schoaf sein? Deaf Frau!

TW: vorsichtshalber triggerwarnung für sexuelle übergriffe/missbrauch.
es leben schreibt de gschichten. und de sextalk schreibt de laxo. heit solls mal drum gehen, doss sex holt wirklich a wunsch-thema is und ka „wir tuans, weil ma es tuan muas“- soche. is wieder aufklärung, unterhaltung und ehrlichkeit pur.

eventuell, der kurzen nacht geschuldet, werd der blogpost bisi chaotisch, oba i kim schon irgendwie zum punkt. so wie ihr hoffentlich olle zu an orgasmus kems, wenn des spaß mit den bettbegleitungen habs. nochmal a reminder: im bett deaf olles, muss aba a nix. und des is ok so. solosex is geil, zu zweit kann man gaude ham und je mehr, desto fetziger (stell i ma holt vor). oba deine bedürfnisse und de vom gegenüber kern auf a woog gstellt. und a na gewinnt. und i mecht holt schon wos wichtiges heit onredn. oba zerst:

Sex is holt a feichtfröhliche Ongelegenheit. De Trockenheit loss ma unsan Humor übrig. des hab i schon ba an andern sextalk besprochn. und wenn frau nit feicht werd, gibt es verschiedene gründe. und de kern verschieden geregelt.

1. lust is do, oba es is anfoch no nit ready do unten. is jo a ka dyson air wrap, der innerhalb von sekunden startklar is. is eher so des glätteisen, des poa minuten zum woam wern braucht. und wenn des stromkabl defekt is, brauchts no länger und wenn de energie de do gschickt werd, a nit so fetzt, braucht man no länger. zeitlimit? des gibs im bett nit. sie muss a nit glei feicht sein, wenns los geht und sie muas do kan wettbewerb hinlegn und den wettbewerb gibs jo sowieso nit.
2. aus verschiedenen dingen kann es a zu ana vaginalen trockenheit kemen. is a nix zum schomen, kids. oba mit da frauenärztin (arzt) kert driba gredet. es kann de verhütung schuld sein, oda a hormone oder a entzündungen oda es wird zu krass unten umageputzt. NEIN dei yoni verlang nit nach an erdbeer-duschschaum und drei mal täglichen waschen. de klärt sich ihr teratorium gern selber.
3. sie hot ka lust, kimt nit in stimmung und will nit.

zu welchem der drei fälle passt nit de antwort „gleitgel oda spucke is eicha bestfriends?“ 
Genau zur drittn!!!!! 

i bin a frau. i woa von 14 bis 20 auf hormone, pillenhormonbombe woa mei spitzname teilweise. i hab guate und schlechte sexuelle erfahrungen sammeln diafn. olles wos i jetzt sog, is mei meinung, noch lange nit de wahrheit oba:

i hab mir geschworen, nur noch dann sex zu haben, wenn mei geist und mei körper des wirklich wollen. 

i hoss jo geschlechterrollen & klischees sehr. bei mir darf a mann kochn, a frau deaf mehr vadianen und omg i finds schon nice, wenn er sich die „i bin a monn-“ aussogn spoat.

seids ehrlich, wie oft habs von an mann schon ghert: boa bin i heit spitz/schoaf/geil? und wie oft von ana frau?

und wenns a frau gsagt hat, woa do der bittere nachgeschmack nach „is de olte billig..“? warum is a frau mit offener sexualität billig, aber ba an mann is es normal? mir kimms a bisi so vor, als wäre es den weiblichem geschlecht (und allen weiblich gelesenen menschen anfoch) nit erlaubt, ihre sexuellen wünsche/träume zu äußern. weil i hab bis vor kurzem nie von freindinnen aktiv ghert: „bin heit so bockig.“ „Gfrei mi wenn mei freind hamkimt, donn werma den mol ordentlich vernaschen“ oda „mei mann schaug imma drauf, doss i guat kimm!“. und i was jo nit, i konn do nit alan sein.

