Ohne eich
ok ok, der blogpost über mei bruderherzl ausn joa 2019 geht bis heite no ob. gewaltig. und i wollt a erwachsene version schreiben. oba bevua i des tua. schreib i a version iba EICH. ❤️
in letzter zeit erreichen mi so oft von menschen, von denen i es als letztes erwoatet hätt, komplimente wegn mein blog/insta. und i wer do wirklich rot und oft bin i sprachlos. (a sprachlose laxo passiat eich echt nit SO oft) i man der boy von snapchat seit 2017, wenn der mi anschreibt anfoch nur um mir zu sogn, wie gern er des olles liest. ehrenmann, du. oda wenn i ba an interview sitz und a mann, 10 joa älter sog „danke, i glab du und dei blog helfn gonz vü ondan leit“. fühlt sich anfoch bisi on wie in an traum.
wos mi on corona echt nervt, i sig eich nerma so oft. 2018-19 seids ma donn doch manchmal bisi angeschwippst um den hals gfolln. i hob eichre nomen nit gekennt, oba ihr mein. und i bin so fasziniert, wie mutig ihr doch sein kennts. i bin a wildfremdes girl oba ihr kennts auf mi zuagehn und sogn, wie dankbar ihr mir seids. oba eichan crush, der eia kirschn untn kennt, kennts nit amol frogn, ob er eich a bisi mogt? jojojojo ihr schatzis. (uuuh des woa pädagogisch wertvoll ha!!!) natürlich is es a weird wenn gut angetrunkene wesen lallend „du bist di laaaaaxobu?“ ruafn. oba anerkennung is anerkennung oda? haha. gestern abend woa so a abend haha. oba wenn a girl am mädelsklo sogt wie toll se mi findet und i soll weita tuan damit, vasprochn girlie!
ohne eich wa aus mein hobby, meiner klanen leidenschoft und der hamwehablenkung laxobu.at nie wos woan, womit i geld vadianen deaf und quasi mein traum heit schon bisi lebn deaf. kennts noch de anfangsphase mit „laxobublog“?? oda de olte domain mit 4000 zeichen laxobublog.wordpress.laxo.at oda so ahahhahaha. damals woan de blogtexte vielleicht no nit gonz kärntnerisch, oba guat woan se imma. obwohl sich anige meiner gedanken geändert haben, is jo guat so.
a bisi fühlt es sich so on, als tat i mitn blog und eich erwochsen(er) wern.
ohne eich hätt i so vü schene gespräche nie gführt. nie so schene gschichtn zum hern greg, manchmal a nit so schene gschichtn, oba imma no wichtige stories. ohne eich hätt i oft nit worte gfundn oda ideen ghabt. es leben is de greste inspiration und de ollagreste seids oba ihr.
mit eich bin i gwochsn. über mi ause. über mein schottn bin i millionen mal schon ghupft. erstes mal in da storie redn, de erstn produkte bewerben oda eich anfoch sogn „habs sex.“ sextalks kostn mi imma no poa nervn, oba es fühlt sich schon supa on. i bin gwochsn. aus ana beziehung ause, de wohl zwenig woa. i bin vom „niemals selbstständig“ zu „nebenberuflich selbstständig“ gejumped und bereu es ka sekunde. i bin vom traum a buach ausazubringen lei mehr minischritte entfernt. minischritte. und i zitter jetzt schon. (und morgen kimmt a a cooles projekt online, dazua kimt oba am mittwoch a blogpost donn. oba schaugs sunst gern auf insta vorbei!)
ohne eich tat i fix nit so vü blean. freudentränen. und grinsen. dieses „ma i find di so sias und toll“-grinsen. wie oft i aufloch, wenn i aufs handy schaug und ihr ma schreibs „HE DU SCHAUST IN MEIN KOPF EINE? GENAU DES DENK I MA GROD. DER TEXT PASST GENAU IN MEI LEBEN!“. wie oft i kuttan muas, wenn ihr ma funny stories dazelts oda wie oft i grant in mein bauchi gspia, wenn eich jemand unguat tuat. wie oft denk i ma „i feel u“, wenn ihr von trennungen redets oda gschichten, de i selba ma durchlebt hab. i sogs eich, wenn i kennt: i tat fia eich zu jedn menschen ham foan und der person mei meinung geign. i tat fia eich eian crush onredn, i tat de briafe fertig schreiben, ettiketian und vaschickn. i tat fia eich den onruaf tätigen, i tat fia eich um de welt foan. olles, fost olles, tat i fia eich tuan. i konn nit amol mit eich olln zomm wos trinkn, oba i konn eich imma a bisi von mein mut obgebn. ihr hobs genauso a löwenherzln. ajo über des hob i e schon mal gschrieben.
