des millionste lifeupdate
hiiiiiii, werd wohl mol wieda zeit fia a lifeupdate. weil wenn i mi nit ons letzte erinnern konn, is es e schon zlong her.
i hob gott und da welt und donn no den marsmenschen dazelt, doss 2022 mei joa werd. oba doss des joa donn so schen werd, hätt i ma nie ausdamoln. weil leben is grod so 17/10 und es woa es gonze joa dawal wundaschen.
kloa hots a nit so geile phasen geben, kert dazua. leit hom sich gezupft, wo i mi gfrogt hob ob des jetzt not is. diese oat von „liebeskumma“ tuat schon schiach, oba de gefühle hom a sena doseinsberechtigung. grode wo glesn: wir brauchn kane good vibes only, sundan plotz fia olle gefühle. und spoiler: wenige wochen später woa ma kloa „GUAT WEG.“ weil wenn wer nit freiwillig in dein leben sein will, is es sena pech, niemols deins. i man bin i gonz ehrlich: i tat mi selba nit gern vamissn. muas schrecklich sein ahahah. grod letztens mant a freind zu mir, mei selbstbewusstsein bringt ihn oft so zu lochn, weils anfoch so richtig. also i hab a phasn ghabt wo i nerma des mochn wollt, wos i tua& hob aniges hintagfrogt. oba de gefühle vazupfn sich oft schnell.
da mausicheck
schwöre hätt i gwusst, doss dieses videoformat online so obgeht, hätt i des jo schon vü fria gmocht. hintagedanke woa von onfong on: i film mi on an tog, wo i mi fühl um es ma donn onzuschaugn, wenns ma nit so guat geht. und viele von eich tuan des jetzt a schon und es geht goa nit ums online postn, sundan ums fia sich selba tuan. i posts online, weil i eich damit onsteck und es eich a taugt ahhaha. anige findens bisi doof, oba de finden a sich selba nit so guat, deswegen is ma des herzlich egal. und nochdem mei bruada und sei bestie gestan fia mi an mausicheck gepostet hom, hob i e olles greg, wos mei herzl wollt!!! hab auf insta extra a highlight onglegt, wenn wer also mol kan guatn tog hot sollt er sich des onschaugn, wie de klane larissa maus ihre outfits präsentiat mit pipifeiner musik und hjo.
lieblingsmenschen
hobs glab i schon eftas erwähnt, aber a gonz a guate freindin, vielleicht mei beste und i hom uns noch drei joan funkstille wieda zommdaraft. es woa irgendwie wohl de weihnachtliche stimmung oda anfoch es timing, oba sie is wieda in mein leben (und jo i blea jetzt schon wieda glei los). i kennt nit donkboara sein und a nit glücklicha. wos i des mädel vamisst hob, wie vü i von ihrn leben vapasst hob und wie schen es is, doss se lei mehr an onruf entfernt is. und des is de klane hoffnung, doss des a bei eich sein konn. gewisse freindschoftn brauchn obstond und zeit und wenns passt, findet man imma wieda zomm. do muas man dem leben schon a bisi vatraun. ❤️ generell muas i sogn, doss i des joa mit meinen lieblingsmenschen holt so zu 200% ausnutz. von spontanen italientrips über coole konzerte bis hin zu dingen, de i ewig nerma gmocht hob woa olles dabei. wir sein heia schon oft gnuag zamm gsessn an kuchltischn und hom glocht, oba a gebleat. & wie vü leit i heia de koatn schon glegt hob!! gerüchte gibs, doss i sogoa zu leit lei ham bin, um senen de koatn zu legn.. hexe durch und durch! wir hom auf diversen festln 20.000 schritte vatonzn, für anige cute schauspieler geschwärmt und gonz gonz gonz vü schene zeit mitanond vabrocht. alan doss i es erste mol fitte woa mit ana freindin oda noch 10 joa wieda eislafn. jetzt steht no amol es erste mol SUP on (hob i glei drei freindinnen de des mit mir mochen wollen) und donn wenn da schnee kimt geh ma longlafn on. weil skifoan auf des werd mi nie mehr wer bringen und driba bin i froh. und ihr solltets a so froh sein, lieblingsmenschen zu hoben und seids fia se bitte do. mochts senen kane vorwürfe, behandelts de leit so wie ihr behandelt werden wollts und nit vagessen: freindschoftn sein a a geben und nehmen.
