Mei Gewicht nit deins

Mei Gewicht nit deins

27. Dezember 2021 0 Von Laxobu

TW: Essstörung, Über- und Untergewicht. Generell is des a heikles thema, aber i merk imma wieda diesen toxischen vibe in gesprächen zwischen verschiedensten menschen. Muas des olls sein?

Wer hat schon mal ghert: „Ma du muast schon a bisi aufpassen beim essen!“ oder „De Person X muas schon a bisi aufpassen beim essen!“ HANDS UP 🙋🏼 wer jetzt nit de hond in da luft hot: WHO ARE U?

Es gibt so alltägliche aussagen, de voller toxischer kacke strotzn. vor allem zu weihnachten greg man viel zu hern, oba a oft sog man selber wos relativ ungewollt und der beitrag soll dazua dienen, a bisi zu überlegen, wos man liaba nit sogn sollt.

Schon amol ghert: „Iss amol wos, du bohnenstange! Auf dir is nix oben.“ „Ma so dünn wie du wa i a gern!“ soll de person jetzt in null komma null sekunden anfoch mol gnuag kilos oben hom, damit du dei klappe holtest??? und so komisch, doss man automatisch onnimmt doss dünne leit weniger essn und festare mehr? und neidig auf wen zu sein is holt imma so a sache. des hot olles mit an selba zu tuan.

es is gonz gonz gonz gfährlich, menschen zu applaudian/gratulian, doss se obgnommen hom. weil des muas nit zwingend POSITIV sein. nach ana scheidung/trennung, wo man obviously bessas zu tuan hot, als auf de vorgschriebene kalorienanzahl zu kemen, hot man ondre dinge im kopf als sei gewicht. do will man a nit hern „ma guat schaust aus!“ aka „geil a scheidung bringt da 10 kilo weniger?? mega!!“ oda wos, wenn de person a schware krankheit hat- bist du dann neidig darauf? weil se jo obgnommen hot? also vorsichtig sein mit solchen „komplimenten.“ beispiel aus 2021: sängerin adele nach ihrer scheidung. klatschblattln FEIERN ihr figur, i man- wos soll des???? dass so ane zeitungen mehr als problematisch sein, mias ma e nit diskutian..

spoiler: nur weil du dei übergewicht störend findest, muast nit glab, doss ondre leit de in deinen augen „fest“ sein, genauso a problem damit hom. wos wenn de sich im gegenteil zu dir selber anfoch akzeptian? 

let’s talk about boys: „Männer brauchen muskeln.“ „du lauch!“ „hättest maura glernt!“  jo komplett witzig dieses shaming. weil natürlich a olle frauen den perfekten runden popo ham 😉 na ohne witz: an mann macht nit sei sixpack aus oda da umfong von sein bizeps. mias ma jo zuagebn, doss a fitboy nit glei a orgasmus-besorger is. und woher soll er glei seine muskeln zaubern?? amol schnippsen?? i man?

an spruch den i eich so oft eineklatsch: wenn ihr etwas anredets, wos man nit in 5 minuten ändern konn, reds nit on. und des is beim thema GEWICHT anfoch imma da fall, doss es nit in 5 minuten zum ändern is also KLAPPE HALTEN BITTE.

ach boomer witze gibs a gnuag wie zum beispiel. „i gib da gern wos von mein speck ab!“ äh jo? und donn wundan doss 8-jährige girls bereits mit da schere probian den bauch aufschneiden, weil es senen anfoch vorgelebt wird? denkts amol a bisi noch? naaaa: LOL AUS MEIN WINTASPECK SEIN FRÜHLINGSROLLEN WOAN HAHAHAHHAHA.
JO MARIA DU BIST JO SO A KASPALE I LOCH MI KAPUTT!!! NIT!!!!!

 

an alle de strugglen: DEI KÖRPER IS ANFOCH DEI KÖRPER. niemand konn di zwingen ihn zu lieben, oba zum akzeptian hast ihn hoffentlich irgendwann. es is am ende lei a körper. weil dei charakter mehr bedeutet, mehr zum sogn hot. weil dei unreine haut werd nit entscheidn, ob de grosse liebe bleibt oda nit. des is dei oat & natürlich der vibe zwischn eich. wennst a lästige kretzn bist, wern di de gmachten tepf nit kamota machen. schönheitsops sein, wenn se jemanden wirklich helfen, a voll okay. oba holt DEI entscheidung & nit de vom freind oda wem a imma. dei gwicht kert kan ondan- also hot a kana wos zu melden (aussa es is gesundheitlich bedingt bitte dann herts auf ärtzinnen & ärzte!)

dei gewicht bestimmt nit dei glück. versteh des. & jeder der über dei gwicht redet, hot selba ka glück& suachts zwischen sinnlosen sprüchen.

fost kana sogt uns, WIE OFT sich unsa körper eigentlich ändert im olta. i hab gmant mei 16-jähriger body wird bleiben. LOL werd mal 20& sig, doss

& cellulite? rock i seitdem i 13 bin MIT ELEGANZ. hätt schon mol a monn neben mir gsog, doss es grausig is? na, weil sunst wa er a nit neben mir 😉

seids ruhig so mutig& mochts JEDN de tia auf, der depat werd. a müttern, „freundinnen“ oder wen a imma: eicha körper, eicha leben. & niemand braucht eich wos eine quatschn.

BUSSIS IHR TOLLEN WESEN- hier a zweiter text über den körper

ps: kurze eigenwerbung. wer bis 31. 12 wos bei meine postkartln bestellt, greg an liebesbrief gratis dazua von mir!!!! 🙂 tat mi gfrein, no a poa schreiben zu diafn.