Lieb di holt selba

Lieb di holt selba

2. Mai 2021 2 Von Laxobu

long hon i nerma über selbstliebe gschrieben, dabei is des so wichtig fia eich, mi und uns olle. oba es is holt nit so anfoch. i werds a bisi lustiger ongehn, wie ihr mi kennts. heit is amol so a startschuss: aufklärung. und donn tat i gern wöchentlich an blogbeitrag zur selbstliebe schreiben. oba i was no nit wie. in form von ana frog de i beantwort? eventuell. wenn ihr ideen hobs, schreibs ma bitte.

und glei zu beginn: mei blog, meine meinung, meine tipps. mei ratschlag muas eich nix bringen, oba regs eich donn a nit auf bitte. kems ma nit mit „du setzt de pille ob und zwingst uns a dazua“, des is klankariata bullshit, baby.

Selbstliebe is selbst zum erleben.

i was nit, wie oft i des decht schon gsog und erwähnt hon. oba es is und bleibt so:

ka blogpost der welt werd eich selbstliebe bringen.
ka podcast der welt werd eich selbstliebe bringen.
Ka buach der welt werd eich selbstliebe bringen.
ka insprierender mental coach der welt werd eich selbstliebe bringen.

de sochn und a mei blog und mei instagram, des olles zomm, gibt eich lei ideen, anwendungen und ratschläge. oba nix davon hilft eich WIRKLICH. wirklich helfen tuats ihr eich lei selba. oba i sog amol a poa sochn, de i zur selbstliebe ma denk und anfoch von mir selbst kenn und von mein umfeld. achtung, i sprich jetzt nit alle an, aber es gibt so ähnlichkeiten:

1. selbstliebe hot gonz oft mitn olta zu tuan. mit 16 woa ma mei körper no a rätsel und najo, der hot sich a so oft verändert: wie konn i wos liebn, wos nit gleich bleibt? des hot sei zeit gebraucht. i woa erst mit 21-22 so weit, doss i mi selbst akzeptiat hon. vielleicht a mit 20. monche schoffen es mit 17, manche mit 35, mochne nie. aber des hat verschiedene einflüsse. (weiterlesn donn aklea i de)

2. dei umfeld beeinflusst di. wenn du ane eltern host, de di ständig obe mochn und judgen, oda des hobby deiner familie vergleichen is oda du irgendwie toxische freindschoften hast: des stört dein weg zur selbstliebe, und oft kann man (leider) do nit so schnell ause. I was de leit sogn so oft:
CUT TOXISCHE LEIT AUS DEIN LEBEN. Lol ihr witzigen- wie willst du als 17 jähriges diandl, dessen mama toxisch af is, dei mama ausn leben kicken? generell familienmitglieder, de an nit guat tuan: es is a schweres thema und i darf ma da ka recht ause nehmen und a ka ondera influencer oder mental coach und sogn „verloss de leit“. i hab verständnis für de leit, de sogn „konn i nit“. irgendwonn. irgendwonn.
wos i damit sogn will: Selbstliebe hot mit umständen a zu tuan. wenn dei große schwester dir ständig des so erklärt, wrist du eventuell schon in da jugend die selbst lieben. oda wenn du a auslandsjoa mochst in da schul, du wirst schneller wachsen und zu dir findn.

3. hormone. jo i sog jetzt nit, doss de pille JEDER frau schlecht tuat. oba nit nur i kenn des: pille absetzen- hormone ändern sich- i werd glücklicha, akzpetia mi und fühl mi selbst. isso. und a frauen, de hormontherapien machen zwecks kinderwunsch oder was auch immer, spian des. hormone können oft unser stimmung verändern und daher kann nit jede*r anfoch sich selbst glei lieben nur weils im buach steht oda de podcasterin des sog.

Der weg zur selbstliebe is individuell. kana konn di onschupfn, oba bremsn eigentlich a nit.

4. i woa zum beispiel poa monat im auslond und i her holt imma mehr: leit, de mol weg von daham sein oda holt auf sich alan gestellt sein, findn schneller zu sich und lieben und akzeptian sich. es is holt echt so. weil du auf amol merkst: i bin mei best friend. i wü eich jetzt nit zwingen (vor allem in zeiten von coroni) sofort ins ausland mal zu flüchten. es muss nit zwingend helfen. oba es verändert schon den charakter. aber a des ausziagn oda alan leben mocht viel mit an. des hast, jemand der im studium mol a semester wohin geht, wird sich eventuell schneller lieben lernen als jemand der daham bleibt. OBA es gibt a menschen, de wollen daham bleiben und se sein zufrieden.

Also merkts ihr schon auf wos i ause will? selbstliebe is so individuell. jede*r spiats ondas, jede*r lernts ondas und es wäre dumm von mir, eich anfoch zu sogn „gehts ins auslond. dei toxischer bruada kert aus dein leben.“ jede*r braucht sei zeit, sei tempo und man muss es anfoch wollen. JA, es gibt auch menschen, denen selbstliebe nit wichtig is. NEIN i find des persönlich nit so supa, OBA es is a nit mei leben. wir miasn dringend aufhern, olle über an kamm zu scheren,

i hon no so vü zu sogn, oba loss ma heit mol oda? oba wos i glei sog: bitte herts auf menschen zu folgen (online), de eich kan guatn input geben. jemand, der OLLES hot, wos du willst und du es nicht schaffst, nit neidisch zu sein- du solltest de person entfernen und an dir arbeiten. du wirst nie, wenn du des ständig vor augen hast, weiter kemen. selbstliebe wirkt oft arrogant und egoistisch, is aber eigentlich lei ans: Wichtig.

 

wir reden bold weita. passt?