Selbstliebe (fost) leicht gemacht

Der letzte Beitrag über selbstliebe is schon so long her. Dafia kim i heit mit richtig guatn tipps!! Bitte wer den 1. Post no nit kennt- kurz durchlesen, weil i sogs nochmol: i konn eich ka selbstliebe schenkn, i konn eich lei bisi näher zuabeschuppsn.
Oba jetzt red ma über methoden, de du anwenden kannst, um an der liebe zu dir selba zu oabeitn.

1. einschmian. Des is eigentlich des ANFOCHSTE wos de tuan konnst. es is so simple, aber so wirksam. wennst heit duschn gehst, schmiast di komplett fein mitn Duschgel/safn/schaum ein und spiast amol. deine hüftn, deine schultan, deine obageil kniascheibn (hom zwenig aufmerksamkeit oda?) und spülst es behütsam ab. Dann trocknest di liebevoll ab, tupfen nit kratzen. danoch gönnst dein körper anfoch mol a bodylotion oder Körperöl. in Ruhe. von körperstelle zu körperstelle. seas besnreisa, hallo pickel am schulterblatt und uuuuh hi meine geliebten kurven!! wenn du dein körper berührst, SPIAST ihn a glei viel intensiver. und na des is nit komisch, des is jo dei körper. den solltest jo kennen. wie sollst du richtig fühlen, wenn du den körper nit spiast? motivation: geile bodylotion/körperöl kafn.
2. mail an dei zukunfts-ich. schreib da selber a mail oda an briaf fia in 3-6 monat. dazel wie es da grod geht, wos di bedruckt und auf wos du di gfreist. wos du on dir mogst und on wos du noch wochsn mechtest. und zack, donn liest du den briaf a poa monat später und denkst da „ma maaaaausi, de sorgen damals woans echt nit wert. der typ hot sich alan ins aus gschossn und wos woa bitte noch amol mit der anen story??“ wennst di nach wenigen monaten nerma drann erinnern kannst, Kons nia so wichtig gwesn sein!!
3. Morgen/Abendrituale. i spreng do jetzt mol olle perfekten insta-morgen-routinen. i bin a mensch, der nit um 5 aufstehen will, vor der arbeit sportln mag und dann noch frühstüken und mei journaling ritual durchziagn will. i mach des am abend. nach da arbeit foa i ham, mach sport, geh duschn, iss wos und donn gönn i ma mei ME-Time. obwohl luna und zola darunter Mama-töchter-zeit verstehn. kaum vaziag i mi aufn balkon oda ins schlafzimmer, nuckeln se förmlich auf meina brust. (Corona-katzen sein sowos von anhänglich!!) und dann start i. zerst schreib i MINDESTENS 3 dinge auf, fia de i dankbar bin. dann schreib i bisi wos in mei tagebuch wos mi beschäftigt und donn manifestia i de an oda ondre sochn. für viele is dieses freie auseschreiben echt schwer und i merk a oft selbst, dass ma oft de muse fallt. oba donn is HACKING-ME in mei leben kemen und olta folta, des is genau des Tool wos man braucht fia selbstliebe. weil do werd man geleitet, weil man sich mit ana anzigen frog beschäftigt pro tog. de guat durchdenkt, bisi kreativ is und a paar hirngespinnste sich einfollen losst. und donn beantwortet man de frog schriftlich und holtet se auf ana seitn fest. wer zeichnen konn, konn a anfoch losmoln. de fragen regen zur selbstreflexion an und ZACK follt da auf, wos du eigentlich grod host in dein leben, wos di stört oda wos du gern ändern willst. Goa nit aufdringlich, sundan recht angenehm in dein eigenen tempo erfoast du dinge über di und dei umfeld. welche Beziehungen führst du und was erwoatest du da davon? du kannst ganz anfoch deine ziele eingrenzen und hjo. es is als kartenset aufgebaut und a in vier gebiete: i empfehl jemanden, der noch ganz am anfang seiner selbstliebe reise steht mit dem stapel „Mein Ich“ zu starten. Wer bist du? Wos host du erreicht. Dann wenn du des olles durch hast, kennst du di schon a bisi. jetzt muast noch dei Umfeld beobachten: Wer supportet di? wer ziag di obe? „Mein Wir“ Stapel also. Danach bist du schon amol so weit kemen, doss da schon auffollt, doss du viel mehr wert bis als du glabst. Man muas a kritisch, aber guat zu sich sein: welche fehler hot man gmocht? welche schwächen hast du? „Mein F**k up“ Stapel. und dann zum krönenden abschluss: „Mein neues Ich“- was sein deine nächsten Ziele. glab ma, wenn du des Ritual mit allen 93 Karten abgeschlossen hast, tatest am liabstn berge versetzen. du bist sovü näher bei dir selba. des is a wahnsinn. Es is nit viel arbeit, gibt dir täglich 10-20 minuten (statt TikToks schaugn) und in 93 Tagen werst da selber und mir und HACKING-Me so dankbar sein. Hier als motivation: kaf da a gonz a schenes notizbiachl. des du mit deiner ganzen liebe beschreibst. ma i greg ganslhaut!!!

Netterweise hot ma HACKING ME fia di an 10 Prozent Gutschein daglassn. Mit Laxobu10 bekommt ihr das Kartenset billiger. Richtig cool: Es werd umweltschonendes Papier und Verpackung verwendet!!

4. Affirmationen. Des is a wieder so a insta-perfektions-ding. Du muast kane wos fane wos was i mega affirmationen dir aufschreiben oder 29 am tag aufnehmen oda so. stell di anfoch amal am tag vorm spiegel und sag an satz, der di stärker macht. „I bin genug.“ „i bin mutig.“ „I alaub mir des glücklichste ich zu sein.“ und egal wos du dir vorsagst, mach es mit an lächeln und voller begeisterung. lach di im spiegel an und glab an di. super is es a, wenn du da dei affirmation de du grod brauchst, als handyhintergrund aufhaust oda auf de klotia oda halt aufn spiegel schreibst. irgendwann musst du da des nerma vorsagen, irgendwan GSPIAST DU DES ANFOCH.

so i glab vier tipps reichen heiftig amal. in 2-3 monat werd i no a poa ideen bringen, bis dahin kannst versuachn, dir selba näher zu kemen. bin gspannt, wo du dann stehen wirst! i gfrei mi drauf. bussi.