DES sollt man tuan
a thema, welches mi jetzt schon wieda zlong beschäftigt, um nit drüber zu schreiben. freindschoftn. und wie man als freind*in leit supportet und eben nit se in verlegenheit bringt oda senen schlecht tuat.
erst kürzlich is ma mei herzl in de hosn gfolln, weil i wos nit so schens lesn hob miasn. a girl hot ma wegn ihrn liebeskumma gschriebn. und hot donn dazua gschrieben, doss sie EIGENTLICH drei GUATE freindinnen dafia hätt, jedoch sein de nit sehr kooperativ. wenn sie über des theater mit ihrn boy redet, greg se als antwort augn überdraha oda „loss es anfoch!“ LEI KONN SIE ES NIT ANFOCH LOSSN. und schreibt eben mir, weil i a wertfreies ohr hob und ihr tipps gib, de ihr eventuell a richtung geben, oba no lang ka meinung sein.
ihr gregs jetzt wieda beispiele von mir. de hom nix mit mein leben zu tuan und a nit wissentlich mit eichan ok?
de lisa betrügt ihrn freind, mit dem es schon seit längerer zeit nimma guat laft. ihre girls sogn e ständig moch holt schluss (a haße phrase). und de anne erlaubt sich ihr holt so a schlechts gwissn zu mochn und bedrängt se, de beziehung zu beenden. doch de lisa was anfoch grod in dem moment zwischen wohnungskauf, beziehungskrise und temporäre schmetterlinge im bauch nit, wos tuan.
besser wa gwesn: de anne vermittelt da lisa, doss se ihr safe space is. doss sie de person is mit der se redn konn und sie a nix weitertrog. plotz für vorwürfe is kana do, weil guess what: de lisa kämpft e schon so mit sich selba. natürlich is es dem boy nit fair, oba ob de beziehung heit kaputt is oda in drei wochn, es spielt da ka rolle. deswegen freid*innen solltn leit nit drängen, sundan anfoch zuahern und sogn: ok i bin do fia di. egal WAS du machen willst, i steh hinta dir. natürlich wenn es moralisch echt nerma vertretboa is, konn man wos sogn imma! oba a kaputte beziehung wo er austeilt und sie genauso: do gehts nerma um toge. i hoff ihr vastehts mi.
de marie will obnehmen und sog des stolz. und ihr besta freind sog: zeit is woan! und bei jedem mal wenn se zamm was essn stichlt er und mant es guat mit „ess ma ka dessert ok?“ na chrissi, des is ka hilfe, des stresst de marie lei.
besser wa gwesn: wenn freid*innen zua oda abnehmen wollen, egal wos. unterstützts de entscheidung mit woatn wie „i finds guat, doss du auf di schaugn willst. sport wird dein körper und dein geist guat tuan. i hoff es macht da freid di zu bewegen“ gehts nit auf gewichts zu oda abnahme ein. und machts a kane witze und ziags de person nit in des fitnessloch eine. a dessert is wos neutrales und ka sünde bitte.
nach fünf monaten trennung greg da andi imma no an sentimentalen, wenn er auf sei ex denkt. und seine boys, e schon ka große hilfe gwesn, sogn anfoch: ma vagiss de olte anfoch! ehrlich? anfoch vagessn? jemanden, der an mehr liebe gezagt hat, wie ihr in zehn joa freindschoft. WOS MÄNNER DIAFN SICH GEGENSEITIG LIEBE ZAGN LARISSA??? JO? liebe in form von „i hea da zua“ in form von „wie lenk ma di am bestn ab?“ oda „egal wie oft du des drama jetzt no durchmochst, wir mochn des zamm durch!“
besser wa gwesn: zu frogn, wie man en andi helfn konn. wos will er hern? wos will er wissn? warum vermisst er se und warum braucht er de frau nerma in sein leben? a poa komplimente wan a hit. sowos wie: i vabring gern zeit mit dir und wünsch da a frau, de des a so schätzen werd.
wir alle sein hoffentlich guate freind*innen. oder bemühen es uns zu sein. deshalb sog i wie es is: unsa meinung hot nit imma plotz im leben von ondan. a wenn wir schon vier mol den typen gschossn hätten oda de situation ondas ghändelt hätten: es is nit unsa leben. wir miasn des akzeptian, doss nit jeder unsa sicht der meinung hot. nit jeda fühlt wie wir. jeder geht mit trauer, freid, schmerz wos a immer ondas um. deshalb:
i hab ka recht, mir a meinung über diverse beziehungen zu bilden. nur weil i wen nit mog, darf mei freindin sich kopfüber verlieben. nur weil fia mi a dreiecks beziehung nit geht, deafs des oba fia mein kumpi. du kannst dei trennung nach 5 monaten verarbeitet haben, sie miasn des nit. und wenn se zum ex hinta wollen, let’s go wir lieben es zusammen dinge durchzustehen!
jeda mensch hot sei meinung oba de eigene, de zählt am meistn. also druck dir selba dei meinung gern imma und oft eine, oba kana ondan person.
herts eichan lieblingsmenschen aufmerksam zua. seids fia de person do und lossts es de a wissn. verkneifts eich oft judgy und gemeine aussagen. liaba nix sogn als es folsche. und gonz ehrlich? nix liaba auf der welt her i meine lieblingsmenschen redn. über senre ängste, gefühle und erfahrungen. weil genau durch de sein se so woan wie i se liab. genau diese geteilten worte zagn ma des vatraun, des se in mir hom. und des schätz i.