es is irgendwie schon a trauriges spiel. sie foat zu ihm und überlegt schon den bh glei goa nit onzuziagn, weil er innerhalb von 4 minuten sowieso fliagn werd. sie sitzn in sein zimmer, redn so smalltalk. nach a paar minuten rutscht er her, steckt in de zunge in hols und mocht olles, a nochn 8. mol noch zu mechanisch, zu wenig leidenschaftlich. drei minutn wird gschmust, schon wondat sei hond zum gürtl und auf de maus und es is imma es gleiche: kurz untn checkn (no trockn) donn bisi ba sein schwanzi streichln und er bildet sich ein, des is vorspiel genug. sie, noch ka bisi aufgewärmt oda erregt, muas sich auf de lippn beißn. daweil tuat er schon es gummi aufreißn. und naja.. der 5-minuten akt kimt ohne erklärung aus. und danach liegn se zu zweit im bett. obwohl sie sich nit erfüllt, guat, befriedigt oda so fühlt. diese leere. de spian vü zvü leit. weil sex olls is, außa so a traurige routine rein zum vergüngen des mannes. 

achtung TW. i will hier nit vergewaltigungen und sexuelle übergriffe verharmlosen, i will a de anderen varianten davon aufzagen. weil es leider schon genug menschen gibt, die solche dinge erfahren haben.

ohne eich zu persönlich treffen zu wollen: hast du schon mal sex ghabt, ohne es wirklich zu wollen? weil es anfoch a TO DO is? weil man, wenn man mitn partner schmust und er da in den schritt greift a automatische handlung, woan is mitanonda zu schlofn. ohne wirklich es verlangen zu haben?

i sog ehrlich, jo hob i. weil i a in meiner jugendzeit gedacht hab, sex kert anfoch dazua. des is a pärchen ding, pärchen de kan sex ham sein unglücklich. dabei sein pärchen de schlechtn sex haben no unglücklicher, weil se des aus routine nit aus lust tuan. oben des beispiel, nit lei i erkenn mi in der situation wieder, oda? und deshalb sei eich gsog:

schlofts mit menschen aus reiner lust und leidenschaft. wenn ihr de nit aufbrings, seids a eigentlich nit bereit für sex mit der person. und des tuat vielleicht weh, oba es tuat eichra seele mehr weh, eich zu zwingen, als de person zu korben. würde de person eich wirklich schätzen, würd de person a verständnis aufbringen.

ba der aussage „i hab ka lust!“ was i doss viele menschen auszucken, grantig sein oda spinnen. DE HABEN DAFIA OBA KAN GRUND. du host mir nit zu sogen, wonn und wie i sex haben will. des entscheid imma no i. und wenn du mi den ganzen tag wie dreck behandelst, will i nit unta dir liegen und dei gestöhne anhern. und wenn sex imma nur 4 minuten mit spritzen auf dem bauch bedeutet, will sie es anfoch nerma! und nur weil du bockig bist, oba di nit um de person scherst, werd de person a nit schoaf wern. bitte nehms eich da wie immer wichtiger als de ondre person. jemand der eich dazua zwingen muss, will, is nit de richtige person fia eich: PUNKT AUS. dafia muas i de menschen nit kennen. und übrigens:
wenn ihr handlungen ana person vor anderen rechtfertigen miasts, tuats ihr des nit fia eich sundan fia de person. und de person hot des gonz sia nit verdient, doss ihr se do ausadaredets.

Es is a sehr komplexes thema und i bitt eich, professionelle hilfe zu suachn, wenn des nerma alan weiterkems. anbei a link mit den passenden kontaktdaten. wie immer gilt: ihr kennts ma imma schreiben und i versuach mit eich a hilfe zu suachn. natürlich is es no besser, wenn ihr familie/freunde habs, de eich helfen. aber wenn ihr niemanden habs oda des liaba anonym online machts- schreibs ma. des is a selbstverständlichkeit. 

so jetzt leg ma pussy power von da katja eine und sein ehrlich: frau darf genauso schoaf auf sex sein und es sogn, wie a mann! sexuelle lust kennt ka geschlecht!!

