geh, oba bleib a weg

geh, oba bleib a weg

22. Mai 2022 0 Von Laxobu

hiiiii nochdem i grode in meiner storie a mein ärger luft moch, schreib i a do wos driba. auf olle fälle: bis august/september kimmt lei amol de woche a blogpost. i hob anfoch momentan sunst kane kapazitäten, oba i glab wir hom do gnuag lesestoff auf laxobu.at oda? 😀

okaaaaaaay. erst amal: grundsätzlich nervt mi wenig auf der welt, weil ma so vü egal is (hier a blogpost dazua und schaug, glei den ersten, wos de danach lesn kannst ahha). oba i mogs anfoch nit, wenn leit ondan leit senre packln in de hond druckn und sogn: jetzt schau, wie de damit umgehst! i muss dir jetzt anfoch sogn, wie es mir geht, ob du es hern willst oda nit und jo i werd da vorwürfe mochn, obwohl du nix dafia konnst, oba hey. that’s life!

jeda mensch hot es recht, sich zu entscheiden teil von an leben zu sein oda nit. egal ob es a freindschoft, freindschoft plus, beziehung what ever is. a in da familie darf man sich entscheiden, ob man do jetzt aktiv mitanonda kontakt hot oda nit. und es is nit imma leicht so ane schlüsse zu ziagn und a als person, de verlossn wird, is es nit easy. grundsätzlich pfleg i oba gern zu sogn, vor allem bei leit de an nit zu 100% schätzen und nit wirklich guat tuan: oft trog sich da müll selba ause und des is guat. natürlich tuat sowos trotzdem weh und man heilt und braucht sei zeit. nit lei bei beziehungsenden hot man liebeskumma, kids!! es is a egal, warum a person sich so entschieden hot, am ende gehts drumm, doss se sich entschieden hot. de gründe mochn nix bessa oda schlechta (in meine augn.) und wenn da grund 10 joa jinga, 20 kilo leichta oda vier stufen blonder is: de person konn a nit wirklich alan wos dafia. oba um des solls nit gehn. es geht drum: wenn ihr a person verlossts, is des ok. nit ok, is donn hinta kemen und da person einedruckn, doss se nit weita leben deaf ohne eich. 

beispiele, weil wir se lieben:

de lisa hot de freindschoft mit da juju gekündigt, weil de freindschoft so eintönig woa. de juju foat donn 4 monat später ligi mit an neichn freindeskreis. de lisa brennhas. wos soll des? warum is sie so schnell ersetzt woan? naja lisa mausi, du bist jo gongen und host de juju stehn lossn. warum darf sie nit weiterleben ohne di?

da david hot beschlossen, de vier jährige beziehung sein zu lossn mit da simsi. weil es do drausn so vü no feschare haselen gibt und er zjung is zum vergeben sein. er nutzt a glei de ersten 6 wochen der trennung für diverse besuche in ondan bettn. daweil de simsi rotz und wossa bleat, den grant ihres lebens spiat, fünf mol de hoa färbt und nix von der männerwelt wissn will. da david merkt donn nochdem sich des 4. girl verschaugt hot und mehr will, doss er in kanen augn de zukunft sig, de er in simsi ihre gsegn hot. de maus hot 6 monat später grod es erste date und fliagt glei mit dem boy auf wolke 7. da david will sie treffn, simsi sog sie mog grod nit, weil es ihr guat geht. er brennhas wos los is und als er erfoat doss sie wieder datet kimt a „so unfair. es f*ckt mei kepfl grod so hoat, doss du wen neuen hast. hast mi so schnell ersetzt!“ excuse me? host nit du in fremden bettn noch wärme gsuacht, de de da selba nit geben konnst? warum f*ckt es dei kepfl, wenn sie heilt und sich selba gfundn hot und endlich wieda weiterlebt ohne di? wo isn des bitte fair.

und natürlich: jeda hot es recht, nochmal sich aklean zu diafn und entscheidungen bereuen zu diafn. lei nit unbedingt auf den ruckn des ondaren! wos konn de juju dafia, doss sie wieda urlaub foan mecht und des da lisa nit schmeckt? darf de simsi nie mehr daten und muss sie jetzt a schlechtes gewissen haben, weil es dem david schlecht geht wegen ihr? NA. jemand, der eich a schlechts gwissn ungfrogta mocht und ungfrogta eich seine gefühle unta de haut schreiben will, ohne doss ihr dafia eventuell grod emotionale kapazitäten hobs: so jemand is unfair. wenn ihr mit ana person, der ihr weh getan habs, reden wollts: frogs anfoch vor ab. he host du kurz zeit amol zu teln? wie gehts da grod so, kema über uns reden? du i hab damals aniges falsch gmacht, gibst du ma dei zeit, driba zu redn? und wenn a na kimmt: hobs des zu akzeptian.

dapock i jo goa nit so a emotionale erpressung von „du musst jetzt wissen, wie kacke es mir geht.“ weil de person hot eich a amol weh geton und ihr habs dann a nix tuan kennen, als heilen und weitagehen.

und jetzt no a klane weisheit weil i sooooo guat drauf bin grode: i was es is imma schwa, an menschen gehen zu lossn. oba es hot mol a zeitl geben, do woats ihr a ohne de person. und do is es jo a gongen. also kems nit mit „i konn nie mehr ohne X“, weil bevor ihr de person gekonnt hobs, is des a gongen. passts ma auf eichre herzlen auf. ❤️