Frau meiner Gefühle

Frau meiner Gefühle

29. März 2020 0 Von Laxobu

Fleißige Leser denken grod, doss ma darüber jo schon mal gredet ham right? Na ka Angst, i bin nit dement, lei woa des damals wos Allgemeines. Heit werds speziell(er.) Es geht grod um de allgemeine Gefühlslage, de durch Corona entsteht, oda bessa gsog.. I wü eich wos sogn, wos mia hilft und eich a helfn sollt. Weil wir olle zamm nit alan sein. Wir stehn des zommen durch. ❤️

Wir sein selbst verantwortlich für unsere Gefühle. De kema selber bestimmen oda bessa gsog lenken.

Jemond isst da deine Pommes weg. 
Du konnst jettzt entweder beledigt sein. Donn bist du grantig, de Person is a verletzt und am Ende wünscht se sich, des Pommes nit gessn zu hom.

Dir is es egal, weil es anfoch lei a Pommes is. De Soche juckt di in 4 Minuten nerma, in 5 Joa host des überhaupt schon vagessn. Du beschäftigst di nit damit und so störst du a dei Mood nit. Olles perfekt. 

Du konnst a anfoch großzügig sein. Und des mit offenen Herzln geben. Sie muas da de goanit weg essn de Pommen, wenn du se ihr e onbietest. Du teilst. Teilen is a Zeichen von Großherzigkeit und des hot wos schenes. Du fühlst di danoch besser, de Person fühlt sich dankbar und hjo. Irgendwie de beste Lösung oda? 

Auf wos i ause will.. Mei Mood konn dei Mood beeinflussen. Wenn i da jetzt Panikmacherei herschreib, gehst du voll verstört vom Handy weg und mochst dein Nächstlebenden a so a Panik. Oba wenn i da bisi Mut und Liebe mit aufn Weg gib, vastrahst du Mut und Liebe. Sigst du? Warum i oft sehr postiv und optimistisch bin? Weil es uns dadruch anfoch geistig besser geht? Weil sogoa Menschen, de körperlich krank sein, oba a positives Mindset ham, werd es dadruch (schneller) besser gehen. Des is ka Magie, des is es Leben. Und mei Reichweite is grod nit so letz, sprich sie is besser den je, doss i de anfoch so nutzen will mit vü guata Herzlkacke ❤️

Anige von uns ham anfoch Ongst. Um sein Job, um seine Großeltern, um seine Kinder. Jeder spiat grod a komsiches mulmiges Gefühl im Bauch. Oba DU bist Herr/Frau deiner Gefühle, nit dei Ongst. Dei Ongst darf da jetzt nix diktian. Dei Ongst sogt dir jetzt nit, wos du tuast. Des mochst du selber. Du selber mochst da an Plan, wie du de Situation am bestn meisterst.
Wie oft host du Ongst vuam Zohnoazt kobt? Bist du danoch oba immer noch gsund, munta und stärker ausakemen. Mol da mol aus, wie vü stärker wir olle aus der Situation ausakemen und wie vü gscheida und reflektierter.

Noch a Gedankengang, der ma hilft. De Zukunft kimmt nit auf uns zua. Wir gestalten de Zukunft mit. Des is a Verantwortungsprozess. I bin verantwortlich, doss mei Zukunft schen fia mi is. Do bau i nit auf de Politk, do bau i nit auf a Wunder. I bau auf mi. Mei Zukunft wird schen, wenn i glücklich bin. Also oabeit i heit dronn, wie i am besten glücklich bin mit mir alan um donn später richtig glücklich zu sein. Verstanden?

Du konnst da nit wünschen, in der Zukunft sportlich zu sein und sitzt dabei auf da Couch. Du musst dafür aktiv aufstehen. Du konnst nit hoffen, doss es amol a Grundeinkommen gibt und du gehst heit nit zur Petition dafia unterschreiben. Du konnst nit glaben, doss de Klimakrise bewältigt wird in a poa Joa und du kafst da an SUV und fliagst vier Mol im Joa weg. DU SELBER musst do mittuan. Und am leichtesten is, wenn du bei dir alan onfongst und für di alan amol oabeitest. Darüber kema a gern mol länger quatschen, schreiben und oabeitn.

