feel.

feel.

18. Februar 2020 2 Von Laxobu

Sie findet in ian Briafkastl a Postkartl und bricht in Freudentränen aus. Er kassiat an Korb vom Mädi seiner Träume. De Nocht weint er sich in sein Schlof. Sie streiten wegen sinnlosen Klanigkeiten. „Du host 3 Bia getrunken stott an. Du host der Oltn hintagsnapt.“ Sie geht beleidigt liegn, er a Runde lafn. Er probiatn Grant im Bauch und a des Gefühl von Unfairness zu vaoabeitn, obzubaun. A Kunde sogt ihrn, doss se voll billig gschminkt is. Sie valiat dadurch ihr liabs und aufgsetztes Lächeln und den Willen, stoak zu bleim. Da Lehrer benotet ziemlich persönlich und es fuckt den Schiala so on, doss er schwänzen onfongt. Wir fühlen olle. Ständig. Immer. Intensiv. Trauer, Freid, Wut, Ongst. Oft vasteht unsa Gegenüber unsa Gefühlsloge nit. Oft wir selba a nit.
Warum tuats uns grod so schiach, doss de ane Person nix hintaschreibt? Des sollt uns jo egal sein, is jo lei a Person. Warum bleama jetzt vuam Chef, während ma ihm aklean probian, warum wir uns unfair behandelt fühlen. Und warum schoffen wir es nit Herr über unsere Gefühle zu wern? Und warum sein Gefühle immer donn so stoak, wenn ma se goa nit aufbaun wolln und warum spiat unsa Gegenüber nit des gleiche???
Sorry, oba de Frogn beontwort i heite nit und vermutlich a nie. Wer des konn- CALL ME.

Wer fühlt, hot a Herzl. Mit Gefühle umzugehn muas irgendwie glernt wern. Genauso wie ma se a ausdruckn kennen. A gonz triviales Beispiel: Jemanden zu sogn, doss man in ihn verliebt is. Des kostet stunden- na togelonges Mindfucking und gonz vü Mut.

  1. He du. I hon Kia daham. 29. Wennst wüst, konnst de olle hom. Und mi dazua.. Ajo Eigenjogd hon i a ane. Tat des gehn?
  2. Wir snapen jetzt schon 3 Tog. I muas es da anfoch sogn. I LIEB DI.
  3. Du mogst Brüste, i hon Brüste. Passt e?
  4. I was, es is noch unausgesprochen. Oba i glab i sprich es jetzt anfoch aus. I mog di. Und i spia, doss du mi a mogst. Also..
    Bitte bitte bitte, Nummer 4 wählen. Beim Rest mir bitte lei erzöhln, wie de Reaktionen drauf woan LOL.

Wer fühlt, muss reden. Kommunikation is so brutal wichtig. Fia an selba und fias Zusammenleben. A „i hob Ongst“ Geständnis bricht es Eis. A Freudenschrei tuat guat. Applaus bedeitet Respekt und a „i mog di“ konnst ima ausehaun. Sogoa a um Worteringen is besser als a Schweigen.

Gestern hon i eich no gfrogt, wos ihr grod so fühlts. De Ontworten post i später in meiner Story. I selba spia grod grenzenlose Dankbarkeit und Ehrfurcht. Dankbarkeit is mei fav feeling. I bin a Mensch, der losst Gefühle zua. Man sig mir mei Unsicherheit on, beiß ma auf de Lippe. A mei Röte im Gsichtln verrotet de Nervosität. Mei Leichten in de Augen spricht fia sich. Wenn i blea, blea i holt. Meine Güte.
Wie ihr eich vermutlich denken kennts, vaoabeit i a vü Gefühle in Texten, in Briaf oda in Poesie. Schodet wohl nie. Klingt vielleicht zach, oba am Papier mocht sich Liebeskummer sogoa recht guat.
Am Ende sein sogoa de klanen Heartbreaks fühlende Schmerzen gwesn, de an Nutzn ghobt hom. 

Frogs eichre Eltern, wie ihr damals gwochsn seids. Do hobs sia amol weh geton, bei de Leistn, bei de Hüftn, beim Kreiz. Wachstumsschub.
Oda wie wir Mädis „Frauen woan sein“, vua da ersten Regelblutung. Des komische Bauchzwickn. Wir sein gwochsn und hom bisi weh ghobt. Heit erinnern wir uns kaum mehr dronn. Weil wir danoch gwochsn sein, stärker gwoan sein. So sig i des mit de Gefühle holt a. Schmerzen fühlen mocht uns anfoch stärker und is a Teil von uns. Is a Teil vom Erwochsn wern. Jede klane Enttäuschung, wenn wer nit hintaschreibt oda uns ghostet, jeder Verlust von Menschen, jeder Liebeskummer, der s e nit wert woa.. oll des mocht uns zu den fühlenden und liebenden Menschen, de ma heit sein.

Kems ma goa nit auf de Idee, irgendwelche Gefühle zu untadruckn. Ihr spiats den Eifersuchtszwerg im Bauch. Außa damit. Überlegs amol, warum der do drinn is. Weil eicha Typ fremd geht oder weil ihr eich selba no nit so megs?  De Negativität konnst nit obeschluckn wie de grausige Medizin von da Oma. Dei Ongst vua Verlusten werst nit überwinden, indem du drüber schweigst. Bitte redets mit wem, wenn ihr des Verlongen hobs. Wenn ihr glabs, ihr habs kan zum Reden, es gibt a professionelle Hilfe. Fia de braucht sich kana schomen.

Quicktipps, wie ihr a bisi Sonne im Herzln spiats

  1. Blogposts von mir lesen hihi
  2. a good mood playlist eine tuan und TONZZZZZN
  3. Eich im Spiagl onschaugn und anfoch lochn. Hilft so!
  4. 10 Minuten Gemischtes Hack huachn.
  5. a Folge friends schaugn oder a gonze Staffel
  6. schmusn.
  7. mehr schmusn.

Wir lesn uns am Donnerstag. Danke eich. 🌸

Processed with MOLDIV