warum es egal is, wos ondre iba di sogn

warum es egal is, wos ondre iba di sogn

28. Februar 2023 0 Von Laxobu

den text kennt i ma unglogn regelmäßig selba laut vualesn, weil i mi echt eftas als gewollt dabei ertapp, doss i ma gedonkn moch, wos de leit denkn kenntn.

Sei es a neicha blogpost oda irgendwos auf insta oda privat: es stresst mi oft. dabei is es jo so egal, wos leit von laxobu und co holtn, oba dennoch denk i ma beim posten so „oh gott gach sog wer wos“ und wenn se wos sogn, is es ma mega peinlich. Dabei sollt es des nit sein, weil i man wenn sich wer on ana 60 sekunden storie von mir stört- klick anfoch weg?? Und hjo, desholb jetzt a blogpost dazua.

du host ongst leit kenntn di beurteilen& sich wos denkn& den mund über di zreisn. dabei findest du des, wos de tuast, richtig guat.

du host an neien freind noch 2 monat trennung und herst schon de bledn aussogn im hintakopf. Onstott glücklich zu sein, doss du jetzt wen gfundn host, bei dem de eventuell des gregst, wos de bam ondan vamisst host. (i bin ehrlich gsog ka fan von beziehungs-hopping, am ende muas es jeda selba wissn. Oba olte sochn obschliasn, um neie zu genießen imma guat. Oba dazu a ondares mol)

du postest auf tiktok/ insta content und leit schickn es mit den worten „cringe oda?“ weita. Und des liegt da mehr im mogn als de freid im herzln, doss de 23 tausend aufrufe host. 

du host dei studium obgebrochn und stott an plan b mochst da an kopf, wos de ondan sogn wern.

Kennst irgendwie?

in deina welt glabst du, doss jeda redet über di& denkst echt doss leit sich über di an kopf mochn. als tat de beste freindin von dein neien freind echt 3 mol de woche dei insta stalken und screenies (de man nit sig) weita schicken? wenn se es tuat: is se e a komische maus. Manst echt de gehässige mädelsrunde, de di amol bled am klo ongfoan is, tuat nix ausa iba di redn? da bruada von deina neien freindin werd fia di zerst mol wenig interesse und kan kopf hobn, der werd nit glei iba di (schlecht) redn, du werstn am onfong anfoch mol egal(er) sein.

Natürlich in dein kepfln mocht sich jeda um di gedonkn, redet über di, mocht sich über jedn klanen fehler volle lustig.. oba am ende bist du den meisten menschen sehr sehr sehr egal! Wos a wirklich guat is.

Man erklärt sich des so: de leit, de laut dir selba di beurteilen, sein in dein kopf. Se hom an ende ka identität, kann nomen, ka gsichtl.. weil se lei in dein kepfln existian. 

Check bitte anfoch irgendwonn, doss de leit, vua de du so an respekt host und de di aufholtn, wos zu tuan, wos du tuan willst: doss de nit existian. Doss du nit da mittelpunkt in lebn von jedn bist. Nit jeda mocht di zu an thema.

lebensweisheit: es muas lei dir wichtig sein, wenn de wos tuast.
es muas lei dir und dein partner wichtig sein, wenn es um eich geht. Ihr miasts zamm a lösung finden und dronn oabeitn. Wos de ondan davon holtn (a wenns eichre eltern sein oda freinde), spielt ka rolle: se gehn am obend nit mit eich liegn, se hom nit wos von da lösung.

Grod erst letztens im umfeld a erlebt, doss a paarle a wirklich kontroverse lösung IN MEINE AUGN fia a thema gfundn hom, des i holt gonz ondas lösn tat. i. nit se. Und es muas mir nit passn. (ausnahme is, wenn es den leit wirklich nit guat geht donn sog man wos. Stichworte häusliche gewalt oda emotionale erpressung).

also wos nehma heit mit? imma wennst manst de leit werdn bled iba di redn, hintagfrog kurz WER de leit sein& ob des gach nit lei du selba von aussn betrachtet bist? doss du glabst leit segn di, wie du di sigst. & des selbstbild kenntest gonz schnell ändan, indem de on dir oabeitest & vastehst wie supa du bist und du lei di selba brauchst. donn sein de leit „de bled redn“ a sia bold ka rede mehr wert hm?

inspiration hob i auf seite 162 von „das kind in dir muss heimat finden“ gfundn!