unpopular opinion übers tatzln

happy new year und hallo zum ersten blogpost in dem joa. natürlich soll der blogpost zu mein eigenen 2023 passen: tabuthemen& money. dieser blogpost wird gesponsert aka i greg geld dafia, OBA des mocht ihn nit schlechta. i hab an teil von meiner langen liste von dingen, de i beim thema sex/nudln/tatzln/umaklaubn unnötig/übertrieben/nit guat find, eben mit produkten meiner sextoymarke des vertrauens drinn. viel spaß beim lesn& nit vagessn mir dazeln, wos eicha unpopular opinion is!!!*BEZAHLTER POST

i hab schon anige blogposts über sex gschriebn (hier de liste) und es werden imma wieda welche kemen. heit greif i den tiktok trend auf, wo leit sogn, wos viele mochn im schlofzimma, wos i aaaaabsolut nit vastehn konn. und natürlich MEI meinung, oba vielleicht fühlens monche a so. generell, klana reminder und hjo i schreib solche blogposts fia leit, de sich nit traun mit friends drüber zu redn: a den sex und olles drum herum soll man fühlen. sex is ka verpflichtung, es mocht di nit cooler, endlich mal sex ghabt zu haben und i konn aus eigener erfahrung und freind*innen dazeln: mit an partner (damit man i olle geschlechter u know), der zu eich passt im bett, dem ihr vatrauts und mit dem ihr kommunizian kenns: fühlt sich sex guat on. und sex werd mit da zeit imma bessa! und bevua man schlechten sex mit irgendwem hot, liaba glei goa kan. oba lests eich do gern meine ondren posts durch 🙂 let’s go!

anfoch so starten

also streng gnommen na. also nit let’s go, weil in meine augen is dieses mit an fremden menschen im bett landen anfoch nie geil. wos i von ONS holt, hab i schon mal gschrieben. oba i sig so vü filme/serien und a in büchern werd uns vuaglebt: du konnst im club wen aufreisn, ham zahn und der hund nudlt di 1A weg, doss de manst du bist in an ondan universum. oba WIE realistisch is es bitte, doss jemand nochn 14. bier nit lei nit elendig stinkt, sundan es noch zomm bringt, di zu beglücken? außerdem: de person kennt di und deine vualieben nit. de meisten kennen selba senre vualieben nit amal und dann … wie soll des wer wissen? es gibt ka handbuach, wie man Mann oda Frau imma allgemein zum kumen bringt. do nutzn da polsta untam popo oda bauch auf hond druck tipps wenig! deshalb bin i der meinung, sex, a wenns mit an wildfremden is, braucht davua a gespräch. und wenns anfoch a kurze checkliste is mit „wie verhütest du? was magst du gar nit? welche stellung fühlst du?“ is jo schon aniges gerettet.

69a chaos

i versteh es, doss leit im kopf a ongenehmes bild von da 69 a stellung hom, oba es is jo a bergsteign auf an bildlen viel ongenehma, wie im echtn lebn. in meinen augen is 69 anfoch komplettes wunschdenken! weil wie soll i wos genießen, wenn i grod selber wos gib? wie vü geil is es, des popoloch vom ondan irgendwie doch MITTN IN DA PAPPN zu hom? i man kloa, manche fühlen des, oba manche a nit. und wie soll des sich irgendwie ausgehen wenn de zwa turteltauben doch an größenunterschied von 30 cm plus hom? multitasking is a bisi a erfindung und de 69a stellung a reines chaos. weil du bist jo nit entspannt, wenn du der ondan person wos gibst und entspannung braucht man, damit man selber genießen kann. vü bessa sich abwechselnd auf a person konzentrian!! vua ollem braucht man oft nit es gleiche tempo und übernimmt oba jo glei amol des tempo vom ondan.. na 69 is chaos pur fia mi.

thema schwangerschaft/geschlechtskrankheiten

i hob a meinung, von der bringt mi niemand oba: schlof mit niemanden, wenn du nit wast, wos im fall der fälle also ana schwongaschoft wäre. und jo schen doss du de pille nimmst oda doss sie sog, sie nimmt se. es kann imma was sein und i was nit, oba dieses blauäugige „bei mir wird nix sein“ is anfoch bisi.. doof. und sex is eigentlich erwachsenen sache, derwegn sollte man a gonz erwachsn damit umgehen. es gleiche spiel mit geschlechtskrankheiten: kondom is pflicht bei one-hit-wonder, oba a bei gspusis außa man hot de sicherheit, de person hot sich mol testn lossn. weil warum sollte man 5 minuten gaude oda enttäuschung haben, um donn fias leben long eventuell wos zu hoben, wos man eventuell nit will? vua allem de mädels: ihr sitzts donn meistens leider im warteraum vom oazt mit ana kronkheit, de ihr nit wollts. deswegen is es fia mi nit möglich, mit wem ins bettl zu hupfn, wenn de sochn nit ongredet woan sein.

licht ein

es gibt menschen, de scholtn bam sex es liacht aus, weil se sich selba nit megn und unwohl fühlen. bin davon ka fan, weil sex mit komplexen heat und fühlt sich anfoch nit sexy on. oba dennoch bin i ka fan von licht ein beim sex. weil wie willstn du a mood zommgregn, wenns liacht in de augn fost brennt? i man da bettpartner is ka frauenoazt, der kumpl muas nit jede körperstelle hellbeleichtet ausforschn miasn. des hot nix mit unsicherheit zu tuan, vü mehr mit da stimmung.