jetzt no wos zum thema weiblicher lust: a frauen diafn schoaf sein und richtig bockig auf sex sein. und es is schon a ehre für mann, wenn ihr auf an typen treffts und eicha hesl von alan bis zu de knia wondats wenn ihr ihn segs. und es macht halt so vü mehr spaß, wenn ihr genauso ready seids wie de ondre bettbelegschaft. und ihr diafts dazua a stehen. es macht natürlich menschen schon irgendwie erregter, wenn se wissn, doss se jemand guat findet. und deshalb kennts ihr eichan gspusi, partner, menschen des vertrauens what ever a sogn: he du bin richtig spitz und jo du bist da grund. und sogs doch a gern mehr zu den objekten eurer begierde, doss se hot und schoaf sein. doss se a katzele sein und doss ihr gern hättets, doss se des und des bei oda mit eich tuan. kommunikation is imma no da schlissl und wenn der schlissl de tia ORGASMUS aufsperrt: perfekt.

letztens in an tiktok ghert, wie a typ sogt: es is so schen a frau zum orgasmus begleiten zu diafn. DES IS ANFOCH MEI NEICHA LIEBLINGSAUSDRUCK. es gibt nix schenares, als jemanden, der de ondre person gern zum höhepunkt bringt und damit genauso a gaude und erregung verspiat. sex is imma no a teamplay, kann natürlich a a solo-partie sein, oba wenn mehr als a person dazua kert, miasn a mehr als a person glücklich gmocht wern.

und i wer imma no bisi schief angschaut, wenn i über meine sexuellen wünsche red. de i natürlich online nit teil, oba eben mit freund*innen. und wenn i schon her, doss i mutig bin, weil i mein gspusi sog, doss er a katzl is. denk i ma? „Is des mutig oda is es traurig, doss andre männer nie hern, doss se ana frau gfolln??“ i versteh nit, wieso man all de sexuellen trieben den männern zuaschreibt, oba frauen wegnimmt. sie darf sogn: „freind, hab heit bock, doss du an schenkltaucha mochst ba mir!“ sie darf ihra partnerin es sextoy in de hond druckn und sogn „so tuast du bitte, maus“. sie darf a genau wie jeda ondre mensch sogn „i hätt gern mit der person sex und will danach ka beziehung.“ weil des is jo a lei so a männer-thema ANGEBLICH. unsa gesellschaft is wohl oft so komisch. und es macht des alles schwerer.

also wos i eich mitgeben will:

1. habs bitte nur sex, wenn ihr wirklich lusts habs. und wenn du zB minderjährig bist und blasen grausig findest und beim blogpost schwitzige hände gregst: bitte, entkum dem gesellschaftlichen druck ES tuan zu miasn. dei zeit kimmt no. weil a aussage unterschreib i: sex werd mitn olta imma bessa und bessa. weil wenn man sich selber kennt, gehts anfoch bessa.
2. sex is ka routine einer beziehung. sex is reine lust, leidenschaft und gaude pur. wenn du des nit aufdabringst, de lust, mit dein partner zu schlafen, tuas a nit.
3. her bisi mehr auf dein sexuellen trieb: wos willst du? nach was hast du a verlangen? äußer de wünsche, ängste, ideen mit deinem partner (egal welche form von partner). und de person hat respekt dir gegenüber zu bringen. es is a für a frau, sehr wichtig, ihre sexuellen wünsche zu äußern und es a zu gregn.
4. mochts mehr komplimente. a vorm sex. a zu männern.

und vergessts ma nit aufs gscheide verhüten und aufs klo gehn danoch, blasenentzündungen lieben wir nit. dafia menschn, de auf uns guat schaugn und mit denen wir gern gaude haben. bei fragen, slidets ruhig in meine dms. es wird alles anonym beantwortet, i will anfoch, doss unsere generationen nach den generationen des schweigens und nit aufklärens anfoch de chance haben, mit senra sexualität offen und respektvoll umzugehen. liebe is liebe. BUSSIS!