Was da kana über Katzen sagt
hi. der blogpost brennt schon förmlich in meina seele und i tipp quasi olls aus mein kepfln oba. kurz gsog: des is olles mei meinung und mei empfinden. teilts gerne eicha meinung a, bin gsponnt!!!zum einstieg: wir hom seit september/oktober 2 katzis, de im August auf de welt kemen sein (jo i dazel glei mehr driba). auf olle fälle woa de zola vastosn und noch 2 wochn homa gmerkt, sie konn nit alan sein. also hama ihr schwester de luna dazua geton. des bereu ma ka sekunde. uns katzn gholt zu ham, bereu ma a nit wirklich: aber in manchen momenten denk i ma „hätt ma des lei wer gsog.“
gefühlt jeda hot kotzn
wer sich an hund onschofft, plant, überlegt und baut gefühlt es haus um hahaha. na spaß: oba a hund is verantwortung. des was jeda. redet a jeda driba. wos mir auffollt: ba kotzn sog des kaum wer?? irgendwie hot a fost jeda a kotz daham und de laft im goatn uma, kimmt olle 3 tog ham und pipapo. bekannte foan 3 wochn urlaub, dessen freinde amol am tog vorbei schaugn und de kotz fiatan. hahahahahahah: spoiler: des geht nit bei jeda kotz! und kotzn sein so a verdammte verantwortung doss i ma echt denkt: WIESO SOG DES KANA? stichtwort: trennung. wer greg de kotz? i kenn leit de hom de kotzn donn anfoch ausglossn, ba an bauernhof zuabegeton. da tante, de e schon 20 viecha hot, untagjubelt. und i was nit: is des a lösung? fia mi nit. de katzis hom a a leben, sowie hunde und menschen und olle ondan tiere. und wie i de zola greg hob, hot ma a followerin damals geschrieben, doss sie schweren herzens senan kota weg tuan hom miasn, weil se es nit gschofft hom als paarle. und: i feel u. noch was fia de stodtkinda do: am lond is es a kindaspiel a kotz zu findn, natürlich ka zuchtkotz. oba sog ma mol so: wenn i heit zwa katzln ham will, greg i de bis heit a. freindlwirtschoft. doss i es problematisch find, doss so vü bauan imma noch katzenbabys en masse gregn und de de nit gnommen wern, „weg tuan“- brauch ma nit diskutian oda? vor allem am lond wern kastrationen teilweise oda komplett bezohlt.. oba des is holt a a grund, warum a fost jeda a kotz hot, weil es imma wo ane zum aufklaubn und einsteckn gibt, ohne groß noch zudenken wos va oabeit des eig so is.
minifutzibaby
ihr hobs oben glesn: august auf de welt, im september bei uns. wir ham de zola mit 3 wochen greg. und jo: die tierärztin wollt des dem tierschutz sogn und „woa verpflichtet mi dort anzugeben“. do is ma has woan, richtig. a de beim zoohandel mant original: „Sie wissn schon, doss sie des katzl illegal hom? des kert obgstroft.“ hon i oba nit gwusst, ehrlich nit. i hob zwoa gwusst, katzis sollte man bis 8 wochen bei da mutter lossn oda sogoa 12 wochn OBA wenn se vastoßn wern, sowie de zola: is es echt illegal? i find nit. hon i a gsog. und donn homa de zola gwogn und de tierärztin „jo brav fiattan bitte.“ und donn 3 monat später, wo de zola 200 g mehr als de luna ghobt hot (davua hot se untergewicht ghabt) sog de ärztin ziemlich emotional: „I sog wie s is, i hon gmant de zola sig i nie wieder.“ und donn hon i mol vastondn. wir hom zerst aufzuchtsmilch geben und donn fiatan ongfongen. und ihrn bauch massiat nochn essn und sie zuabegnommen, luki hot se stunden lang getragen (des lieben se heit no) und wir ham se geputzt und OLLES. anscheinend merkt man, doss de zwa weiba per hand aufgezogen woan sein. weil de schmusn mit olls und jedn. Luna hot sogoa mit ihrn chirurg, der ihr echt stundenlang versucht hat de pfoten zu retten, gschmust wie a irre. kurz noch da narkose. bei da impfung steckn se senan oasch ins gsicht der pflegerin. wenn du mit senen schimpfst, springen se da auf de schulta hahaha. Auf olle fälle: kotzn so frisch gregn, is nit ohne. vor allem wenn se untergewicht a no hom. oba i sogs amol so, gebs anfoch eicha bestes und herts nit auf olls und jedn..
