wonn werds leichta?

a neicha herzltext erwoatet eich jetzt. und na es hot nix mit mein leben zu tuan bitte danke. 🙂 mir gehts grod 10/10 guat, oba derwegn schoff i es imma wieda schene textln, de nit so zu meiner gefühlsloge passn zu schreibn.

 

wonn werds endlich leichta?
leichta, di glücklich zu segn.
und endlich zu verstehn,
uns zwa werds nie mehr in so ana form gebn.
wie ma woan.
i hob di endgültig valoan.
werd nie wieda liegn in deine oam.

wonn werds endlich leichta?
wie long lenk i mi noch ob mit ondre leit,
wobei dafia bin i ehrlich gsog no nit bereit.
es is a reine oblenkung fia mi,
dabei vamiss i lei di.
und denk lei on di,
und frog mi ständig: denkst du a on mi?

wonn werds endlich leichta?
leichta, di wieda lochn zu segn.
es tuat grod imma no weh,
werd des nie vagehn?
jede storie von dir tuat weh,
bei jedn nei gepostetn foto hoff i, es is lei a schmeh
wenn do drunta steht
„what a time to be alive“
wenn du grod a trennung duachstehst.

wonn werds endlich leichta?
wonn werd i wieda lochn.
wonn konn i wiede olles normal mochn.
spaß hob, fuatgehn und glück gspian.
grod fühl i mi imma als tat mi a trakta zommfian.
wie oft i an blick in de snapchat-memories risikia,
lei damit es nächste tränendrama eskaliat.
wonn konn i hintadenkn,
nostalgisch, oba ohne wieder von vuane olles zu zerdenkn.
tat so gern sogn, danke fia de schene zeit.
oba dafia bin i nit bereit.
momentan noch eher schiene: volles selbstmitleid.

warum is es vorbei,
imma gmant wir zwa sein fia de ewigkeit.
dabei,
nit mol fia a längere zeit.
i bin no nit gonz bereit.

es woa a wundaschene zeit,
de wir ghobt hom zu zweit.
oba des is anfoch vorbei,
vadammt, i bin ehrlich no ka bisi bereit.

i was.
es werd bold leichta.
donn tuats nerma weh.
donn konn i sogn „da schmerz vageht“
und loss des wos woa, stehn.
i was. es werd leichta.