manifestia ma

2.2.22. also wenn des datum nit magisch is, was i nit. und donn kimmt no da 22.2.22 und wer de energie nit nutzt, den kann man a nerma helfen he. i hab schon mal 2019 was über es universum gschrieben und werd heit noch mal genauer ins detail gehen und a poa geile stories dazelen. und hiiiii: wenn du nit drann glabst und manst des is bullshit, gerne: mir is des recht egal, wos du mit dein leben onfongst :)) i teil gern sochn, de sinn fia mi hom, deshalb bin i a sinnfluencerin HAHHA. und des is da grund, warum i offen und ehrlich sog: i telefonia mitn universum und greg olles, wos i will. Zack.

am ende gibs a buchtipps, de i eich ans herzl leg, weil i konn echt nit in an blogpost olles eineklatschn, wo ondre 400 seitn schreiben. auf alle fälle: nur telefonian und redn reicht nit. prinzipiell is es leicht erklärt: du willst was. du sagst es. du spürst/vibest es. du visualisierst es. du tuast wos dafia (GONZ WICHTIG) und donn host es schon 🙂 

beispiel? gonz anfoch: du willst an parkplatz und GSPIAST, doss du ihn gregst. und du sigst a parkluckn fua dia oda sigst, wie du schon ausn auto aussteigst und fertisch. 

i hau jetzt mol poa beispiele ausa ok? de eich so zagn, wos olles möglich is. spoiler: olles is möglich.

letztens steig i bei an kunden aus und denk ma „i greg bald endlich mal bluamen gschenkt.“ und kimt a halbe stund später mit an bluamen strauß hinta.

• a freindin hat mit ihrem ex seit 2 joa kan kontakt mehr und hot ma dazelt, doss se imma wieda an ihn denkt und sich endlich traut, vom universum sich zu wünschen, doss er sich meldet. UND ER HAT SICH AM TAG DANACH GEMELDET. ob sie gebleat hot vualauta freid? JO. ob i gebleat hob vualauta freid? JO.sie hat ihn dann gfragt, warum er sich wieda meldet und er hat echt gsag „du i was nit, es is ma auf amal eingeschossen“ ach zufall 🙂
  
  
• i spiel so gern mitn universum und wünsch ma echt oft so weirde klanigkeiten wie zB an menschen aus meiner vergangenheit wieda zu segn. und zack bum steht hinta mir anfoch jemand, den i seit ewigkeiten nerma gsegn hab ooooooba der so schen zum onschaugn is. Hot mi glott gfreit :)) und i wünsch ma eigentlich jedn monat amal a klane überraschung und dann liegt auf amal a packl vua da tia oda es flattert a liebesbriaf eine oda von irgendwo kimt geld zu mir. 
  
  
• seit dem i klan bin wollt i a LV-tasche haben. und woa i ma zgeizig? JO. hab dann aber als ziel ghabt, fia de zu sparen. hab des geld zamm ghabt und hab eigentlich gwoatet, bis i mal nach Salzi kum oda Wien, um se ma zu kafn. dann hab i an termin ghabt im november, wonn i nach wien kemen wa und woa holt schon geistig im store drinnen. hätt aber noch nit gwusst, welches Modell. und dann kam de verschiebung vom termin und i woa so „ok de Tasche kann warten. i kann warten. alles gut.“ und am tag, wo i wien gfoan wa, sig i in ana storie von ana influencerin, doss sie ihr gebrauchte, nie verwendete LV vakaft. und i sig des und denk ma „fuuuuh ka preis dabei, fix so teuer, des modell is sei monaten ausverkaft.“ und schreib se on. sie sogt an preis wo i so gegrinst hab, hab noch am gleichen tag gezahlt und zwa tag später mei tasche in da hand ghabt. 

aber i greg nit olles in mein zuckasiasn popo gschobn, na. i tua a SEHR VIEL dafia. a großes ziel, wos ihr alle wissts, is a buach ausa bringen. hot ma des universum den wunsch anfoch erfüllt? nö. i hab des buach selba schreibn miasn, selbstständigkeit anmelden miasn und selba a startkapital verdienen miasn. hab i alles gmacht& jetzt bin i ready :))

wenn du die große liebe manifestian willst, musst du dennoch irgendwie der person de tia aufmachen. oda hintaschreiben. wir ham driba schon gredet.

wie du am bestn onfongst? also mei erster tipp imma: ratsch mitn universum. beim autofoan oda daham im bett mit ana kerzn. anfoch bei kamota musik dazelst en universum wofia du dankbar bist und was du willst. und dann nachdem gespräch, wos sich oft voll energie geladen anfühlt, schreibst es auf. oba nit so: I will gern, doss mi der bua onschreiben werd. du musst es in GEGENWART schreiben oda als wa es schon passiat: Da X hat mir gschrieben.

und olta i dapack es nit, wenn leit sogn manifestian bringt nix und donn kemen se mit: i greg den job. und dann? zweifeln sie. ohne ende. sogn drei mal laut „i greg den job nit!“ „des werd nix!“ äh hallo? Du telefoniast mitn universum, sogst wos du willst und sagst DANN du willst es nit oda es klappt nit? wie soll des gehen, wenn du so a verwirrter komplexhaufn bist? 😀 nimsm ma nit bes, oba du kannst a nit a zalando packl gregn, des du bestellst und donn wieder stornierst. verstehst du?

