menschn ändern sich. a fboys.
des is a thema, wos i schon seitn sommer mal aufgreifen will und jetzt lieg anfoch schon schnee. a zeichen, doss mia wohl für immer blogpost-stoff einfollen wird. oba über wos wer i als influencer-granny schreiben? de bestn stricknadln? oder wos i gegn sodbrennen tua??? ob i do imma no amorelie bewirb? naja: heit gehts um fboys oda bessa, doss sich a fboys ändern kennen.
de definition von fboys is jo wohl kloa oda? schmusn fest uma, sein olympia-anwärter bei herzlbrechn & gebn eigentlich an fi*k auf gefühle von frauen. jo und es gibt anige boys da drausen, de diese yolo-phase durchleben und oft als sena lebensmotto empfinden. oba i hab ma mal gedacht: de wern des jo nit FIA IMMA machn oda? doch genau des checkn de meistn leit nit.
a beispiel zum veranschaulichen:
de gini hot mitn vic wos am lafn. heimlich. also sie postet es nirgends. oba irgendwie tuan sich longsom gerüchte auf. „da vic vanoscht schon wieda a neichs girl. nur wie long dieses mol?“ bei senan heimlichen mcidate steign mol bade ausn auto und bestellen zammen. und sie wern gsegn und noch schlimma wie de betweiba, de am sunntog noch da kirchn den gonzn klatsch und tratsch verteilen, sharen leit online de news. außerdem hot de gini in ihrer instastory an hoodie on, der konn lei der vom vic sein.. und warum is beim snap vom vic a zahnbürste zviel am badkastl? gerüchte streuen schneller als sich de gefühle zwischen de zwa brat gmacht ham. und de gini geht NICHTS AHNEND aus. und steht vorm klospiagl, um sich lippi aufzutrogn. und a girl, fremd und recht bitchy, schaug se genau on: Du de neie vom vic? und de gini schaut se lei frogend on. donn klescht des girl, des übrigens in echt nit so ausschaug wie auf insta und deshalb fremd wirkt: pass auf. er is a fuckboy. er wird da weh tuan. wie er mir weh geton hot und olln ondan a. glab nit, doss es bei dir wos ondas sein werd! und sie geht. dramatisch.
de gini is brondhas. weil se des thema schon tausendmal durch diskutiat hat: mit guatn freindinnen, ihrem gewissn und a vic. JO er hot des gesamte dorf varamt. JO er hot sich nit drum gekümmert. doss er den mädels mit sein verhalten weh tuat. JO es woa holt in seiner jugend so. nur wenn er jetzt wirklich gefühle fia de gini hat und bei ihr bleiben will: is des jo wundaschen und ok. do braucht kana wettn obschliasn, wonns aus is. do brauchn kane exgirls zu ihm kemen mit „meld di, wenns wieda vorbei is“. warum glei aufs scheitern woatn? warum de gini obeziagn und ihr aklean, doss des nix wern. i sogs wieda: A BEZIEHUNG IS ZWISCHN ZWA LEIT. oda holt wie viel a imma in ana BZ sein, oba sia hot des exgirl oda des neidige weibl oda wer a ima wos zu meldn. niemand kann in ihn eineschaugn und wissn, wos do jetzt zwischn de zwa is.
natürlich gibt es männer, de sich a mit 29, 35 oda 49 auffian und nix fixes wollen. ok. oba man kann halt echt nit sogn, doss olle so sein.
Irgendwann finden dann doch (fost olle) de richtige person und lei weil ihr de fboys nit holtn hobs kennen bei eich, mochts ihr des neiche glück schlecht? uncool! a a fboy will mal zua ruah kemmen.
warum ham fboys nit de möglichkeit zu ändan?
warum bleibt sena player-sticker für immer oben wie sena depates kreis-tattoo am arm?
warum muas man SUFUAT bei jeder neichn beziehung ausgehen, doss er des wieda vakackt?
i man, i deaf di nit dronn erinnern, doss du mol gmant host, kurze rote hoa stehn dir? oda doss du ernsthaft dem typen, der di vier mal beschissen hat, imma no de tia auf gmacht hast? DU HOST DI GEÄNDERT UND ROT AMOL WER NOCH: DER FBOY. wir lieben es anfoch, ondre menschen zu verurteilen & auf de vagongenheit mitn finga zu zagn, oba selba bei uns soll des kana diafn? behondlts leit so, wie ihr behondlt wern wollts.
schenen obend :))