ohne eich hätt i oba a ihr nit gmerkt: wir sein echt nie alan. niemals. weil wenn i liebeskumma hob, hot mindestens a ondre person a zum kämpfen. manche suagn in mein kepfln fliagn a in den kepfln von ondan uma. frauenprobleme, de man mit 18 hot, kennen a mit 26 oda 43 noch do sein. man muas lei wissn: man is nit alan. und mir kimt schon vua, de community de hinta laxobu steht is a ehrliche, liaba und zommholtende gang. ihr seids mei gang, ob ihr wollts oda nit. ihr seids de leit, auf de i baun konn und de mi onschupfn, wenn i hintrisch mi zupfn will. und i bin nit beleidigt driba.
ohne eich kennt i den traum oft nit lebn. ohne eich wa zum beispiel nie so a gstörte kooperationsanfrage von an sextoy-anbieter kemen. i man, kinder!!! wie geil isn des?? und i will ma nit mal ausmalen, wos no olles kemen wird. weil es wird lei noch bessa und wilder. und i wer ka sekunde weniger dankbar dafia sein. damit des kloa is. i woa imma schon donkboa und wer nit vergessen, warum i heit do stehen darf wo i steh. wegen eich. weil ihr mein shit lests, feierts und teilts. kloa trog i selba an riesigen teil dazua bei, oba ohne eich und de treue, wa des a nit vü.
i kennt fia mi alan schreiben, oba hob imma gsog: sobold i lei a herzl damit berühren konn, reicht ma des. dabei berühr i wohl viel mehr herzln. und von gonz vü was i des goa nit. muas i oba a nit. umso mehr gfreits mi, wenn ma wer sog, doss meine worte gholfn hom. do merk i wieda „larissa, wir sein am richtigen weg.“ und des gefühl, jemanden zu helfen und mit seinen worten, de mir jo selba a wos bringen, ondan wos guates zu tuan: is unbeschreiblich. ihr >>>>> de welt.
ohne eich wa, vor ollem 2021, goa nit so schen gwesn. weil ihr ma donn doch imma wieda mut zusprechts, ohne es zu wissn. ihr gebs ma so vü hinta& deshalb gib i a so gern. andre „influencer“ oda sinnfluencer werden oft lei supportet in dem se mit hate und neid überschüttet werden. und i hab da wirklich mei gang hinta mir, de des wos i moch wirklich feiern. und nit lei nett und sias findn, sundan richtig guat. und a wenn i mi manchmal alan fühl oda sogoa einsam, i was auf da ondan seitn vom handy sitzen mehr als lei a mensch, der mi supportet. der on mi glabt, wenn i es kurz nit selba tua. der mehr in mia sig, als i es monchmol tua. dem mei anwesenheit wichtig is.
ohne eich hätt i gewisse serien, liada, gerichte oda ondre profile nie gfundn. und dieser support tuat anfoch lei guat.
ohne eich wa i nit de larissa de i heite bin. gonz kloa. weil jo a wenn i a mutiges, selbstbewusstes mausi bin, i struggle a oft. und genau in solchen phasen nimmt mi irgendwer von eich on da hond und sog ma wos, wos i wirklich hern muas.und oft ergeben sich de irrsten geschichten und abenteuer dank dem blog/insta. i woat anfoch schon auf de erste hochzeitseinladung, weil wer auf mei empfehlung hin mol wem de liebe gestanden hot oda so haahhaha. i schreib gern a rede fia de hochzeit, ka thema nit!!!!
ohne eich wan anige freindschoftn fias leben oda a lei fia a kurze zeit entstondn. weil follower*innen kennen a freinde wern.
ohne eich und eichan grenzenlosen support hättn nit oll de leit, de imma mehr und mehr wern, mi & mei profil & mein blog gfundn.
auf olles wos noch kimmt. danke ❤️
danke fia de gonzen kommentare, nachrichten, likes.
danke fia de monatliche unterstützung via patreon.
danke fia de geschenke, liebesbriaflen und a de an oda zwa getränke, de ihr ma schon gezahlt habs.
danke, doss ihr on mi glabs.
danke, doss ihr ma vatrauts.
danke, doss ihr a fia mehr realtität auf insta seids.
passend zu oll der dankbarkeit is a gewinnspiel a online gongen. vü glick, kiddos!