Streit zwischen zwa kert lei zwa Leit.
Wenn zwa streiten… geht a dritte, vierte, fünfte Person dazwischen und am Ende was es sogoa die gonze Tupperware-Party-Belegschaft deiner Mama und die Fußballmannschaft des Nebenortes und vielleicht es Seniorenheim drei Ortschaften weiter a. UND JEDER SPRICHT DI DRAUF ON. I man.. gehts noch?
Es gibt nun wirklich nichts Initmeres zwischen zwa Menschen als sena enge Beziehung zueinander. Sei es freindschaftlich, liebesmäßig oder nur sextechnisch. Wos zwischen den zwa laft, bleibt zwischen senen am engsten gestrickt. Oba do kumt holt immer da ane oda ondre Witzbold daher und probiert de Maschn zu lockern und dazwischen zu gehn.
Beispiel (die Namen sein holt irgendane, i will do niemanden ongreifn):
Die Lisa streitet mit ihrn Martin, weil er holt hundsdepat is. Beim Fuatgehn pickt er imma am Oasch von seiner oltn Flamme, da bledn Ines. Des mocht die Lisa holt soooo has. Da Martin, unser guata Freind, de ruhige Seele, mocht sich kan Stress draus und locht drüba. Bei fünf oda sechs Bier (oda woans doch zwa Kistn?) redet er mit sein bestn Freind en Michi drüber. Der findet de Lisa holt obaschoaf und nutzt de Chance. Schreibt ihr lässig per Snapchat. „Mei du siase Maus, du hostn Martin jo nit verdient. Brauchst wos viel besseres. Der kumt von da Ex nit los, loss ihn gehn.“ De Lisa is jetzt nit grantig aufn Michi, weil es sie zum Schluss machen bewegen will. NA, sie is brondhas, weil ihr Martin mit sein Freind drüber gredet hot. Obwohl, des wär ihr e noch egal, oba doss der Typ donn de Frechheit besitzt, sie darauf onzusprechn. Na, sowos von na. Geht holt goanit.
Ondres Beispiel: Du bist wieda zspot ham kemen. Die Mutter wieder brondhas. Traust di nit amol mehr Sunntog zum Schnitzl essn zum Tisch sitzn. Vermutlich hot sie s da mit Obsicht versolzn, der Grantnzipf. (Disclaimer: MUTTI I SCHREIB NIT ÜBER DI!!!) Du huckst im Zimma und da Vota klopft bei da Tia. „Geh zu ihr und entschuldig di. Dei Verholtn is folsch, i will, doss ihr eich wieda megs.“ Puuuuuuuuuuuuh. Luft holn. Die Mutter ziehtn Vota mit ins Boot, wie unfair is denn des? Wer konn schon zwischen a verheiratetes Paarle onkemen, auf dessen Erbe man ongwissn is? Schlimm sowos.
Mir gehts grod goanit darum, doss man sich jemanden onvertraut, wenn man gestrittn hot. Is für die psychische Hgyiene e volle wichtig und normal. Viel viel wichtiger is, doss eier Vertrauenperson sei Klappe holtet und nit zwischen eich bade trittet. Weil wer vertraut der Person donn noch? Wieso hot der Mensch de Berechtigung den ersten Schritt zu mochen? Wieso darf de sich einmischen und sogn, du sollst wos ondas mochn?
Aus gegebenen Anlass schreib i des. Weil des zwischen mir und ana Freundin genauso passiert is und zwischen mir und ana noch viel wichtigeren Person a. Und Mutti und Vati , de spielen des Spiel a immer. I selber hobs aufgeben, meinen Geschwistern zu sogn, sie sollen sich entschuldigen gehn. Die liebe Seli is nämnlich so a Fuchs und schickt mi fua. Schaun, wie grantig die Eltern sein. Wenn die Luft rein is, redet sie alan. Wenns noch ziemlich woam is, steh i hinter ihr. Großes Schwesternleiden, man losst die Klanen nie alan. (Ajo wir reden do über kane schlimmen Dinge, eher so zspot hamkemen unso Saustoll im Zimma. Olles chillimilli.)
Bin a klana Streitschlichtmeister, meist zwischen Bruderherz und Eltern, stell i des besser on. I erfoa von da Seite A wos passiert is. Geh zur Seite B und frog mol so gonz naiv noch, ob olles passt, i hob quasi gspiat, doss es a Problem gibt. Seite B spricht sich olles von da Seele, i gib an guatn Ratschlag und FERTIG. Wenn Seite B oba nit reden will, loss i olles folln und misch mi a nit ein.
Bitte, bitte druckts niemals jemanden ungefragt einfach so eure Meinung eine und sogs zu niemanden, er soll sich bitte bei wem entschuldigen, wenn derjenige nit ihr selber seids.
Verstanden? Lektion gelernt?
Bitte sehr.
So jetzt schönen Sonntag, i geh aufs 21 Pilots Konzert mit meiner Lieblingsnina. Bussis ♥️♥️♥️