aufgwärmt schmeckt nit lei gulasch
Heit amol a blogpost der anigen sauer aufstoßn kennt, oba beruhigs eich: i vergeallmeiner do nit, oba ihr diafts ma des nit tuan. Wer hot eich gsog, doss man den ex-partner (partner mant jeds geschlecht) nie mehr ongreifn deaf? de welt is nit lei schwoaz weiß. sundan es gibt a graustufn.
Fong ma mol so on: wenn es a wirklich wirklich toxische beziehung woa, wo vielleicht sogoa dinge wie gewolt plotz ghobt hobn, DONN GILT DES NIT. Donn is man guat weg und a wenn de beziehung sich über jahre in on off bewegt hot, is es froglich ob es beim 392 x tatsächlich bessa wird. wirds eha nix. do hilft ka lametta mehr.
Generell will i da kurz sogn: i red nit lei von beziehungen bei mein textln von gestan. I man damit a freindschoftn. I bin es beste beispiel von allen. I hab a weltbeste freindin ghabt, mit der i wirklich durch dick und dünn gangen bin, hoephase zu beziehung und retour. Und donn? Is es leben kemen und a streit, der sinnloser nit sein hätt kennen und darauf folgten 3 joa funkstille. Und donn. Zeitgleich seima drauf kemen: wir wollen uns wieda im leben haben und ZACK BUM. De freidschoft is enger denn je. Unsre familien frein sich, doss ma usn wieder ham und a ondre menschn hom gegrinst, wie se uns wieder on tour erlebt hom. Weil se wissen: de zwa, des kert zomm.
Doch prinzipiell trau i mi schon sogn: nit lei gulasch schmeckt aufgwärmta guat. Es gibt jo millionen von beispiele, wo sich leit in da jugend getrennt ham, weil es leben zwischen senen gstondn is, man no so vü erleben wollt und so. und donn trifft man sich beim studium wieda und ZACK: es passt wieda. Oba wieso?
Weil man natürlich nerma so jung und naiv is. Wissts ihr, de meisten beziehungen (vor allem in da jugendzeit) gehen ausanonda, weil man no nit gwusst hot, wos man will und wer man is. Wer sich de frogen beantwortet hat, werd so vü leichta und bessa a neiche beziehung führn kennen. Des schwör i eich.
Im enddeffekt lernt man jo an neichn menschn kennen. Weil wir verändern uns jo a. und noch sechs joa noch da trennung, werd dei ex eventuell nerma ba an like von ana ondan person auszucken, eventuell werd de person nerma ständig sich nit nackig zagn wolln, weil se endlich selbstvertrauen gfundn hot und eventuell sein de streitthemen, de ihr damals ghabt habs, nerma präsent.Wie man des ausafinden konn? Indem man es anfoch probiat. Und um gottes willen i wü jethzt nit, doss ihr olle wie tamisch den ex onruafts und sogs „NIMM MI HINTA PROBIA MA DE LAXO HOT GMANT“. Des muas sich schon ergebn. Sowie a followerin, der ihr diesen blogpost zu an großen teil vadankts ,ma schrieben hat. Sie und ihr ex sein jetzt jahre ausanonda und durch zufall hat man sich auf insta wieder berührt und hjo da kontakt is eng und schne. Und ihr erste froge woa: deaf des sein? Wos, wenn wieda olles schief geht? Oba donn hot de kluge maus (treue followerin sog i lei!) on mi gedocht, wos i sogn tat: du bist a nerma des girl von vor X joan, also geh nit davon aus, doss de person a no deselbe is. Und es wäre unfair zu glabn, doss de person imma no so und so is. DU KANNST ES NIT WISSEN. Lern se (neu) kennen, gib ihr zeit sich zu aklean und obwoatn. eventuell sein wir menschn eigentlich lei menschliche formen von wein, de eventuell bessa wern mitn olta und monche suatn wern anfoch ranzig/vabittert? darüber schon mol philosophiert?
Und wissts wos a sein konn, wos oba a nit schlecht is? Beim ersten gemeinsamen kaffee kann sein, doss ihr merkts: es is da funke nit do. guat zu wissen, oba de person is es nit. Und des passt so. weil donn was man es wenigstens, doss da kontakt aus is. Und man stellt sich kane nervigen was wäre wenn frogn mehr. Vielleicht küssts ihr eichan ex und es kemen schmetterlinge auf. Oda ihr küssts de person und de alarmglocken gehen on. Konn olles sein und jeder ausgong is guat. Weil am ende kennts sogn: jetzt was i es.
Nit lei gulasch schmeckt aufgwärmt guat, a a beziehung darf wieder aufleben. Es wäre wirklich dumm, den kontakt mitn ex zu beenden, weil ondre sogn „nit schon wieda!“ des is jo zwischen EICH. Punkt aus. Do konn de depate schwiegermutti jaulen, konn da beste freind de augen vadrahn bis se steckn bleiben: Es is eicha entscheidung, eicha beziehung und am ende a eicha glick. Wie gsogt, wenn des eich guat tuats, im kloan seids wos ihr wirklich wollts: go for it.
Eicha fav bloggerin steht imma hinta eich, vuaollem bei bsundre liebensgschichtln. passts ma anfoch auf eichre herzln auf!! und mischts eich nit in de beziehungsthemen von freinden/familie ein! JEDA REGLT SEINE SOCHN SELBA UND A BEZIEHUNG KERT DECHT LEI ZWA LEIT. is wie mitn streit: lests des von 2019. doss uns prinzipiell mehr egal sein sollt. iba des schreib i a bold.