meinung is ka woaheit
a soch, de i richtig guat find: De woaheit. de realität. die tatsachen, doss gewisse sochn anfoch so sein, egal wer wos sogt.
oft is des, wos wia von ondan leit hern, lei sena meinung, ka tatsache.
oft is des, wos wir segn, lei a perspektive. nit de woaheit.
BOOOOOOOOM! oda?
wenn dei kollegin da heit sog, du sollst eventuell schnella oabeitn oda kürzer pause mochn oda wos a imma, sei dir bewusst: sie hot eventuell lei an schlechtn tog und muas es wo ausa lossn. des hot nix mit dir zu tuan vermutlich. und loss es donn a nit zuabe.
wenn jemanden dei pulli heit nit gfollt, obwohl er da selba richtig taugt, donn is des sei meinung, oba des stimmt nit, doss der pulli nit schen is. der pulli is schen, wenn ihn wer trog, dem er gfollt. und leit de es nötig ham, andren schlechte sochn zu sogn: i man de tatn sogoa in an roberto cavalli-Hochzeitskleid lei semigeil ausschaugn.
dei crush hot heit a bildl gliked von an girl, des wir nit so megn? nur weil in dein kepfln des a klans drama auslöst, is es in woaheit anfoch a digitales NICHTS, wos er eventuell a versehentlich oda ohne groß zu denken, geton hot.
der tog wird heit nit beschissen, weil du joaresgespräch hast, maus. der tog is guat, der tog deaf guat wern. dei kepfl bestimmt grod, doss er nit so schen werd. erlaub da liaba vorfreid, auf den moment DANACH.
du merkst auf wos i ause will oda? du solltest dein kepfln sogn, doss es entweder positiv oda neutral denkt. loss mol bewusst gedanken kemen ohne se zu werten.
i man bitte denk jetzt nit on wos brutales. sundan eher so: de laxobu hot gsog, meine schuah passn nit zum outfit. und anstatt jetzt zu zweifeln und an de schuhe zu denken und wos on denen nit passen kennt.. loss de gedanken kemen, nimm ihn an und loss ihn folln. nimm quasi mein kopf in de hand und loss ihn los. nit wegschmeißn/dreschn, sundan anfoch los lassen. und fertig. es is ok. es is ok, manche gedanken umkommentiert gehen zu lassen. gleiche is ba leit a.
bisi eigenwerbung, weil des girl seit 4 joa voll im laxobu-business drinn is und sich echt über support freit: bei patreon gibs fia lei 3 euro im monat 4 blogposts extra (de IMMER kumen!) und du konnst von jänner weg olle 44 (morgen donn 45) postings nachlesen und glab ma, do gibs soooo vü zum lesn, lernen und a bisi privaten stuff dazel i a 🙂 und es gibt zu weihanchten a kartl und zum geburtstag a briafl. tat mi SEHR gfrein, wenn de mi supportest, ehrlich! kostet nit de welt und mir zags holt echt, doss leit meine sochn lesn, fühlen und am ende is es so a klane gang, weil de 30 herzln, wos do dabei sein, wirklich so olles als erstes lesn, hern und segn 🙂 HIER der link amol 🙂 BUSSI!