Wir redn nit drüber
Wir redn über so viel, sooooo viel. So viel wos uns nit ongeht, so viel wo ma nit dabei woan oba über etwas red ma nit drüber: sex.
partner is bitte immer auf jedes geschlecht, jeden mensch bezogen. und wos i sogn will: es geht niemanden was an, wie oft ihr sex habs und wie es so im schlafzimmer laft. i will über dinge redn, de oft verschwiegen wern oda man glabt „des is normal.“
Wir reden nit drüber, doss menschen unta uns oft lei sexs ham, weils da partner will. weil man des der person „schuldet“, so wirds uns suggieriert. wir haben sex, wenn man in ana beziehung is und wenn man den sex nit liefert und de person den wo ondas holt, is es unser mitschuld. dabei sollt sex nur dann passieren, wenn er von allen beteiligten gewollt wird. und ja: a frauen haben bock auf sex und oft sagt a männliches wesn na danke. herts bitte auf, olle in a kistn zu schmeißn: „aaaah typisch weib, schon wieda kopfweh, willst kan sex jaja.“ jo Mäx, weil bei dem miesen sex, den du lieferst, wird nie a frau kemen und des is holt a nit geil!!!
Wir redn nit drüber, doss viele angst vorm ersten mal ham und es „anfoch schnell hintasichbringen“. do bricht mei herzl, ehrlich. wie oft mi de frog schon erreicht hot: Wos tua i wenn i angst vorm ersten mal hab? ES NIT TUAN. vatrauts ma und jo i wünscht ma mei damaliges ich hätt des lei 1-2 mol ghert: wenn du bereit fian sex bist, is ka ongst mehr do. reine neugierde und aufregung. wer angst vor sex hat, is schlicht und weg noch nit bereit dafia. und dafia gibt es a ka goldenes alter.
Wir reden nit drüber, doss es miesen sex gibt. JA DEN GIBT ES. und zwar oft und kein einziger schlechter sex sollte a trennungsgrund sein. es is normal, wenns amol nit flutscht, wenns amol nit so funktioniert oda da kopf sich nicht konzentrian will. es is normal. und wenns 4-5 mol hintranonda is, is es ok. donn redet man holt amol, onstott umazuspinnen. oh gott, lisa, sog ihm doch anfoch, doss du nit feicht wirst, wenn er in dir UMASTOCHERT. klartext redn: wos willst du, was will de person, wie greg man des hin.
Wir redn nit drüber, doss kaum a frau an orgasmus hot. olle, de orgasmen faken, um den bettpartner zu beruhigen: stop it. du bist wichtiger wie jede ondre person, deshalb liag di selba a nit on. man muas sich nit einredn, doss man des anfoch nit konn und des OK is. „hauptsach der mann wird fertig“ is BULLSHIT. a weiblicher orgasmus ziag den KOMPLETTEN raum in den bann. und i sag wie s is (i bin sowieso immer ehrlich): a richtiger partner im bett, dem taugt dei orgasmus fost mehr wie sei eigena!! und deshalb: probiats on eich selba uma, verwendets liebeskugeln und lests „coming soon!“ und redets gern mit ondan ungeniert drüber, ihr sads nit de anzign de sich schwer tuan. und zur beruhigung: in filmen/büchern kemen alle immer glei, gleichzeitig und 15 mal: fake. alles nur fake. zusammen kemen is a könig*innendisziplin.
Wir redn nit drüber, doss im bett nix grausig is. i greg ganslhaut, wenn ma wer dazelt, doss man kan sex während der periode hot WEIL sich der partner graust. wenn man sag man will des selber als frau nit, weil es weh tuat: OK I VASTEH. oba nur des nit zu haben, weil es peinlich, grausig oda „a sauerei“ is…. bullshit. hama nit in bio glernt, dass a frau nit 24/7 durchbluatet? und ganz ehrlich, verwendet man halt a hondtuach oda geht glei in de dusch (aufpassn, rutschgefahr). aber i würd mi NIE IM LEBEN von an menschen angreifen lassen, der ma sog i bin grausig, weil i meine tage hab, wos sehr viele frauen haben und nix dafür können. bitte, des leg i eich ons herzl: schickts de leit. und mia kimt es speibn, wenn i her „geil, ihre tage sein meine blowjob-tage.“ NEIN SAMUEL NEIN.
Wir redn nit drüber, doss schmerzen beim sex a zeichen sein. und des is ka übung de du „ausholtn“ muast. na. gleitgel is ka schond und wenns da so fest weh tuat, doss es da kan spaß mehr macht, hert man auf. ohne spinnen. ohne begründung und ohne a entschuldigung. und wer fest weh hat, soll a gern ärzte aufsuchen und nit glabn „kert dazua.“
Wir redn nit drüber, doss viele partner angst vor sextoys haben. also di angst, doss se ersetzt werden. was a bullshit is, weil ka sextoy der welt kann so guat stöhnen, streicheln, schmusn und schwitzen. es is doch anfoch nur a zusatz, so de kirsche auf da sahnetorte (ok de mog kana) oda bessa gsog de prise salz in der heißn schokolade (PROBIATS DES AUS OMG SO GEILOOO). und hja: wenn sich vor allem männer bedroht fühlen im bett, weil man was neiches ausprobian will, suachts a klares gespräch. es is jo jetzt nit schlecht, aber man will gern mehr erleben/ erfahren. a frau kann auf verschiedene wege zu orgasmen kemen und sextoys helfen anfoch.
i glab man merkt, kommunikation is gaaaaanz wichtig im schlafzimmer. und i tat ma wünschen, ihr redets mehr. und habs mehr guatn sex und habs alle beteiligten gleich viel spaß. passts auf eich auf.
*werbung/ selbstlob: ganz stolz deaf i verkünden, doss amorelie (JO AMORELIE!!!) mit mir a kooperation macht. I KENNT WIEDA BLEAN. ihr gregs auf fost olles (außa gutschein und rabattierte produkte) prozente mit dem code: ohyeslarissa und freinde, ihr wissts goa nit wie stolz i auf mi bin, doss i des ergattert hab. und mir wa natürlich gholfn, wenn des mein code nutzts. wenn ihr des wollts. generell: DANKE fia eichan support und hjo. wir redn weiter über sex. passt?
Bussi, Laxobu.