mogst nit?
herzltext, der zu an sprichln von vua aniga zeit entstondn is.. enjoy <3
mogst nit a zeitl bleibn?
so.. fia imma vielleicht?
i was, es klingt so depat und so leicht.
oba wer was, ob des zwischn uns nit
dechta anfoch bleibt.
am bestn: anfoch anfoch bleibt.
wir ergänzn uns holt so guat.
bringen unsre zwa getrenntn lebn
und des gemeinsame guat unta an huat.
i wü, doss ma a einheit wern
in ana welt volle dualität:
wo i alan und du alan imma no geht.
a wenn ana amol fliagn will und a bisi obhebt,
da ondre felsnfest am bodn steht.
jeda soll sein eigenen weg gehn,
kana soll en ondan holtn.
außa es handl werd ausgstreckt.
es werd jo so oda so imma fest zommgholtn.
wir hom bade glernt, doss kompromisse und
gscheide kommunikation zur liebe dazuaghern.
und man nie zoft sogn konn, doss man hot en ondan gern.
oba des hot nix mit „fia di tati sterbn“ zu tuan.
sundan mitn aufhern fia de liebe wos zu mochn,
weil es geht drumm aus liebe wos zu schoffn.
mei herzl host da ausglichn daweil,
in meina heimlichen hoffnung, du gholtest es da fia a weil.
weil wer was ob des „a weil“ irgendwonn werd zu „a ewigkeit.“