schau, wo du bist

kinda, i sogs eich. irgendwie überrascht es mi imma wieda, wenn i drauf kim, doss wir olle im gleichen boot sitzen. dieselben ängste teiln, de gleichn kämpfe kämpfn & olle zamm oft des wesentliche nit erkennen. oft fühlen wir uns lei so semiguat. wir fühlen uns in der gegenwoat von gewissen menschen lei holb so schen, wie ma eigentlich sein. wir holtn nebn ondan leit eventuell eftas de klappe und hintafrogn oft unsa eigene meinung/einstellung. wos prinzipiell nix schlechtes is, OBA manchmal is es anfoch de scheiß kack toxische energie, de um uns umaschwirrt.

stell da donn mol de froge:

vielleicht host du nix folsch gmocht, vielleicht bist du lei am folschn plotz?

da ben woa mol a f-boy, der sich geändert hot (jo des gibs a konn man HIER lesn). und er hat a gspusi, de eher a ex is, oba weil sex mitn ex manchmal nett is..jo egal. sie sein manchmal sexuell noch tätig und prinzipiell is es ok. doch sie is schon eher de toxic bitch, de ihm oft und gerne on en kopf hat, wos fa oaschloch er eigentlich is. weil sie jetzt single is, ihre jonnys selber bauen muas und er nerma jedes ihrer bilder liked. egal, wie es ihm geht, weil gefühle teiln se nit so gern, sie kimt zu ihm zum vegln und und raubt sein komplette energie. und wenn se hamsteigt, fühlt er sich la und scheiße. richtig scheiße. und bei all den girls mit denen er sich trifft/schreibt/pipapo fühlt er sich genauso. wie a oaschloch. obwohl er kans is.

lei weil du in senan kopf a oaschloch bist, bist du in echt nit zwingend ans. sena meinung is NIT de woaheit. 

samstagabend. girls-night-out. de elisa hat sich extra no heit beim new yorker (geht do no wer einkafn eigentlich???) an leder-rock gekaft, weil des trog jetzt des „THIS-girl“. und sie freit sich schon drauf, ihren girls zu präsentian. ihre girls sein halt schulfreindinnen, de sich alle zamm selbst noch nit lieben und anfoch imma sticheln. und genau des passiat a heit. de toni frogt nämlich de elisa: „so nuttig willst du heit ausegehen?“ und locht. hot selber leder-SHORTS an. und de elisa, e schon verletzt genug, greg donn noch zu hern „außerdem hättest wenigstens so a figur wie de toni, wärs jo ok. oba du klana speckiga frotz.. geht goa nit“. (gregs ihr a an grant beim lesn, wie i beim schreiben???) wie soll man bitte zwischen so folsche freindinnen, de nur urteilen, sich selber lieben lernen? wie soll man do ausawochsn? 

de jasi hot an großn traum: sängerin wern. und sie postet klane ausschnitte auf instagram. und wildfremde leit herzln es, teilen es und liken es. und ihre „freinde?“ nutzen es zur unterhaltungszwecken und ziagn voll her über die maus. doss des jo oam klingt, ob des auto tune is und omggggg des werd jo nie wos? niemand liked, niemand teilt, niemand tuat irgendwos guates. und na, sie singt nit schlecht. sie singt guat. so guat, doss se sogoa an song aufnehmen deaf. sollte de jasi jemals erfolgreich wern, sein des donn wieda de leit, de gratis konzertkoatn wolln und so tuan, als wan se supporter #1 imma schon gwesn. i greg es kotzn!!!!!! de jasi hot sich tausend mal gfrogt, ob se echt nit singen kann, nur weil so neidige, träge menschen es für nötig holten, sie klan zu holtn. statt sich fia sie zu gfrein.

es herzl vom matteo schlog derzeit nur noch fian gregor. und sei kepfl hot er lei bei ihm und es herzl parkt sowieso schon ewig in seina einfoat. oba de beste freindin vom matteo mogn gregor nit. und redet ihn SO schlecht. und da matteo kennt auszucken. weil er mog es nit, wenn leit über ondre so herziagn. oba.. stimmt des echt olles? hot da gregor wirklich am sunntog mitn fabs mci gholt? und er hat gsag er ist seit ewigkeiten single, oba sei bestie sog, doss er fix mitn austauschschüler im summa vier monat lang handl ghalten hat? und schon fongt da matteo on zu zweifeln… und des deaf echt nit sein. warum muas man den friends so oft de neien oda a alten lieben ausreden?

