I hob die Hoa schen!

„Du host soooooo schene Hoa!“ In meiner Pubertät hob i solche Aussagen dankbar mit an Augenüberroller entgegen genommen. Mir hot es anfoch longsom schon greicht, immer wieder diese Phrase. Danke, i bin die Larissa, i bin recht cool und will später Autorin werden. I glab nit, doss ma meine Hoa so viel weiterhelfen werden, oba guat, doss du se schätzt.
Schon immer bin i a Longhoamädi gwesn, obwohl zur Maturazeit hob i mol den Versuch gewagt, an Longbob zu rocken. Is ma eigentlich a guat gelungen, oba am Ende bleib i ana langen Mähne treu.

Seitdem i mei Pille donn Ende 2017 obgsetzt hob, is mei Laune zwoa gstiegen, oba meine Hoa sein nerma des, wos se dafua mol woan. I bin ma ziemlich sicher, doss viele Mädchen a Liad davon singen kennen. Gefühlt 25% meiner Hoa verlier i bei amol Durchkampln. Im Durchschnitt wochsn se immer noch schneller als bei ondan. Mein Onsotz könnt i noch 4 Wochen nachfärben, noch 8 Wochen frog mi de Frisörin, ob i nit schon 4 Monat nerma bei ihr woa. Wos mi so richtig onzipft is da Übergang zwischen kurze und longe Hoa. Longe Hoa definier i, wenn se ma bis über de Tepf reichn.

Pille wieder nehmen kumt bei mir jo sowieso nie mehr in Froge. Daher hob i noch wos ondan gsuacht, wie i meine Hoa wieda so richtig schnell long greg. Instagram sei dank, hob i yuicy entdeckt. A deutsches Startup mit damals lei 300 Follower. Sias, oda? Heit hom se über 2.200! Ongfongen hom sie oba erst im Februar 2019. Puh da Preis hot mi mol fest daschreckt, oba wos tuat man nit. Probian geht über depate Hoalänge.. Und wenn es wos wird, konn i ondre davon a überzeugen und olle sein happypeppy.

2 mal Gummibärchen am Tag für 3 Monate. Die Gummies sein vegan, gluten- und laktosefrei. Hochdosiertes Biotin hilft dem Haarwachstum. Des Vitamin B12 is ollen Veganern und Vegetariern bekonnt, weil es vor allem in tierischen Lebensmitteln vorkommt. Daher nehmen es viele Veganer und Vegetarier seperat zu sich. Wos genau so sponnend is, doss a de empfohlene tägliche Zinkdosis mit den Gummies erreicht wird. Zink is a gonz a wichtiges Spurenelement (KEIN Vitamin) für unsern Körper. Eigentlich sind zusätzliche Zinkpräperate bei gesunden Menschen nit notwendig. Oba es is nachgwiesen, doss a 3 monatige Zinkeinnahme super gegen Akne/ schlechte Haut wirkt. Mei Hautbild hot sich echt verbessert in dem Vierteljahr!! Obwohl i weit weg von Akne oder a der pubertärenden unreinen Haut bin.. All diese Dinge kann man super leicht googeln und i find, de Inhaltsstoffliste ist transparent genug.
Hergstellt werden die Vitamingummies in Hamburg, Deutschland.

Ok mol de Konsistenz und i bin gonz ehrlich: Grob gsog zum Speiben. Bin i wohl da anzige Mensch, der kane Gummibärlen mog. Dabei hom sich de Leit do gedocht, extra kane Tabletten, de daschluckn de meisten nit. Gschmock is ok, Orange. Für jemanden, der Gummibärchen gerne snackt, wird sich freun über de tägliche Einnahme.  Jeden Tog tuat man brav 2 kauen/ zlegn oda wie a imma. Mir follt es ehrlich leichter, a Tablettl zu schlucken wie des zu essen.

Hob i glei wos gmerkt? Wieder reine Ehrlichkeit: Na. Noch 1 Monat noch nix. Wie denn a? Wär wohl a bisi zu viel Zauberei. Daher rot i a ehrlich von da 1 Monatspockung ob, weil des zu wenig is. Wenn ihr es probieren wollts, tuats mol 3 Monat. Obwohl i ehrlich gsog, de 6 Monate als nächstes nimm. Da fotografier i donn a versprochen de Resultate!!

Ongfongen hots bei mir mit dem Hoaverlust, der so viel weniger woan is. Außerdem hom se so an natürlichen Glonz greg, der jetzt nit lei immer lei nochn Hoawoschn do woa. Und gwochsn sein se holt a richtig super ewig long.
Wie long? I WAS ES NIT GENAU. I bin noch 2,5 Monat zum Frisör. uuuuuuupsala. Zum Glück werd i für so ane Späße nicht bezahlt. Oba ungelogen sein se in de 2,5 Monat, wo i sie nit geschnitten hab, mindestens 6 Zentimeter gwochsn, Schätzungen von Freindinnen sein sogoa 7-8.
Mir is aufgfolln, doss se nit nur länger sundan a mehr woan sein. Als hätt i fünf Kilo Hoa am Kopf.
Oba i hob a Foto von davor und donn so nach 2 Monat.

