glücklicha
herzltexte sein und bleibn es beste. hob i recht?
es gibt ka grundrezept, wie de glücklich sein konnst. es gibt kane vier dinge, de du tuan muast, damit de glücklicha werst. dei glück konn heit an nomen hobn, morgn is es a ort und in drei joa wast nerma wos di heit glücklich gmocht hot. glück gibs in ollen formen und facettn. doch glück gspiast imma du selba, deshalb bist a du dafia verontwortlich. oba eventuell hob i do poa zeiln, de irgendwen von eich zagn, doss des, wos se geton hom, um glücklicha zu sein, vadommt richtig woa oda in naher zukunft richtig sein werd:
du wirkst ma glücklicha, seitdem du di entschieden host, doss di leit valian diafn. seitdem du wast, bevua du se zwingst zum bleibn oda gach no bettelst, doss se teil von dein leben sein solln: losst du se folln. und a wenn se di folln lossn und es weh tuat: a bisi weh vatrogst du bei weitem leichta, wie de durchgehende enttäuschung von menschn, wenn se nie des sein, wos du da von senen awoatest.
seitdem du dir selba de liebe zuaschreibst, de du ondan gibst, wirkst du glücklicha. du gibst dir de zeit, de aufmerksamkeit und des verständnis, wos du ondan fria imma gebn host- so selbstverständlich. jetzt gibst es dir selba a und merkst: so werst glücklicha.
do zu heiln, an dem ort, wo man valetzt woan ist, des konn holt nix. und seitdem du nerma on dem ort noch liebe suachst, wo du se a valoan host, bist du glücklicha. des sig man in dein gsichtln: do is es förmlich eingeschriebn. ka mensch, der di wirklich von tiafstn herzn liebt, werd da so weh tuan und dir des gefühl gebn, mehr host du nit vadient.
seitdem du di selba nerma klan mochst, damit ondre bessa wirken, wirkst du glücklicha. selbstbewusstsein steht da guat, maus! und a dei einstellung „i leb mei leben wie i will und aus!“. weil sobold du aufheast, so zu tuan, wie es sich ondre awoatn und imma schaugn, doss es den ondaren recht is, gehts da bessa. weil ka person auf der welt werd jemols so wichtig sein, wie du selba in dein leben. vatrau ma do.
hasa tipp: dei leben leben, anstatt es zu inszenian. fong damit on und du werst glücklicha. weil de priorität is imma, wie es essn schmeckt und nit wie es ausschaug. konn von außn a 10/10 sein, oba wennst di donn glott onspeibst: hm, weniger fein. des soll a so mit dein leben sein. lei weil da instapost perfekt is und geil likes bringt, is es holt a nit da sinn, doss du dahinta sitzt am display und spinnst. weil du so unglücklich bist, weil der tog nit so schen woa. glab ma: es leben leben is des anzige wos zählt, wenn man nochn sinn des lebens greift.