irgendwie egal

eventuell is der heitige blogpost a bisi a misch-masch, aber des is wie mit schwipp-schwapp aka spezi: schmeckt a geil.

i bin waage, wos jetzt gach schon jeda wissen sollt und sei nochba und deren cousin eigentlich a. a großer charakterzug, der uns aufgetrogn werd: gleichgültigkeit. und i woa soooooo long olles ondre als gleichgültig. und longsom nimms so überhond. letztens sogt wer zu mir: „nervig mit dir lästern zu wolln, weil es di anfoch nit juckt.“ wos woa mei antwoat: „ok.“

und hjo, jetzt kimt wos, warum gleichgültigkeit gonz oft nit schlecht is. damit will i nit sogn, doss mir olls und jeda egal is. gonz im gegenteil, in meine eigenen stories verrenn i mi liebend gern und na mir sein lieblingsmenschen nit egal. eher sein mir sochn bewusst nit egal& fia de hob i zeit& nervn. und i bin donkboa, doss nerma jeda typ, der noch 5 nachrichten langsam nett erscheint, glei mei herzl gregt. und doss i bei einwegschmusereien nerma so wie damals glei hoffnungen verspürt hob (heit miast i dafia amol interesse finden HAHA.)

fria woa i do goooooonz ondas: do hot a herzl bei ana nochricht schmetterlinge ausgelöst, wenn wer kritik geübt hot, woa i glei persönlich ongegriffen und dramen habe ich geliebt! heit bin i schon gnervt, wenn wer unfair zu mir is und sich nach einer entschuldigung, de i angnommen hab, nochmal entschuldigen will, weil „es gibt no so vü zu sogn“. na. i bered nit vier mol warum dei charakter scheiße is und warum mei lebenszeit zwichtig is, um se mit dir zu vergeuden. also diese on-off-beziehungen, de viele führen: hut ab fia de kroft, i wa schon nochn 2. ciao beim thema per mail blockian gwesn.

oba seitdem ma so viel egal is, merk i, doss es ma bessa geht. i hob mei kepfl nerma in ondan kepfln drinnen und scheiß no mehr auf de meinung ondarer. des girl schloft mit ollen drei briadan? gratulation! mir egal. sie hat sich de nippel piercen lossn? tuat sowos weh? und sunst: cool, enjoy. er hat sei freindin noch 4 joa beschissen? i wünsch ihr olls guate und doss se wos bessas findet, oba gonz ehrlich: wos gehts mi on?

mir sein leima de wichtigen sochn nit egal und wer entscheidet, wos wichtig is fia mi? i selba.

und da will i jetzt mal schnell alle meine „is ma eher egal, als doss es mi schert“ kolleg*innen supporten:
Wenn ihr ana person wos dazelts und von der kimt ka „OMG FIND I GEIL“ oda „OMG WIE SCHEISSE“, sundan eher gleichgültigkeit oder a „is ma egal“ is des nit negativ! es bedeutet nit, doss sich de person nit fia eich schert/kümmert. es is viel mehr so, doss de person eich anfoch tuan losst. a freindin von mir will sich vom typen trennen, weil se nit happy is und i was, er werd traurig sein? soll se tuan, wenn se mant, i misch mi nit ein. liaba alan happy als zu zweit unglücklich. a friend will a tattoo hoben, wo seine ondan freind gsog hob „schiach!“- wos soll i sogn? es is nit mei körper, also bitte. natürlich wenn mi wer um mei meinung bittet, greg er se a, oba ungfrogta: na. i hoss es wirklich und i sog es den leit a, wenn se ma ungfrogta sena meinung einedruckn. (blogpost HIER) na, es is ma herzlich egal, doss du es schlecht findest, doss i an blog hob. na i will nit hean, doss du on meina stell dem typen doch a chance geben hättest. und hjo: also bitte nehmts eich des zu herzen, wenn wer gleichgültigkeit zag, oba eich zuahert: is de person eigentlich loyal und genau des wos ihr brauchts. weil i loss mei freindin zum 5x ins bett vom gspusi hupfn und bin donn danoch fia ihr herzlweh do. warum? a wenn i sogn tat „sei nit bled und bleib do!“ geht se jo extra. und i verschwend nit mei energie jemanden wos zu aklean, wos er fria oda später e lernt. gleiche beim liebeskumma: i werd nit sogn „he du freind, her auf zum umablean, des werd schon!“ weil i was e, doss es wert, oba de person brauchts no nit hern weils SINNLOS is, weils anfoch sei zeit braucht. deshalb: gleichgültigkeit is ka zeichn von „du bist ma scheißegal“. außer ihr schreibs der person 500 zeichen whatsapp über eichan gefühlszustand und es kimt a aha hinta. donn is es nit ok.