negative gedanken beim manifestian sein de tintnkiller der füllfeder.

auf alle fälle is heit zum beispiel gonz a mächtige energie unterwegs und heite is so a tag, da kannst du ALLES manifestian. Do gibs kane grenzen und je weiter du denkst, desto geiler.

i manifestia eigentlich jedn monat klane ziele, hab a vision board mit großen zielen und wenns holt past kimt no wos. ganz große wünsche manifestia i nach der 555 methode: i schreib ma 5 tog long 55 mal den wunsch auf. und hjooooo i deaf es imma no nit verratn, aber dann im frühjahr: i hab was ganz schen mächtiges erreicht :)) und des hab i ma SO gwunschn, doss i es wirklich so manifestiat hab, dass i, als es mail kemen is, des so glesn hab, wie i es in mein kepfln e schon gsegn hab und im herzln gspiat hab.

also: mach da a liste und schreib echt des auf was du willst. und wenn du lei amal was klanes willst, fang damit an. gewisse dinge brauchen lange, manche weniger lang. aber i hab schon gmerkt, oft unterschätzt man sich und seine ziele sehr. i wollt für februar mindestens 5 rechnungen schreiben diafn und guess what, heit is da 2.2 und i hab im februar schon de 3. rechnung gschrieben. also noch 2 und da monat is oba erst in den startlöchern.

i hab dem universum gsagt, i will bis ende jänner 4 tausend follower*innen und es woan über 4,1. i wollt am blog a gewisse leseranzahl und de is verdoppelt gwesn… I BIN SO DANKBAR.

anfoch wünschen, visualisian, viben und gonz wichtig: DANKBAR sein. fia olles. und nit sogn „manifestian bringt nix“ wenn du wos nit glei gregst. wenn du da a überraschung gwunschn hast und de kollegin, de sunst imma depat zu dir is, sogt amol nix: is des erfüllt.wenn du da a bussi gwunschn hast und du gregst vom taufkind a bussl auf de wongen: is es erfüllt. wenn du a finanzielle überraschung wolltest und du zwanzig cent aufn bodn findest, is es erfüllt. Man muas echt olles schätzen und segn. wissts e wer den cent nit ehrt, is den euro nit wert. wer de klanen sochn nit sig, hots große glick a nit in sicht 😉

deshalb: wenn du wos WIRKLICH VON HERZEN willst, wünsch es da. etwas, wo du nit genau wast, ob du des willst oda nit: gregst du a nit. BTW sogt des universum nit „na.“ zu dir. wenn du mal an job willst und a absage gregst, is des ka na vom universum. des is a „du bekommst was besseres“ „des wär nit es richtige für di“ „des is nit dei wirklicher wunsch“. es universum is da manchmal de große schwester, de i für mei klane schwester bin, de ihr glei goa nit den tequila in de hand gedruckt hat, weil se was, des tuat ihr nit guat.

BITTE AUFPASSN WOS MAN SICH WÜNSCHT. i wollt amol vom Herrn C a bussi und hab von an anderen Herrn mitn selben vornamen a bussi greg. am gleichen abend, an dem Ort wo i es ma gwunschn hab. und i bin dann da gstanden mit „universum, vaoascht du mi?“ und dann is ma kloa woan „i muss genauer wünschen.“

und hjo: wollt mal a finanzielle überraschung und BAM strafzettl in salzburg kostn überraschend und schockierenderweise mehr :)) deshalb a POSITIVE finanzielle überraschung und ZACK hat de versicherung a rechnung zur gänze gezahlt und ZACK hab i nach ana reklamation a gratis produkt UND es geld retour greg und hjooooo 🙂

ganz wichtig: wünsch da nur guate sochn, ehrlich. weil … amal hab i ma gwunschn, dass a lehrerin nit zum unterricht kimt. de maus hot sich den fuaß verstaucht. ääääh hjo. des is echt no glimpflicht ausgongen. deshalb: verhext nie den expartner (hab i a schon gmacht und omg er woa so wütend auf mi und i donn a auf mi, weil es so unguat woa.) weil karma haut eich ane eine und zwoa GEWALTIG. und deshalb. nur wos positives schenes FIA EICH wünschen.Übrigens: ihr kennts eich nix fia an ondan menschen wünschen.

natüüüüürlich kennts eich in den kopf von jemanden wünschen, oba des is a wieda fia eich. soll i den zaubertrick eigentlich a mol dazelen? i was nit, de hexenkraft de i beherrsch is schon oft selbst fia mi gespenstisch 😀 auf alle fälle kannst du nit manifestian, doss dei freindin mit ihrn boy endlich zamm kimt. des muss schon sie. bleib bei dir selba. in dein leben bei dir. SO GNUAG GEQUATSCHT!!!

sooo noch de buchempfehlungen ohne große erklärung, a review mach i mal gesammelt in de nächsten wochen (Thahahah ihr kennts mi, 2025 oda so hihi)

Carmen Kroll- Mein Kopf, ein Universum
The secret- DES BESTE BUACH EVER
Make it happen (lies es grad auf englisch, hier auf deutsch verlinkt) LIEB ES
Bestellungen beim Universum (a klassiker, taug ma oba selber nur bedingt, is nit mei vibe)
Danke liebes Universum (perfekt für Einsteiger*innen)