Jo, i gib es ehrlich zua, man sig viel zu wenig auf den Fotos. I hob leida kane besseren, aber auf Instagram kenns von verschiedenen Frauen de Ergebnisse segn. (in den Highlights) Und auf da Homepage sammeln sie brav Meinungen. Meiner Meinung nach, sein Produktwerbungen, wo  Geld ka Rolle spielt immer noch de ehrlichsten. Außerdem hob i meinen Mädels schon vor längerer Zeit de Gummies ans Herzl glegt. Olles wos i eich do sog, man i a ernst.

Glabs es ma oda a nit. I werd jo sowieso nit bezahlt für den Blogpost. Wär schon nice, oba I WISH.  I finds lei a coole Sache und nutz mei Reichweite holt gern für solche Dinge. Weil wenn es mir wos gebracht hat, konn es eich jo a vielleicht helfen. Bin doch selber so a Mädi, des gern Dinge ausprobiert, von dem ihre Freindinnen geschwärmt haben. Stichwort Kieselerde, oba dazu unten mehr.  Zu Bestellen geht des gonz fix. Kreditkarte, Paypal oder Sofortüberweisung. Easycheesy. Und sollt es eich überhaupt nit taugen, kenns immer noch es Geld zruckverlangen. Ehrlich.

Wos sunst noch zum Sogn is? Da Preis is echt a bisi oag. Also für de Zielgruppe. Oba dadurch, doss i selber im Handel gwesn bin und was, wos so es Leben kostet und a Unternehmen zu führen nit gratis is, versteh i den Preis. Oba des Argument, doss a Schülerin oda Studentin sog, doss sie sich des nit leisten kann, überwiegt.
Leida konn i eich kane Gratispackete verschenken. I konn eich lei an -20% Gutscheincode anbieten. Laxobu20
Donn kennts eich mol 3 Monate a eigenes Bild machen. Vor allem is des super für de Mädels, de im Herbst Maturaball hom und bis dohin noch 6-8 Zentimeter dazuagwinnen wollen. Also bei de Hoa, oba bei da Körpergres gibs jo zum Glick hohe Schuach.

Klana Tipp, bestellts eich mit ana Freundin zamm de 6 Monatspackung, donn kems noch günstiger weg!! ❤️ Also am Ende is es lei mehr a bisl a Geld, wos eich oba wirklich glücklich mocht.

So und jetzt noch die Hoatipps, de i schon seit Jahren onwend:

1. I wosch meine Hoa lei 1-2 mol de Woche. Kems ma nit mit „i wosch täglich meine Hoa, weil de fettn sooooo schnell.“ Na, Jenny, am 2. Tog sein deine Hoa genauso toll. Schen auswoschn & nit (zhas) föhnen!!
2. Nit Föhnen oder kaum. Nur wenn’s nötig is und wenn, donn Hoaschutz verwenden.
3. Auf de Kopfhaut Shampoo und in de Spitzen Spülung. So gehts schneller & wirkt super. Zviel Pflege is genauso schlecht wie zwenig.
4. HAAAAAARMASKE. ♥️ 1-2 mal die Woche, also bei mir jede Haarwäsche, hau i ma ane von meinen zwa gut getesteten Masken aufe. I verwend eigentlich viel mit Öl, damit meine Hoa nix trocken werden.
   • C: EHKO #4/5 Long Hair Restrain Mask 200 ml (circa 15 Euro)
   • Glynt  Nutri Oil Mask #5 200 ml (circa 15 Euro)
     Frogs eia Frisörin Eures Vertrauens, welche sie eich bestellen konn. Unterstützts unsre Weibis/Männer a bisi und verzichtets auf Onlinebestellungen! Mit badn Masken kumt man fost 6 Monat aus.
5. Haaröl. Im Sommer so wichtig wie de Sunnencreme. Do hob i a zwa Favorites. Oba reines Kokosöl hilft genauso. Tua i noch jeden Hoawoschn eine und wenn i schwimmen geh, tua i des a eine. Ob und zua, wenn i in da Fria Hoawosch, gib i über Nocht a ordentliche Portion eine und loss des beim Schlofn einwirken.
   • Langhaarmädchen Intense Repair Haaröl mit Buritiöl& Kokosöl (circa 5,50 Euro)
   • Garnier Wahre Schätze Haaröl (circa 10 Euro)
6. Kieselerdekur. Hilft bei Haarausfall, bringt schenare Nägel und kostet kane 7 Euro beim DM. Des hot sich so ausgezohlt, genauso wie de Hoagummies!
7. 2-3 Liter Wasser täglich trinken. Nit zwingend DER Hoatipp, oba generell a Lebenstipp.

 

Solltets ihr immer noch Zweifel oder Fragen haben, schreibs mir anfoch. Schreibs ma generell, ob eich solche Posts genauso gefallen, oder i des in Zukunft liaba lossen sollt.

Bis morgen, ihr Lieben.

Nochmal de Homepage: https://yuicy.de 
Auf Instagram: https://www.instagram.com/getyuicy/

*Der Post enhält Werbung, obwohl i nur unbezahlt mei eigene, freie Meinung teil, da Marken genannt werden. Sicher is sicher.