wos i a glernt hab und eich gern weitergib: a person mant, ihr gehts nit so guat. i frog, ob se ma des dazelen will oda nit. i frog oba a lei leit, wo i a bereit bin senen zu helfn. i schreib vielen follower*innen jetzt schon „sorry, hab dafür kane emotionalen kapazitäten, bitte frog deine freind*innen“ und wenn a person kimmt mit „na passt schon.. i mog di nit nerven..“ GOOD FOR ME wer des angebot nit annimmt, braucht es a nit. nie mehr zwing i an menschen, mir wos anzuvatraun. und wenn se ma wos dazelen, behandel i des schon sehr vertraurlich und legs a nochn gespräch ob. mach ma kane gedanken mehr drum. und des is schon a form von resilienz, wos i ma antrainiat hab. davua woa i imma voll feuer und flamme fia dramen, in denen i nit involviat woa. i hab mi drumm gekümmert, nachgefragt und mitgeärgert. heit hätt i dafia nit amol de kroft, weil i ma denk „laaaaaame, bin froh, selba meine themen auszubodn und donn no energie zu ham“

mir hot letztens im v a mädel gschrieben „he mei freind is a im v, konnst schaugn wos er so treibt?“ de olte larissa hätts geton und den gonzen gossip weitagetrogn und geliebt. de neie larissa hot gschrieben „na sorry. vatrau ihm oda sunst redets iba de beziehung. oba des is ka lösung“. und i bin kinda stolz auf mi und mein wachstum.

also wichtige learnings, wenn an viel egal wert:

• probleme ondara sein nit meine eigenen und i loss se a nit zu meinen wern.
• wenns mir nit guat geht, konn i ondan a nit helfen.
• wenns mein inneren frieden kostet, is ma de aktion nix wert.
• i will nit, doss leit schlecht über mi reden, deshalb red i über kan schlecht.

i denk ma imma wieda: i hab nit es recht, zu urteilen. i hab nit es recht, mei meinung wo kund zu tuan und gonz ehrlich, i hob de zeit sowieso nit.

nachteil: männer intressian mi oft noch wenigen nachrichten nerma ahhahaah. und i hab aufghert, small talk zu führen und sochn zu frogn, de mi e nit juckn. weil am ende is egal ob er ITler/tischla/student is, wenn da humor nit passt, passts e nit. mir egal ob er sein nachmittag auf da couch mit netflix verbringt, mit friends am fuaßbollplotz oda sich grode an eineziagt: wenn er kan onstond hot, is es schon wieda unintressant. und genau solche sochn findest über nachrichten schickn e nit ausa. also. also wer mit mir in kontakt tritt und sich frogt, warum i genau nix persönliches frog: wennst ma wos dazelen willst, tuast es sowieso und wenn nit, werd i nie nervn.

also warum is gleichgültigkeit oft guat? wos es ma bringt? seelenfrieden. i misch mi nirgends mehr ein. i konzentria mi wirklich auf des hier und jetzt. meine overthinker-phasen sein kürzer woan: jo und, donn liegt er grod bei an 0815 mädel, stott bei mir. hob i wohl wos bessas vadient. also vielleicht a klana anstoß fia eich, doss ihr eich a nit in jedes drama einestürzen sollts, nit daily nachschaugn, wem eicha ex jetzt folgt und screenshots umaschickn, als wans irgendwelche wichtigen dinge, de eich happy machen. :))

i schwör eich ans, tat jeda mensch 5% weniger sich in sochn von ondan einmischen, weil es senen egal is, donn wa de welt a bessara plotz. also ausa mit eich aus den kepfln ondara.