jo mei, donn will es dei freindin nochmal mit ihrn ex probian, weil se damals zjung und zdumm woan.. wos is dabei? mehr als doss es nix wert, konn nit passian. du brauchst do nit dei imaginäres schwert auspockn und di dazwischen stellen. gib ihr nit noch mehr unsicherheiten mit auf den weg sundan sog bessa: probias. dei herzl kema danach imma noch wieda richtn. und wenn ihr von dem kerl lei schlechtes ghert habs, den sich de freindin nei onglocht hot: gerüchte gehn so schnell uma und wer sog, wos stimmt? wenn er nett zu ihr is und no nix großartiges woa, holtets eich hinta. ehrlich.

i bin in de letzten joare selten, aber doch zwischen menschen gsessn, mit denen i kan vibe teilen hab kennen. de lächerlich über mein blog hergezogen haben und wirklich dämliche fragen gstellt haben, nur um a poa locha auf meine kostn zu kassian. vor a poa joa hätt mi des nachdenklich gmacht: was mach i falsch? is es wirklich so peinlich, an blog zu haben und menschen irgendwie zu helfen? nur weil a girl, des mit ihre longen fias und ihrn nervigen locha kan typen daholtet, sich es maul über mi zreist: bin i do echt nix wert? de antwort is: es is mei ding, i hab den erfolg und de freid. und des reicht. und heit is schon so weit, doss mir leit schreiben „letztens hat wer voll über di hergezogen, jetzt hab i di stalken miasn und gmerkt, du bist richtig geil! gott sei dank hab i di gfundn, wenn a über an negativen weg“ und that’s the spirit :-))

imma eftas her i von ondan kolleg*innen, doss ihre alten freinde senen nit folgen, aber jede storie anschaugn. doss, wenn se produkte/codes haben, sich lächerlich machen und nix kafn, oba manche besitzen de frechheit, um gratis produkte zu frogn. weil man kennt sich jo.

menschen intressian sich nie für di, oba wenn se merken, privat gibs wos neichs, wos du öffentlich nit teilst- sliden sie in deine dms. ungeniert und blamian sich damit eigentlich selba komplett :))

also: egal, wos du grod mochst, tuan willst, wovon du tramst. i hoff, du host menschen, denen davon dazelen kannst. und de di feiern oda doss se es MINDESTENS akzeptian. sena meinung brauchst du jo nit zwingend, des wiss ma schon. 

und i will jetzt goa nit, doss ihr eich in der opferrolle segs, denn ihr kennts do aussteigen. solong wir uns mit menschen umgeben, de uns schlecht tuan und obeziagn, valetz ma uns selba. wenn ma gehen, gehts uns bessa. deshalb: wir hams selba in da hand. sei nerma do, wo du nit sein willst. moch dem ex de tia nerma auf, heb bei der person nit ob und antwort anfoch nerma. loss da nit sochn on den kopf werfen, de nit stimmen. lossts eich nit von der toxischen scheiße selber vergiften. gach glabs ihr den dreck wirklich noch, den de leit sogn. tuats des nit. tuats eich des selba nit on bitte. i bitt eich.

und fia olle, de leider kan support in letzter zeit greg hom, here u go:

du klana stern. i find so cool, wos du mochst, wie weit du schon kemen bist und wie weit du noch kemen werst. es spielt ka rolle, wer hinta dir steht und di supportet: wenn du zu 120% überzeigt bist, reicht des voll und gonz. du mochst des nit fia se, des mochst du olles fia di selba. wenn nit, is es e da folsche ansatz. du muast niemanden wos beweisen, moch anfoch lei dei inneres kind stolz!!!

beim thema familie is es imma schwierig sich do ausazunehmen und abstand zu halten (nit imma, manchmal). aber so gut es geht: begebs eich nur noch do hin, wo ihr sein wollts.

HEEEEE des woa jetzt da jänner omg. wie schnell de zeit vergeht?? i sog danke fia den gstörtn support auf insta und do am blog. so taug ma des. ihr seids supaspitzetoll :)) bin gsponnt wos da februar so bringen werd. i hab lei a klanes geheimes projekt am start, des kimt oba im märz erst online hihi. I HOB EICH SO LIEB MEINE MÄUSE!!!!!!!!