i will di (nit jetzt)
vua ewigkeiten hab i an angfangenen text mal gepostet& gekonnt dann zur seitn gschobn. a liabe followerin hat mi dann erinnert, wos mit dem eigentlich is, weil sie sich schon in de poa zeiln so gsegn hot. also here we go: es geht um jemanden wollen, oba im moment will man de person nit. hot nix mit mein echtn lebn zu tuan gottseidonk
jo i will di.
oba i will di nit, sowie de grode bist.
weil grode bist du nit der monn, in den i mi mol verliebt hon.
grode bist du nit de 100% du, de i so lieb und noch den i mi so sehn.
grode bist du a nit de form von dia, de du selba liebst.
moch mia, oba a dia, nix vua.
mei herzl gibt derwegn nit wirklich a ruah,
obwohl du di auffiast oft wie a klana bua.
wast, is mit bledsinn mochn nit irgendwonn gnua?
i will di wieda so wie du mol woast. und i tram nit, i was, doss du wieda so werst.
lei on an ort, do wo de so unglücklich bist, zwischn leit, de da nit guat tuan, werd des nix.
wast e, wo ka regn is, wo werstn donn wochsn?
wenn de ka energie gregst, wo werstn weita kemen?
wast, du kennst e de gesetze vom lebn.
und mir konnst grode a nit vü gebn,
ausa kopfweh.
i bin da ungeduldigste mensch der welt, doch fia di dalern i geduldig zu sein.
lei wie long sollt des no gehn? bis zur pension? wenn schon olls vorbei is.
irgendwie glab i host du den schuss nit kert,
wos wenn des olles donn doch niemols wos werd?
wast, wir lafn onanond vorbei, so solla eigentlich nit sein.
ondre homs so fein& ba dir fallts imma wegn ana klanigkeit.
meine freindinnen rolln de augn über, wenn se dein nomen hern.
& a de mama.. de hot di sia nit so gern.
und alan dieses daham vuastelln.. liegt no so fern.
du wast, i zah erst wen ham, wenn da plotz zwischn seine oame mei daham wert.
und deine oame sein grod so weit weg,
doss i nit mol dronn denkn mecht.
wie oft denn noch: spiele spieln is nit drinn,
benimm di nit ständig wie a kind.
warum konns nit anfoch sein.
oba wast du betitelst dei leben ständig als kompliziert& des hot mi long fasziniat.
jetzt is es eher a „dei ernst“
longsom werst unintressant
(ok des woa leider eher a scherz)
i will di. voll und gonz.
ohne zu zögern, ohne hintazuckn und ohne tausend mol olles zu hintafrogn.
i will ka „später werma des tuan“, sundan i will es glei tuan.
wenn i di hon freind, gibs ka woatn mehr. donn hob i decht long gnuag gwoatet.
auf di. auf uns. auf des zwischn dia und mia.
wie long muas i no woatn?
bis i di offn und ehrlich lieben deaf?