Social Media. Der Platz der Inspiration und Idioterie. Is des a Wort? Egal. Grod jetzt merkt man so oag, wie vor den Wahlen, wie vü depate Leit es gibt. Depat in Form von rassistisch, sexistisch und nit gesellschaftsliebend, also arrogant. Jemand, der 12 Packungen Klopapier kaft, is nit gscheid, der is dumm. Dumm, weil er Panikmacherei schiabt und ondere onsteckt. Jemand, der sog, er spendet jetzt ka Geld on ärmere Familien, is nit gscheid weil er sich sei Geld fia sich koltet, der is arrogant. Weil Geben und Nehmen sieht anders aus. Auf alle Fälle kennen wir solche Menschen nit besiegen, es geht nit. Oba mit Ignoranz kema se beschenken (i sog extra nit bekämpfen, weil friedvolle Ausdrücke noch mehr positive Kraf ham!!) und so hat ihr Stimme ka Kraft mehr. Sorg ma dafür, doss solche Menschen, de Fakenews und Panikmache teilen, posten und schreiben, ka Aufmerksamkeit gregn. Entfernts solche Leit von den Freundeslisten, egal ob es da Nochba is oda von eichan Onkel da beste Freind. Selbst wenn des eier Cousin is, tuatsn weg. Wenn eich solche Posts triggern und Angst machen, dürfts ihr solche Angsquellen gerne blockieren.
SHITDOWN nennt man des.

BTW leg i eich des Ö3 Frühstück bei mir mit den Horx Männern ans Herzl, de ham echt beruhigende und realistische Ansätze übers Leben. FIND I HOLT.

Lossts eich nit so schnell beeinflussen von UNSERIÖSEN Quellen.
Jeder der grod sog „Herts nit auf de Regierung“ hot zvü Verschwörungstheorien auf YouTube gschaut.

ANZELGÄNGER HOM GROD SENDEPAUSE.

Bitte vatrauts da Politik. Es is sia nit lustig fia de Regierung, dem ganzen Land „Hausarrest“ zu erteilen und vielen Unternehmen damit zu schaden.
Bitte vatrauts seriösen Quellen. De wern nit irgendwelche Zahlen erfinden, um eich bei Laune zu halten.
Bitte vatrauts auf de Gesundheitsmaßnahmen, doss olles so schnell es geht wieder normal wird. Nur wer sich selber Experte nennt, is kana. Jeder, der unter Zeitungsberichten LÜGE schreibt, is sia ka Experte. Experten arbeiten mit Fakten, nit mit da Großschreibtaste.
Ihr kennts nit „AUSNAHMEN“ machen und doch die Freundin X treffen und de Hausparty besuchen und donn awoatn, doss gsog werd „JETZT DIAF MA AUSE.“ Wir diafn erst ause, wenn OLLE drinnen sein. Easy. Geduld is a nit mei Stärke. Oba do lern i es wenigstens amal.
Bold kimt a a Beitrag über Sachen, de man guat in der Zeit lernen/ üben kann.

I gib jeden heit noch ans aufn Weg:

Reflektion. Wos bedeitet des fia di?
Kehr in di.
Schau auf di.
Atme. Meditier. Fokussier.

DU sogst, wie du di fühlst. Loss Gefühle zua. Guate und a nit de schenen. Hob kurz Ongst, oba sommel de Kroft wieder schnell. Sei dir bewusst, doss du nit alan bist damit. Schau in Himmel, merk da an Stern. Den sig i nämlich a. Den sig jeder, den du kennst. Dieses Alan sein is grod ka Alan sein, wie du es sunst kennst.

Es gibt ka Party, auf de du nit einglodn werst. De Party findet grod nit stott. Niemand is auf der Party. Also vapasst du se a nit.

Olles wird guat. Bold. Hobs Geduld. Zamm biag ma de Zeit noch gscheid und schen uma. Vasprochn. I hon schon a poa Ideen.

No schnell Werbung in eigener Sache, schauts eich bitte unser Video von der Landjugend Reißeck an. A Video über Corona und gute Gründe, warum zum Daham bleiben is.