hiiii ihr wundaschenen wesn. wenn ihr des lests, lieg i überglücklich im bettln und schwärm hoffentlich von da hochzeit und mol ma mei eigene aus de noch waaaaaaaaaay weit weg is. 😀 oba dennoch woa i so a maus und hab eich schon am donnerstag an blogpost vuabereitet, damit ihr wos zum lesen habs!!

ding nummer 47920849 auf dera welt wos i nit versteh: ondan leit wos beweisn wolln.

es is jo morgen wieder schulbeginn in kärnten und co. und do passt so a blogpost jo e wie de faust aufs aug oda? weil wos hot de larissa in da schulzeit probiat: es ondan recht zu mochn. cool genug zu sein. a mit de cool kids mithalten zu kennen. hot sich lei verglichn und woa am ende abhängig von da meinung anderer über sie. do hot se no nit gwusst, doss sena meinung nit zwingend ihr woaheit is. und heite schaug i hinta und wünsch ma von herzen, doss i mindestens an leser*in do des gefühl weitergeben konn und den mut: du bist cool wie de bist. de schul is nit wirklich a toller ort, es is nit imma leicht und kids kennen unmöglich sein. lei erinnats eich dronn: doss de klanen biester, de sich über eich lächerlich mochn, sich selba anfoch nit megn und des is sowos schwoches!!! ondre schlechta zu mochn, mocht di selba nit bessa und sogt holt so vü über dein charakter aus. und an alle, de echt gern ondre beleidigen/sich lächerlich machen: du gregst olles hinta im leben. isso.

long time no beispiele also hier bitte:

de lisa datet wieder und sie datet den patrik, der davua in ana ewiglangen beziehung mit da melissa woa. de melissa woa es gegenteil von da lisa. a richtiges THAT girl (über des muss i a amal an blogpost schreiben ahhaha). clean, olles in weiß/beige und dieser enge dutt, wo de kopfweh gregst. lisa is eher curly hair girly und liebt ihrn fettn eyeliner, dessen game se perfekt beherrscht. oba fias 1. date mitn patrik richtet se sich her und hupsala, schaug se aus wie de melissa. hot sogoa beim zara de blusn nochgekaft aus ihrer storie. da patrik sig se und des date woa so … najo. schwierig, weil de lisa ständig probiat, sich zu vastellen und olles is komplett vakrompft. patrik steht auf, legt zehn euro aufn tisch und sog ihr, des werd nix. meldet sich zwa tog später mit „he du sorry, du host mi so an mei ex erinnert und i bin so getriggerd davon, doss i mi a frog, ob i sie noch will und doss i a irgendwie entteischt bin, doss du nit du bist, so wie i di holt von fria in erinnerung hob.“ TJO. wa da lisa lei wichtiga gwesn, ob er ihr taugt, als doss sie ihm beweist, wie toll se is..

a beispiel, wie ma olle kennen, de hannah will zur IT-Gruppe der schual kern. de mädels, de cool sein. also dieses „wir sogn wir sin cool also sein wir cool und wenn wir sogn du bist uncool, bist du es a ok?“-cool. und diese girls gehen am wochenende fuat und trinkn.. prosecco. welche 17 jährigen girls bestellen sich in an club prosecco i man. de sprudelbrause schmeckt da hannah goa nit und sie sehnt sich noch an bierlen daham mit ihre gschwista. na sie steht in an engen kleid, ohne unterhosn weil de hot man drunta gsegn in an club und trinkt fia 8 euro 5 ml grausigen prosecco. sie is perfekt im frage/antwort-game woan. denn diese girls fragen sie alles und ihr antwort immer „hm mir egal.“ oder „was sagst du?“ oda „dei meinung is genau meine!“ ja genau hannah versuacht a hirnloses mitläuferlein zu wern, um den girls zu beweisen, sie is cool.

und jo des hom viele von uns geton. vor allem in der jugend, vor allem wenns ums ondre geschlecht gongen is. dei crush raucht? natürlich würgst du de fuckin tschick obe (spaß nur baffn, weil mehr dablosest nit) und sogst no lässig „oh meine lieblings zigarettn-marke. a zeichen?“ du gehst auf hausparties, wo du de besitzer nit amal ansatzweise magst, weil es so hirnlose und respektlose menschen sein, oba dei clique will do hin. du machst sachen wie bauchnabelpiercings oda stirnfransen aka BÄNGS de grod modern sein, obwohl du darauf nit mal lust hast.. fia wos bitte? um menschen, de in 10 joa als studenten immer no glabn, sena coolnesslevel is gott, wos zu beweisen?

es reicht wirklich vollkommen, wenn du di und dei jüngeres ich von damals stolz mochst. i sogs anfoch. kane eltern der welt, kane freinde und a ka partner haben es recht, von dir valongen, doss du des tuast, wos senen passt. natürlich eltern enttäuschn nie geil, oba hot da prinz pi schon gsog: unsre kinder wern uns entteischn, wir hom unsre eltern enttscheit, de deren eltern entteischt hom. oba wir, also i auf alle fälle, werd nie von mein kind entteischt sein, wenns des mocht, wos sei herzl sog (ausa des herzl sog mit 14 schul obbrechn und drogn nehmen OK) oba ka uni-wahl, ka jobwechsel oda partner-wahl werd i als entteischung segn, lei weil i es nit so tuan tat. weil wir sein eigenständige menschen, de jedn abend alan liegn gehn. und deshalb mach ma a lei de person happy, mit der wir durchgehend zamm sein: uns selba.

i wiederhol:

es reicht wirklich vollkommen, wenn du di und dei jüngeres

ich von damals stolz mochst.