wos i gerne zu Ostern hätte
hi, a klana feiner geschenke-giftguide, der nit nur fia mi selba gedacht is. bin jo ka ego-schwein nit hahah. es sein a nit lei sochn für girls find i. ajo übrigens hob i noch 3 joa blogger-dasein schon a poa geschenksideen gepostet, de i da gsammelt hab. de ideen heit sein nit lei fia ostan, oba se sein holt klan und fein hjo 🙂
ga i woa sogoa so nettig und hob a coole collage gebastelt, damit man grob mol sig, wos so klanigkeitn sein, de i empfehlen tat. so ane posts sein btw IMMA werbung, egal ob unbezahlt oder bezahlt. deshalb erwähn i bei produkten, de i ausgsuacht hab, folls es an code gibt, den code. weil wa jo bled wenn ihr des nit nutzen kenntets. es is a guata mix aus regionalen stuff und eben nit regionalen stuff. vielleicht is jo do wos dabei, wos ihr mol vaschenken wollts :))
do a klane storie von vua 5-6 joa. mei damaliger freind hot ma an mini-reindling gebockn (LIEBE) und dazua no mein lieblings-concealer dazuageton. domols woa jo concealer LEBEN und heite verwend i kaum mehr an und damals woa des so der holy grail ahhaha. und i hab des so aufmerksam gfundn, doss er in mein schminktaschl gschaut hot, welchen i vawend und genau den kaf. und i was no des woa dieser catrice camouflage in 005 und der woa ÜBEROLL ausverkaft und er is in 2-3 dms/bipas grannt. um den zu finden und sowos is so nett. und genau sowos konn man imma bringen: schaugs, wos de person oft verwendet. sei es des parfum, der concealer oder mei favorite is de wimperntusche! anfoch de daily needs ana person weil de verwendest donn doch daily und a back-up zu hobn is imma cool! oba kennts a den augenbrauenstift, handcreme, nachtpflege oda wos a immer nehmen.. MEISTENS kostn de klanigkeiten nit DE welt (außer mir will wer mei chanel foundation le beige in BR12 nochkafn kostet jo lei 50 euro PHAHA). oba do geht es nit um den finanziellen wert, sundan den wert, doss man de person echt kennt. weil i was bei den wenigsten freindinnen ausn stehgreif nit, welche wimperntusch se lieben, oba wenn i es wissen will, check i kurz im bad de lage hahah. :))
bei wurzelstock findet man sowieso sochn und mit laxobu10 gregs ihr auf de bestellung 10 prozent (a im store selber!). also über wos i mi imma gfrein tat, weil i a klane hexe bin: räucherzeig. also mit räuchermischungen mocht man bei gonz vielen menschen nix folsch und sunst holt a geiles aromaöl fian diffuser oda so. do gibs SO VÜ VERSCHIEDENE OLTA! mei favorit is anfoch finnische birke oder der liebeszauber. oba mit so an flaschln hot man nit lei a stickl regionalität verschenkt sundan a wohlbefinden. oba wos a imma geht sein de geilen shampoobars, de den beschenkten donn irgendwie „zwingen“ mol zu probian, wie es ohne flüssiges shampoo is und man merkt schnell: es is geil. vor allem leit de viel reisen wern donkboa sein. wos so a to-go-geschenk fia OLLE is und i hab schon 4 dosn nochgekaft, OBA IMMA WIEDA FLADDATS MA WER: ringlblumensalbe. fia wos? fia pickl. fia a offene lippe. fia an krotza (katzen oda schatzi ahah). fia trockene haut/händ. olles. ringlblumensalbe is fia olles und da klane tegl kostet nit viel und is a klana lifesaver.
die lockstoff-muttis hom grode a neiche kollektion gedropped und bin i ehrlich: a scrunchie oda a hoabandl mocht gonz vielen a große freid!! und es is aus kärnten und i steh zu 200% hinta de produkte. lockstoff-store-produkte im osternestl.. GROSSE LIEBE.
selbstliebe verschenken is schwer. oba man konn werkzeig fia selbstliebe verschenken. und do bin i ehrlich: verschenkts holt mei digitales workbook, wo man 40 tog auf herzlkacke verzichtet und mehr im hier und jetzt lebt. (klane info: ab Ostermontog kostet es donn 9,99 und nerma de 7,77). man kann des pdf kafn und eventuell sunst dazua noch a notizbuach schenkn, wo man donn de daily aufgaben machen kann. mit an kauf davon würdets ihr ma natürlich a a klans ostergeschenk machen, bin i ehrlich ahah ❤️oda ihr checkts mal des „a date mit mir selbst“ aus! viele kennen es fix von tiktok und i lieb es selber sehr (blogpost folgt darüber SOON). oder natürlich des 6-minuten-tagebuch. mit solchen büchern, de nit zum lesen sundan zum lernen sein macht man a nix falsch.
soooo und zum schluss no wos geiles, wos i wirklich heia selber on a poa schenkn werd: des geile liquid hydrator SCHATZI von no cosmetics. i vawend es seit anfang des jahres 2x daily und i mog nerma ohne. es is fia trockene haut, fettige haut, akne, offene stellen OLLES. und es is so a beruhigendes und entspanntes gefühl, wenn man des auftrogt. es is wirklich fia olle do und i find guate freinde schaugn doss freinde schenare haut gregn. des trogt man anfoch jedn tog noch gsichtlwoschn glei auf und LIEBE. vatrauts ma. kane 10 euro hon i bis heit bessa investiat!
on olle de ferien/urlaub hob: genießts es und wir hern uns sowieso am mittwoch hihi 🙂