„hauptsoch er kimt“

imma noch in so vielen vor allem weiblichen kepflen drinn, oba es is anfoch bullshit. es geht beim sex erstens nit hauptsächlich um den orgasmus aka de orgasmen, sundan vü mehr um des gonze erlebnis. des donn obzubrechn/beenden, weil mann den rekord von 1 minute und 29 sekunden wieda mol übertroffen hot, is fia frau wohl gonz sicha sehr enttäuschend. i hab lang des gefühl ghabt und i was i bin nit alan, der männliche orgasmus is so des ziel. dabei is es ziel, doss nochn sex bade zfriedn, befriedigt und entspannter sein. und jeda, der noch des denken hot: solls sich gach ausn kepflen schlogn. und da beim sex mindestens zwa leit dazua kern, sollte man schaugn, doss bade es genießen und a gaude hom, weil erst donn werd da sex guat.

sextoys san feinde

des is so a thema, wos bestimmt nit so a ding wär, wenn de leit mehr driba redn tatn. wenn frau an vibsi in da hond holtet, greg monn glei mol ongst weil sie jo nit zfrieden is mit seina leistung. oba wer sogn des? warum darf man nit anfoch mehr erlebnis ins bett bringen? dieses sextoys san feinde und wos i nit kenn, tua i nit passt anfoch nit in a erfülltes sexlebn eine. MEINER MEINUNG NOCH. wos no nit ins bett ghert: billiges und oder nit hygienisches spielzeig! reinigung is jo a nochn sex und a davua so wichtig (stichwort: fingalen), um sich blasenentzündungen und co zu spoan. deshalb braucht man anfoch so an cleaner. wos i recht geil find, is von sinful de ohhcean reihe, oba nit lei wegen dem namen. sexy darf a nachhaltig sein: klingt relativ wild, oba de sexytoyreihe besteht auf ozeangebundenen kunststoff, also plastik, des noch nit im meer glandet is. des meer werd dadurch nit lei von noch mehrn plastikabfällen bewahrt, sundan des plastik wird weiterverwendet. de kollektion beinhaltet coole produkte, de im bett a feste gaude mochn. mei highlight is der massagestab, der anfoch zauberstab hast ahha.

pro tipp: gleitgel darf a eicha freind sein. oba wer jetzt schon ganslhaut von dem klebrigen schas greg, der lei stinkt. bei sinful gibs a organisches gleitgel auf wasserbasis und des is, sobald es in kontakt mit wossa kimmt, anfoch weg und guat is. perfekt! es gibt leider genug frauen, de mit trockenheit zu kämpfen hobn und nix dafia kennen. deshalb anfoch so a tubn in griffnähe hom und guat is. konn lei bessa wern!

after-care spritzn

so seltsam: oft dauert es stunden, bis man mitn sexln onfongt. oba kaum is er vorbei, is man schon wieda nerma in da mood. doch warum? i bin der meinung, nochn sex ghert imma no a bisi von dem vibe aufrecht gholtn. also after-care sollte man nit nochn obspritzn spritzn. und damit man i nit, doss man a high five geben muas (is oba manchmal fix cool) oda bitte spoats eich de froge „wie woa i??? bewertung von 1 bis 10??“ oba man kann schon fragen, ob es der person guat geht, was der person gut gefallen hat, was man es nächste mal besser machen könnte, ob de person a wasser will oda ob man halt zamm duschen gehen soll oda irgendwas bringen kann. des sein so klanigkeiten. de weibis hupfn donn aufs klo weil wegen bakterien und dann kann man a ruhig no a runde huckn/redn und nit glei in de social media sucht verfallen! weil ihr wissts sex fongt 24 stund davua on und wenns guat woa, sollte man sich noch da runde bemühen, damit man eventuell später a zweite runde greg.. ajo jetzt hob i schon über 1600 zeichen getippt, jetzt her i mol auf oba..

bock auf teil zwei???

ps: mit sinful arbeit i echt gern zamm, weil se nit für spottpreise plastikprodukte ausaschiasn und donn noch mit codes zum kaufen de menschen onstachln. wenn ihr mal was testen wollts, mega, oba is ka muss. außadem feier i jede firma, de fair bezahlt und kreativen spielraum losst hihi. vielleicht klickts kurz aufn link, anfoch weil wegen karma!!!

 

PPS: wir, da raphael und i von hart im geben podcast tatn uns so frein, wenn ihr uns no bis 5. februar nominierts als newcomer podcast! <3 <3 <3