihr a wirklich seids!! Meine Güte, donn denkt er holt mol on de XXXX, oba vanaschen tuat er jo EICH. Also bitte. Beruhigen. Wir miasn nit IMMA Drama mochn. Darüber red ma bold wieda mol ordentlich ok? Des Eifersuchtsthema is still a thing. Eifersucht schickt sich nit

Wos i erwähnen muas, is doss mei Community GOTT SEI DONK nit so engstirnig und konservativ is bei olle de Themen de i so onschneid und ausahaus. Danke dafia. Bestimmt schwitzn anige beim Lesn oda denken sich „OMG.“ Oba anige lochn sia und hom a Freid. Wie imma hon i a auf IG anige Statements von eich greg, de ma richtig taugn und zagn, wos fa geila Haufn ihr seids.

Des beste vom gonzn Tog.

Nur so lernt man sich selber kennen und was wos an taug!

Kana gibt es gerne zua.
KEMMA DAZUA ANFOCH OLLE STEHEN? I STEH DRAUF. DU A? PASTA.

Sollt ka Tabuthema sein. 

Danke fia eichre Worte. Und wir schoffn es, doss es ka Tabuthema mehr is hihi.

Schenen Tog eich noch. Hasa Tipp- Mastubieren hilft beim Einschlofn. Folls ihr mol nix schlofn kennts.
Schenen Orgasmus! Bussis 💋