olles vabauen

olles vabauen

27. November 2022 0 Von Laxobu

und endlich wieda mal de muse gfundn, bisi herzlzutextn. und hjo jetzt is e bold da 1. dezember do werds jowohl jedn tog a textl von mir auf insta gebn, man kennt mi jo 🙂

den stimmen im kopf imma mehr glabn, als dos de faktn tatn sagn. 
und bei jedem kompliment glei frogn: is des nit lei glogn?

so ongst, doss olles schiefgeht, doss de nit amol lossest de gschicht losgehn.
wia soll a happy end entstehn, wenn de nit amol glick in form von ana person einalosst in dei lebn kem? 

den ängstn im kepfln mehr gwichtn gebn, wie de ehrlich gmantn sochn von jemandn, der richtig gern is in dein lebn? 
du losst leit aus dein lebn gehn, checkst oba nit, doss du se selba vajogst, quasi aufdruckst des „auf wiedasehn!“

du vabaust da selba des glick, vadommt sigst du des nit? gibst jeda sondburg und jedem koatnhaus an tritt& sogst „ma es geht schon wieda nit!“

wenns regnet, sponnstn schirm nit auf. und sogst es pech nimmt von alan sein lauf. wenn de sun scheint, is da lei glei zhas- fia di is imma olles a schas.

wast du, a bisi a donkboakeit im herzln trogn, do erĂĽbrigen sich a poa frogn.

sog, wie soll des denn gehn? wenn du dem glick ka chance willst gebn?
um es lebn zu lebn, muast amol lebn. und es konn nit lei imma lei guat gehn. es soll a nit imma lei guat gehn. 
wast jo e: erst ohne plan, geht es plan los. 

wenn du da denkst „oha so wenige blogposts!“, auf patreon gibs jedn montag an! fĂĽr 3 euro im monat (monatlich kĂĽndbar) gregst genug input& an briaf und es gibt weitere mitgliedschaften und du kannst a ALLES NACHLESN! hier der link! Is a a mega geschenk fĂĽr wen, der meine blogposts gern liest- schreib ma sunst gern, wie ma des am bestn abwickeln 🙂