mehr als nur bauchweh

mehr als nur bauchweh

21. August 2022 0 Von Laxobu

i bin ma in mein leben schon oft bled vuakemen, dazua steh i. oba gonz wild woas imma, wenn ondre frauen über ihr menstruation gsprochn hom. transparenz: der blogpost beinholtet (sinnvolle werbung). 

beispiele lieben wir:
wenn wer rauchend an sein vodka-o nippt und sogt „so nervig, hob meine tage, jetzt kann i kan x-beliebigen typen aufreißen“ und i mir denk: Wie kannst du alkohol trinken und rauchen, wenn du deine tage hast? doss du da kan typ aufdareißt bei de schmerzen is jo nebensächlich oda?

wenn jemand insta postet „workout woa mies, oba hob meine toge. is ok so“ und du sigst, sie hot 40 min HIIT workout obagebogn und i schoff es während der regel eventuell amol mitn hund ausezugehn. und des a lei wenige hundat meter weit.

„bah heit so bauchzwickn wegn meine toge. nervig!!“ ruaft ane und haut sich a schmerzmittl eine. und i frog mi wie man so a klane messerstecherei im unterus mit bauchzwicken betiteln kann. 

i kenn girls, von denen wissn de partner nit genau, wann se senre tage haben. und i denk ma so: wie könnt i jemals a beziehung eingehen, ohne ihm vorerst zu aklean, WIE schlimm meine schmerzen wern und doss i eben dates absagen muss, wenn de zeit nit guat passt? meine regelschmerzen sein, ob i will oda nit, a teil von mir und des hot in da beziehung a sein plotz. nie im leben würd i mit an mann noch an sotz redn, wenn er mir aklean will, doss de periode ekelhaft oda so is. weil kumpl, glab ma, i tat olls dafia gebn, doss i dieses natürliche ding, womit frauen mit an uterus, gesegnet oda gestroft sein, nit zu hobn. doss ma donn jemand, der sich nit amal ansatzweise vuastelln konn, wie grausig weh des tuat, akleat, doss er sich davua ekelt oda des „nit unbedingt hobn muas“: der soll in deckung vua mir hgehn haha. 

long hob i mi alan gfühlt mit meine regelschmerzen. manche leit ham ma a des gefühl geben, i bin lei sensibel und übertreib gern. manche habn gsag, a tablette oda a tee helfn. manche haben so geton, als wa des a ausred fia olles. 

unendlich oft bin i schon mit tränen in den augen vuam badspiagl mittn in da nacht gstandn und hob mi gfrogt „warum i?“. wie oft hob i es nit vastondn, doss in meiner familie niemand so kämpfen muas mit sowos normalen außa i. wie oft hob i de mama gfrogt, warum des sein muas und sie hot nie a ontwoat ghobt und des seit jetzt fost 12 joa. unendlich oft hob i ma gedonkn gmocht, wie i menschn in dieser phase von mein zyklus aklea, warum i do und do nit mitfoan konn, warum i do des und des nit tuan will. donn hob i beschlossn, drauf zu scheißn und zu sogn „he i hob meine toge und na es bringt ka mexalen wos, i muas daham bleibn.“ 

letztens ba da neichn frauenärztin gsessn, de hot mei handl gedruckt und gsog „es tuat ma lad fia di, doss du do duachmusst. oba du bist do goa nit alan, des wast du e.“
jo des was i e. also heit was i des, vua poa woa woa ma des noch nit bewusst. deshalb hab i a vua 3,5 joa ongfongen darüber online zu redn. weil i nit will, doss a mädel sowie i damals mit 15 nit ernst gnommen werd, wenn se beim turnunterricht wirklich nit mittuanen konn. wenn man bei an boy wirklich nit übernochtn will, weil man seine toge gregn werd. und der typ donn mant, man mog ihn nit. dabei mog man ihn zgern, doss man vermeiden will, doss man blerentiga neben ihn in da nocht aufwocht, gach no fiaba hot und sich schnell ins bod vakriachn muas. 

deshalb red i drüber und sog a, doss schmerzen während da periode nit normal sein und man damit nit sensibel is. umso wichtiga is es. doss man driba redet, offen kommuniziat und sich richtige hilfe holt. wenn eicha frauenarzt eich nit ernst nimmt: es gibt mehrere auf dera welt. und es gibt welche, de sich wirklich einsetzn und da weitahelfn. bitte nit lei a meinung onnehmen, vua ollem wenn de hast „nimm anfoch die pille!“ „wennst schwonga bist, gehts da danoch bessa!“ „de schmerzen sein nit so schlimm wie de tuast“, donn bitte oatzwechsel ondenken.

und gott sei donk gibt es a brands, de sich mit dem thema beschäftigen.

femitale und i sein besties. weil de frauen dahinter richtige macherinnen sein und weil se de welt aka de periode a bisi erträglicher machen. mein wärmeschal trog i grod übrigens beim tippen von dem blogpost. wobei de neiche hosn a richtig cool is. wer so an alltagshelfer will und braucht, konn bis 27. August mit LARISSA15 a bisi wos spoan. und denkts dronn: a wenn ihr nit weh hobs und des nit vastehts, gonz viele verstehen mi leida. und wer was, vielleicht gfreit sich a wer über so a hilfreiches geschenk.

noch a klana hasa tipp: des better period trinkgranulat hot de perfekten nährstoffe, mineralstoffe und vitamine für die frau! und schmeckt mega. und so trinkts ma a glei mehr. bussi danke und nie vagessn: wir sein nie alan.