biacha, de i 2023 lesn will
… oba definitiv nit kafn sollt, weil i so vü ondre biacha no daham hob hahah! eigentlich wollt i den blogpost schon im jänner bringen, oba woa ka daweil. außerdem hob i im jänner so oda so 6 biacha glesn und tat im februar gern 10e schoffn (3 hon i schon). oba mol schaugn. damit i bisi wos von der gaude hob, sein do links zu de biacha, wo i pro klick poa cent greg (bitte lei amol draufdruckn, sunst werd i gsperrt).
Das Buch, wo du dir wünscht blablabla
zu dem buach hob i bisi a hassliebe, sowie „das kind in dir muss heimat finden„, mir wird es so oft empfohlen, doss i ma denk „na des konn goa nit so guat sein!“ oba als buchhändlerin host des holt bei SO VIELEN büchern. i hab bis heit de ferrante mit der besten freundin nie dalesn, de sieben schwestern vastauben schon bei mir daham. OBA i hab a beim cafe am rande der welt und die 5 sprachen der liebe long gedocht, i wers nie lesn. und bei bade biacha hob i auf den moment gwoatet, wo i bock drauf ghobt hob und i hab beide biacha geliebt! deshalb: i glab i brauch des buach, wos meine eltern nie glesn hom. des hot a psychotherapeutin glesn und ihr wissts, therapeutn und i sein besties, weil de hom nit umsunst studiat und i glab, des werd mir selba guat tuan, oba a fian blog gibs aniges on input. vor ollem is des thema eltern-kinder sehr spannend, weil i da meinung bin, eltern wissen es oft anfoch nit bessa und wir erwoatn uns a zviel von eltern, wos miasn eltern wirklich schoffn? und wenn de in ana schwaren zeit aufwochsn, de mit der jetzigen a nit zu vergleichn is.. wie geht man mit so anen konflikten um? i konn lei ans sogn: i gfrei mi unfassbar drauf, wenn gheilte menschn kinder gregn und senen nit de probleme von damals mitgebn. oba jo, des buach werd i ma gach holn miasn!
das kind in mir muss heimat finden
wie oben angekündigt, i hab des in der buchhandlung jede woche auf den bestseller-tisch tragen miasn, weil es de leit bis heite lieben. oba i erwoat ma davon nix, weil i hab amal an podcast mit der stahl anghert und woa eher enttäuscht. (pageturner: gestern a folge von ihrem podcast angehört und des hot ma gfolln!) oba des innere kind is a thema, mit dem muast di fria oda später beschäftigen, weil sunst werd man nie zu 100% mit sich kloa kemen. in den letzn monaten oft über sochn gestolpert aus meiner kindheit, de i vielleicht nie gsegn hätt und jetzt onfong zu vastehn.
Zweitnah Teil 1: Schnell.liebig
i hob letzten sommer so a guates buach glesn, zweitnah. do gehts um beziehungen und no na ohne jetzt zu spoilern: i hob bewusst nit den 1. teil schnellliebig glesn, weil i des thema beziehung mehr gfühlt hab. und mir haben des anige gschrieben, doss sie a als vergeben person den 1. teil gfühlt ham, also gib i dem de chance. i hab a de 5 sprachen der liebe als single glesn und hab es vastondn, ohne den bezug zu ana partnerschaft ghabt zu haben. oba i lieb von da mallon den schreibstil, deshalb frei i mi auf schnellliebig und bin gspannt, ob es echt so egal is, doss i den 2. teil erster glesn hab. den leg i eich holt a soooo ans herzl!
neuestes Guschbaby
andrea weidlich- lieblingsautorin! des buch über toxische menschen und das allererste (der geile scheiß vom glücklich sein) hob i holt so gebraucht und geliebt und konns mit vollem herzen empfehlen, und da i holt anfoch so vü biacha hob, kaf i ma langsam ungern neie. oba des FUCK IT brauch i anfoch. i kann immer so viel mitnehmen aus den biachan. der podcast is ma oft zu viel und zu überdraht und zu „positiv“, aber de biacha sein so passend. so aufn punkt. verstehts mi nit falsch, den podcast mog i echt gern: oba oft reibt mi des auf, wenn i am abend in ruhe switch spielen will und bisi wos von an podcast mtinehemn will und dann wird da so viel gequiekt und glacht haha. in da fria is sowos wieda supa!
die theoretische unwahrscheinlichkeit von liebe
schon 1000 mal hab i des buach in da hand ghabt und der gedanke „du host gnuag zu lesn daham“ hots mi wieder retour legn lossn. oba in meiner buchhändlerinnen-bubble (bin jo glernte buch- und medienwirtschafterin) is der roman gelobt worden und buchhändlerinnen loben selten „0815“ liebesromane. (i glab es letzte woa ohne ein einziges wort von rosie walsh und davor ein ganzes halbes jahr von da jojo moyes) deshalb will i dem buach so dringend a chance geben, WENN i de zeit hab und a was, i konn es ma kafn hahaha. i hätt vermutlich doch eher sehr gern an buach-blumenstrauß zum vday ahahhahaha.
World-Reihe Teil 2 und 3
eigentlich find i biacha über influencerinnen imma trashy! oba der erste teil „worlds collide“ hot mi sowos von obgholt. de charaktere sein so ane herzlmenschen und man fühlt sich so wohl, obwohl de situationen so schlimm sein. der schreibstil holt im a voll ob: also tat i ma gern de komplette reihe eineziagn!
mehr von Grégoire Delacourt
dieser autor hot ma es herzl gfladdat mit seinen romanen wie „Das Leuchten in mir“ und i will mehr lesn von ihm. der franzose was anfoch wie man romane mit ana portion herzl schreibt und an schreibstil wie ka ondra hot er a. is eher a klassischer roman-schreiber, also e wos, wos i seltener lies wie i will, oba i fühl es so. a der roman „die vier Jahreszeiten des sommers“ hot mi soooooo gfongen! also wer von ihm a ondas biachl kennt, wos guat is: her damit und sunst kaf i ma anfoch olle de am moakt sein von ihm.
a buach, wos i ma wünschn tat, doss mehr leit lesn
„Meine Haut packt aus“ von Brigitte Malungo. In bewegenden, kurzen Kapiteln zagt die Autorin wie da Alltag ana Schwarzen Frau ausschaug. und i find als lesende Person konn ma do so vü mitnehmen. Bsundas hot ma de tinda-situation im bauch wehgeton. als lieblingszitat tat i sogn““Google existiert nicht umsonst, es darf durchaus benutzt werden“ es is de aufgob von uns ollen, zu lernen wos olltogsrassismus is und wie a Schwoaze Person damit zu kämpfen hot. lei weil es fia di „nit so schlimm is“ mocht es a soch nit weniga schlimm. vagessts nit: es geht nie drumm, wie du wos manst, sundan imma um des, wie de person, zu der du des sogst, es aufnimmt!“
ok, ok: welche biacha wollts des so lesn? (ausa meins, des no imma nit fertig is. ahahah).