textln
wie i meine erstn sprüche/textln insta gepostet hab, de mit handschrift, woa von anigen bekannten de reaktion so „mäh“. verbesserungswünsche sein kemen und „moch des gscheid“ und i hob ma gedocht: na, de gaude hot so an vibe, wie es is. und doss i donn auf a sprichl über 3.000 likes hon und über 100.000 views und 800 leit des gspeichert ham.. des is irre. und des is so mei ding, wos i gfundn hab und nie wieder nit mochn will. hab natürlich kurzzeitig überlegt, es zu vabessan oba warum. warum brauchts no an scheinheilig perfekten instagram-account voller designten textln. es soll anfoch sein. sowie es gonze leben: anfoch schen. (i post jetzt a glei a neichs sprichl, konn i do verlinken und du kenntest es liken, wa komplett liab von dir.)
geben und nehmen
es universum und i sind und bleiben besties. kennts eich nit vuastellen, wos heia schon olles passiat is. wie oft i wos bestellt hon und greg hon. und ma generell wos i olles heia schon greg hon! on liebe, on aufmerksamkeit, on reichweite, on zeit.. und wie viele geschenke. es is so wahnsinn. e grod erst am freitag hamkemen liegt a packl im bett. hot a mädel a shirt designed und mir gschickt. und i als fost berufliche liebesbrief-schreiberin hob heia so vü liebesbriefe wie noch nie greg. und i werd nit liagn: wer mir a postkartl, wos von mir selba is, schickt, do hängts mi holt komplett aus. i blea oft, oba so oft wie 2022 glab i no nie. ahhahaha. i bin holt anfoch so donkboa fia des leben, des i leben deaf. fia de leit de i als lieblingsmenschen bezeichnen deaf und a fia eich, de des olles lesen. natürlich woa es mei oabeit, is es imma no. natürlich is es oft nit witzig und vü zu vü unbezahlte oabeit, oba i moch es gern. und wenn i holt wos hintagreg, egal obs a dm is, a briafl, a leibl oda wos a imma: i frei mi so. i schätz es a so. generell bin i in de letzn 6 monat nochmol mehr donkboa woan. und i was nit ob i eich vom herzlwunsch dazelt hab, den i ma zu silvester ums handgelenk geton hob: des bandl is ma obagfolln und i gspia richtig, doss der wunsch so bold in erfüllung gehen werd.
privates
wer sich do jetzt erhofft hot, i schreib wos iba mei liebes/dating-leben: tuat ma lad. nit olles kert ins internet & i hob aus gewissen fehlern wohl glernt. außadem hob i gottseidonk so tolle leit um mi uma, de mi in guatn sowie schlechtn zeitn tatkräftig unterstützen und i nit online irgendwie wos vaoabeitn muas. und do nochmol kurz da klane reminder: larissa is nit laxobu. lei weil i an traurigen spruch post, hasts nit, doss es ma nit guat geht und a bei verliebte textln brauchts nit glei rotn, fia wen des is. laxobu is imma no de plattform voller schreiberei, gefühle und tabuthemen. des is ka mensch. da mensch dahinta bin i, de larissa, de des wos se mocht, richtig gern mocht (&a guat, brauch ma nix diskutian!) i kann ma schon vuastellen, wie intressant es is, des leben von jemanden, den man ausn internet „kennt“, zu verfolgen und olles zu wissn. oba i wa ka sinnfluencerin nit wenn i do nit glei wieda mol erwähn: eicha leben sollte des intressanteste leben fia eich sein. nit, ob de kollegin jetzt schon wieda a bikini foto gepostet hot, wos in deine augn billig is (is es nit, es is normal. entsponn di) oda oba da nochba echt mit der cousine von seina ex gschmust hot oda solche späße.
es guate an der soche is: i deaf selbst entscheidn, wos i post und teil. und bei meine reels, de i jedn monat moch, kennt i insgeheim 5 minuten extracontent mit ausschnitten mochn, de i eich nit zag. weils anfoch schen is, gewisse sochn fia sich zu hobn. mei blog is zwoa wos persönliches, oba privat is er bei weitem nit!!!!
wir lesn uns nächsten sunntog, wo a a gewinnspiel online geht. wuhu :)))