bodenlose ehrlichkeit #1
hi und happy september. obwohl streich ma des happy und seima ehrlich: der blogpost werd jetzt bodenlos ehrlich.
warum? weil i so wos von grantig auf mi selba bin. hoffentlich, wenn ihr des lests, gehts ma schon wieda bessa. oba seit gestern abend bin i sowos von ongezipft auf mi selba. de gründe? loss ma de liaba privat bleibn 😀 auf olle fälle: imma wieda sog i, es is voll ok, sich selba mol nit ausstehen zu kennen. is normal. weil du mogst deine freinde a nit jedn tog gleich und unsre omas tatn unsre opas in den letzn 50 joan a sia des öfteren mol gern ausn fensta schmeißn.
eventuell werd i jetzt imma wenn i an blogpost verkack/nit daschreib, anfoch an bodenlos ehrlichen blogpost tippen. weil seids ma nit bes mei tog is heit ondas nervig gwesn. und JO I BIN IMMA DONKBOA OBA OFT KONNST NIT DONKBOA SEIN. und des is ok so. es mocht mi jo nit zu an schlechteren menschen, lei weil i nit krompfhoft noch den guatn seitn suach oda noch donkboakeitn. mocht mi jo nit weniga donkboa. seitdem i des „ich möchte lieber nicht“ biachl in da hond ghobt hob, hot sich de siase dankbare und engelsgleiche laxobu wieder mehr zur normalen larissa gesinnt, de nit imma cool bleiben konn und oft mol sog „olls oasch.“
zruck zu mein tog: hallo erst hob i in da fria in da kuchl a kuchnmasaka ghobt. donn wollt de madame zola partout nit in goatn gehn, weil es is jo olles noss und kolt (de freindin was nit, doss da herbst kimt und i se jetzt daily do ausezahn werd!!!!). donn hob i nit gwusst ob doc martens oda nit doc martens rocken (hab mi fia sneakers entschieden und bin immer noch minimal enttäuscht von mir selba) und so weiter. nix weltbewegendes, olles luxusprobleme: oba aufregn deafst di jo derwegn!!! solong es influencer gibt de umablean, doss sena koffer verspätet kimt (in zeiten wie diesen wo gefühlt ka koffer onkimmt bist genau du de ärmste maus!!!) deaf i wohl mol sogn, doss es mi onzipft, wenn i an kuchen stott in mein bauch aufn bodn londn loss. ob i gebleat hob? Stellt sich de froge ernsthoft?
es is da 1. september und irgendwie glabt gefühlt gonz instagram, ob heit ändat sich wos. des magische datum. is da 1.9 da neie 1.1 oda wie? ob heit bist gsünda, ob heit bist herbstlicha, ob heit bist motivierter pipapo. lei weil da monatsonfong is? i man seima ehrlich so reich wie am 1. vom monat is man selten (also de 2 stund bevua de versicherungen und co. di ausnehmen. Spaß!) oba nit automatisch reich an motivation??
bin jo selba so a wiaschtl, des unbedingt am donnerstag, 1. september wieder mehr bloggen wollt. donn woa i gestan oba so has, doss i lei an halbherzig getippten text fertig ghabt hab und donn wollt i des heit fertig mochn… HOB I ANFOCH DE DATEI NIT BEI MIR UND KIM HEIT NERMA HAM. donn wollt i ma wos ondas aus meiner demotiviatn nosn ziagn (um 6.45 in da fria sia mochboa!) und bin jetzt imma no unkreativ. also hob i ma gedenkt (haha): i schreib driba, doss es ok is, am 1. vom monat NIT es leben ändan zu wolln. du muast jo a nit am 1.1 mit deine vuasätze starten. wennst de am 27.12 beginnst und duachholtest, is es imma gscheida, wia von 1.1 bis 6.1 hahaha.
a influenzerin heit sogoa übertriebn gwunnen des insta-game mit „ab heute nur noch Herbst-content“. ok ok ok. wos is herbst content? jetzt hot se banhoat jedn zweitn tog a foto im bikini gepostet, jetzt lei mehr fotos mit kürbisen?? oda pumpkin spice latte? ahahhaahah hab a übrigens letztens mit ana nit insta-maus diskutiat, weil de person gmant hat in pumpkin spice is kürbis drinn (is es nit), weil eigentlich hast es pumkin pie spice (kürbiskuchengewürz) und mei diskussionspunkt woa „in grill-gewürz is a ka grill drinn!“ und de person woa donn kurz so grantig und hot sich getraut sogn mit mir konn man nit diskutian. (wir sind nimma befreundet übrigens. DES WOA A A WITZ hahaha) n kinderschoki sein a kane kinder drinn HAHA. ok gnuag floche witze fian 1. september oda?
also i blog ob herbstbeginn wieder mehr. weil i will, weil i sogoa jetzt a bisi a bessere laune hob durch den blogpost. wobei i nix bin ausa bodenlos ehrlich. mi zipfn nämlich diese perfektioniatn sochn auf insta sowos von on. Deshalb bin i voll des be-real-girlie. (has do laxobu was fia a wunda) und hau mei ungschminkte pappn mitn liabstn grinsn eine und meine friends feiern des. (und meistens, wenns am abend is, entdeckt man ba mir vino).
ohne witz hab i zerst den ZWANG ghabt, unsan podcast heite zu veröffentlichen/zu starten. weil da 1.9 cooler klingt wie a ondres datum. oba problem ans: unsre mikros sein no nit do. problem zwa: wir hom bade no ka zeit. problem drei: SINNLOSER STRESS FIA NIX WEIL GUT DING BRAUCHT WEILE. i hoff ihr seids richtig ready donn fian podcast mitn raphael. i wer de toge donn a social media seite errichten und erwart mir quasi doss ihr uns folgs, wenn ihr uns megs und ihr megs uns oda?? des wird a cooles neies abenteuer. i hab übrigens a poa neie ideen/ziele, de umgsetzt wern. oba wie ihr merkts: kan bock, ka motiviation und ka zeit. oba kimmt no. irgendwonn. seids donn holt anfoch ready.
Also: lossts eich nit verwirren von den perfekten instapostings. ignoriats gern de „ab heute bin ich motiviert für..“ stories und de „was willst du im september erreichen?“ fragen. wenn ihr des fühlts, GO FOR IT. wenn ihr des nit fühlts, genauso ok. du muast nit auf schnippsen sufuat ready sein fia wos, fia wos ondre ready sein. is a bisi wie bam sex!
und herts mir auf smoothie bowls als geilen scheiß zu vakafn, seima uns ehrlich. von dem werd man niemals sott! *mei meinung hahaha
jetzt bin i oba flott leise 😀