wie de mi valetzt host

hiiiii, i was, blogposts san a rarität woan und deshalb pack i UROLTE textln aus aus zeiten, wo i ma nit sicha bin, wos do grode so los woa. oba da i zu dem zeitpunkt vua anigen joan happy woa, glab i, woa der text nit fia an gewissn menschn. also enjoy.

aus dem nix frogst du, warum i so beleidigt tua. als wa i valetzt, donn hob i mi hingsetzt:
wonn host du mi so valetzt?
du host mi valetzt..
wie de mi weggschupft host. von dir. metaweit weg. emotional gsegn.
wie de ongfongen host mir ausn weg zu gehn.
wie de mi bissi zlong ongschaut host, ohne wos zu sogn. wo es oba bittenot gwesn wa, wos zu sogn.
wie de es vasamt host, mi um a treffn oda a anfoch nur „wie woa dei tog“ zu frogn.
wie de ma es gefühl geben host, nit guat gnuag zu sein. dabei wiss ma bade: woa i imma, bin i noch und werds a fia imma sein.
wie de di nerma on unsre telefonate erinnat host und oll deine bisherigen worte sein durch dei vaholtn vablosst.
wie du auf amol nerma do woast. und du woast davua imma do, ungfrogta. donkboa woa i da imma.
wie da ma nit gsog host, wer da richtige wa. obwohl i gschwoan hob, doss du da richtige sein darfst.
wie du oft nix gsog host, wo a wort ongebrocht gwesn wa. wo de stille unongenehm woan is und dei schweigen a strof.
wie de ongfongen host, olles, de gonze schuld, in meine schuach zu schiabn und kumpl, i hon 36a schuachgres, do passt nit so vü bullshit eine. und am ende hob i nix folsch gmocht, außa ma gedocht, des werd wos.
wie de ma kan briaf gschrieben host, wo de wenigstens de worte onbringen hättest kennen, de da nie über de lippen kemen wan, oba in dir drinnen woan.
wie de ma irgendwie ständig hoffnungen gmocht host, wo endgültigkeit herrschn hätt solln. obschliasn hättest mi lossn miasn, fria. vü fria.
oda wie de ma ständig hoffnungen gmocht host, de du vielleicht ernst gmant host, oba dei schüchternheit, des klane schwein, is im weg gstondn. du hättest über dein schottn springen kennen, weil wie sog i so schen „Mutig sein zohlt sich aus. imma“.
wie deine sterndlan in de augn mi umkaut hom, oba du nix geton host.
wie de aufgheat host, meine textln zu lesn.
wie i gmerkt hob, eventuell werd do nie wos zwischn uns sein.
wie i gspiat hob, i loss es sein.

vielleicht hon i mi lei mit de erwoatungen selba valetzt. konn a sein. is jetzt oba vorbei.