Ostern gift guide amol ondas

Ostern gift guide amol ondas

7. April 2020 0 Von Laxobu

Ostern follt ins Wossa? Irgendwie schon, irgendwie nit. Natürlich is es für die Gläubigen unta uns schon seltsam, nit zur Jausensegnung zu gehn. Natürlich is es für die meisten komisch, heia ka Osterfeia zu segn und bei an Osterkranzl Gott& de Welt onzutreffen. Oba wir mochn es beste draus. Und klane Geschenke sein wohl wos guates. Right?

I muas kurz sogn, doss es mi schon vadommt triggert, doss Ostern heia nit wie sonst statt findet. Wieso? Letztes Joa hab i Ostern in Frankreich verbracht. De kennen sowos wie a geile Osterjause nit. Do isst du gefühlt 4 x woam am Tog. Und zwoa Fleisch mit Fleisch und Fleisch mit a bisi Fleisch und gooooonz vü Mehlspeis danach. Vino dazua. Woa richtig guat olles zomm OBA holt ka Vergleich zur Osterjause. „De hon i e nächstes Joa wieda.“ hon i gsog. Tjo Larissa aus 2019 GREGST NIT. Und i greg a ka Osterkranzl, wo i wieder mit olle meine friends shakern konn unso. Mimimimi genug gejammert.

Generell bin i a Mensch, der nie sogn tat, doss Gutscheine unpersönlich sein. In Zeiten wie diesen sein Gutscheine sogoa existenzrettend und schaffen a bisi Vorfreude.
Meine heirigen Ostergeschenke sein Gutscheine und dazu passende Vorfreude. Weil de Zeit, de man sonst schenkt oda a nit, kann man dann zum Glück nachholen.
Nix zu schenken bringt a nix. Do mocht man ondaren ka Freid, sich a nit und am Ende is donn Ostern echt überhaupt ka Ostern. I hoff holt, doss meine Eltern die Geschenke meiner Gschwista wirklich verstecken.

Frisör

Wen wir neben unseren Eltern als erstes besuachn wern, wenn des olles vorbei is. Den Mattenschneida, Färbemeister oder anfoch gsog den Frisör. Daher des beste und praktischte Geschenk überhaupt is a Frisörgutschein. Ruafts se on, schreibs senen, gonz egal. I bin ma sia, doss jedes Studio dankbar is, wenn de Stammkunden sich Gutscheine besorgen. Se kennen senre Fixkosten begleichen und wir schaun olle fresh noch da Quarantäne aus. Also für mi kennts gern beim Nero onruafn oda da Selina schreiben, ihr dürfts gerne Gutscheine für mi hinterlegen lossn. BUSSI

Nogltante/ Wimpernpicka

De Nageldesignerinnen brennt es schon hinta den Nägeln, wenn se segn, wie de Kundinnen grod senre Fingalen misshondeln. I vamiss schon so meine freshen tollen Nails und de erfrischenden Gespräche mit meiner Tammy. Des is so a Wellness, so a Luxus. Den wü i so schnell wie möglich hinta. Vorollem weil de jetzt donn so an Stress hom danoch, weil olle auf amol an Termin wollen und brauchen. Daher sog i eich amol ans: Seids nett zu denen! Nehms denen und a den Frisörinen wos zum Trinken/ Snacken mit! Und olle, de Mädels mit gmachten Nägeln im Freundes/Verwandtenkreis ham, kafts denen an Gutschein. Den brauchen se wirklich. Wirklich. Wirklich.

https://www.instagram.com/p/B-cqNWHi-Hx/?utm_source=ig_web_copy_link

Und gleiches Spiel wie oben, es freit sich jeder. Desgleiche giltet a fia Wimpernpicka, weil jetzt lafn a grod olle Kundinnen wie zrupfte Hennen uma.

Fav Foodplace

Wenn des vorbei is, geh i sufuuuuat zum KYO Sushi essen. Oda doch erst La Bottega Pizza gönnen? L’Osteria hotn Lambrusco schon eingekühlt fia mi.. und da Iced Caramel Latte beim Mci in Spittal woatet jo a lei auf mi.. I werd sobald olles wieder offen ham, nerma daham essen. Vasprich i eich. I werd olle meine Schatzis besuchen und finanziell unterstützen. Werd a teira Spaß? Jo genau do seima wieda. Verschenkts Essensgutscheine mit an Date dabei. Wer mir an Gutschein schenkt, darf mit mir essen gehen. Wem i an Gutschein schenk, muss mit mir essen gehen. Is es Leben nit toll mit Gutscheinen???

Wellnessen

Es schmerzt, wenn i dronn denk, doss i an Gutschein von der Alpenrose hon. Der Oame will jo aufgebraucht wern! Solltets ihr grod mit eichan Schatzi den Urlaub vaschiabn miasn, ruhig bleiben. Oda wenn ihr e noch nit gebucht habs, Gutschein bestellen. Gonz anfoch. Mehr Wellness braucht de Welt!

Sunglasses

Warum a immer, oba domols hat man a Schultasche zu Ostern greg als klana Wutzl. De Schultasche von damals is heit de Sonnenbrille. I hon zu Ostern bereits 3 mol a Sonnenbrille greg und i hätt gern heia wieda ane. HINT HINT. Also hoffentlich schickt ma wer an Optiker Nitsch Gutschein, damit i donn, wenn se wieder offen ham, feste shoppen deaf. De ham anfoch de coolsten Marken. Kapten&Son, Ray Ban, Vespa.. hui hui hui.

Hier a gonze Listn voller Sochn in Kärnten. DASPACKMA
Da gibt es a de Rubrik „Gutscheinverkauf“ und des gregs glei olle Betriebe, de Gutscheine onbieten. Des sein a Haufen. GUAT SO!

Heit is Dienstog, Ostern is Sunntog. Olles wos jetzt noch online bestellt wird, kann knapp wern oda sich eben nit ausgehen. Oba man konn jo a am Dienstag danach happy über des Geschenk sein. Daher meine regionalen Schatzis, wo ihr gern wos bestellen kennts und wenn ihr des heit noch tuats.. Vielleicht geht es sich noch aus bis Freitag, oba donn miasts schnell sein und garantian tuat eich kana wos!!

Lockstoffstore

WER HÄTTE ES GEDACHT? Sorry, oba de Bandln und Scrunchies sein anfoch so toll. Genauso wie de Mädels, de dahinta stecken. Kathi und Flora. Ihr könntets sonst a noch schnell mitmachen bei mein Gewinnspiel. Just sayin.

Puncake

Eigentlich so frech von mir. Werbung machen und noch nix selber gekaft ham. Oba i konn mi nit entscheiden HELP. Oba de Masken sein jetzt glab i echt a guate Idee. Und de Tschreapnen überhaupt. Tassen kann man nit genug ham. Und bisi Kärntner Gschra verschenken schodet nix. Für a bisi homemade Humor fia Daham.

Solilunastore

Kleines feines Schmucklabel, des noch ganz groß wird. Der Schmuck is sowas von schen, taug ma komplett. Hab selber schon was bestellt und wer was, ob i ma nit schon wieder grad was bestellt hab? Auf alle Fälle so tolle und unique Schmuckstücke gehn immer!

 

Unglaublich oba woah, mi hat kane der Firmen darum gebeten, des zu schreiben. Niemand bezahlt mi, niemand bewirft mi dafür mit gratis Stuff. Obwohl dagegen hätt i wohl goa nix haha. Mir gehts um a bisi Reichweite sinnvoll nutzen. Bitte passts auf eich auf und bis Donnerstag ?