Jeda kennt sich aus
auf insta gibt es nit nur wahnsinnsmuttis sondern a katzenmuttis der 1. liga: de wissen OLLES bessa. i hab den weibisi whiskas gebn, weil 1. de örztin gsog hot wir solln olles fiatan, wos ma so gregn. 2. se des gern gessn hom 3. se sowieso zdünn woan, do is hautpsoch wichtig FOOD. und glott an shitstorm greg. wegn kotznfuatta. WEGEN KOTZNFUATTA. und donn schicken se da food, welches man kafn soll. 10 euro da kilo, 14 euro da kilo oda irgendwo aus japan. i bin zwoa gern katzenmutti, oba i importier ka fuata von da ondan seitn der weltkugel fia meine viecha. und wenn man nach tipps frogt, greg man tipps- wos geil is. oba oft gregst anfoch so ANORDNUNGEN. „Du musst SOFORT zum tierarzt!“ „Du DARFST KEIN fleisch füttern.“ blabla. und i sogs amol so: manche sachen ham mi eingeschüchtern, manche woan hilfreich. am besten man hert nit auf jedn und schaug mehr auf de katzis und hert auf sein bauch.
GÖLD
kotzn kostn geld. ohne witz. hahaha. na i bin nit naiv und hon ma gedocht, doss des GRATIS is, oba wos do fane mengen fließen. a mädi hot ma gschrieben, se hom a a kotz ghobt, de hot jetzt ihr mama, weil se sich als studentin ka viech daleistet. und des glab i sufuat. de erstausrüstung hot 150 euro gekostet (klo, stra, fuatta, transportbox, essesschalen, krotzbam..) is jetzt nit so schlimm, unsre weiba essn imma no aus den schüsseln und so. oba des woas jo nit. thema impfen red ma jetzt nit: des is individuell. i hon lei es nötigste gimpft. und donn kimt de kastration/sterelisation. und donn fressn de viecha jo imma nit lei zu beginn ahahaha. auf olle fälle, es kimt schon wos zomm. und hjo, wie ihr wissts, wir hom an notfoll ghobt und der wor schen teia. so 3 urlaube teia. oda lei 2 oda lei an, wie mans nimmt. und a sowos muss man berechnen. also i tat mol schätzen: 500-1000 Euro im ersten Joa sein realistisch. und de muss man mol hom. oda a nit. und wir hom bei da sterelisation an rabatt greg, weil de zwa zomm kemen sein und kane 3 kilo ghabt ham ahahah.
katzn sein individuell
Noch mal zum thema auf ondre hern: herts auf, zu glabn, doss eicha kotz is wie de vom nachbar oda wie meine. unsre zwa, de holt zomm aufgwochsn sein, hom uns noch NIE gfotzt oda gekrotzt oda irgendwos. warum? weil se sich selba zum rafn hom. do kimmt kane her und beißt mi. a kotz, de alan is, braucht an spielgefärhten, do is es normal, folls es mal an schnappa gibt. unsre tuan des nit, dafia liegn se jede nocht im bett und am bestn zwischn uns und wenn wir uns küssen, schullden wir senen a a bussi. also kennts eich vorstellen: auf unsre 100 bussis folgen 200 katzen schmusas. i bin eigentlich vollzeit schmusarin hahaha. und ganz viele katzen kennen nur sena spezial fuatta essn. unsre essn OLLES. bei durchfall gibs karotten stampf. beim pizzaabend proscuitto und wenn ma steak mochn filet. und sie vatrogn olles. oba i woat a imma am klo und kontrollia, isso. monche kotzn leckn am speck und sein schon am weg zum tierarzt. es is so schwa zu sogn, wie a kotz tuat. daher echt de kotz beobachten und des verhalten onschaugn und es gaggi. isso. und nit jede kotz is stur, arrogant und aggressiv. oba a nit jede kotz is vaspielt, schmusig und so depat wie de luna. (de diskutiat mit mir oft 20 minuten und am ende greg i a sabber-bussi). und i selber hab ma so lang an kopf gmocht, weil de zola nit so schmusig is wie de luna. dabei is des jo so egal: es is jede kotz ondas. und daher mochts eich kan stress, wenn eicha schatzi ruhiger/aufgedrahter wos a imma is.
herz und eine seele
i empfiehl jedn, der merkt, doss sei kotz alan nit guat konn (putzt sich wenig, klo gehn is a herausforderung, will 24/7 schmusn und wenn man es alan losst is OLLES verwüstet). überlegs eich a zweite. so früh wie möglich, felliway der duft do, hilft volle. weil zwa kotzn sein eigentlich nit mehr oabeit, lei bisi mehr futta. des woa unsa/zola ihr rettung. ohne ihr schwesta tat ma heit no ihr gsicht obputzn miasn ahhaha. auf olle fälle: des schlimmste wos sein konn, is wenns ana kotz nit guat geht. heit oda morgen, eher morgen, werd i auf insta dazelen, wos mit da luan los woa. achtung: wird SEHR emotional. und genau des is es: katzen selber kennen a so verdammt emotional sein, des glabt ma kana. von wegen, denen is olles egal. de zola woa in der woche wo de luna in da klinik woa FERTIG MIT DEN NERVEN. i a. und des muss man a bedenken: a kotz is nit lei a spielgefährte und kuschelpartner fian menschen, sunda a a teil vom herzi. des is schen und schwa zu gleich. und bitte: katzen schnurren beruhigt an menschen so sehr. so sehr. und so sehr lieb i a meine weibis. und eich, danke fias lesen. eventuell kimt a teil 2. 🙂
ps: viele, de mi schon länger kennen, wissn i woa ka katzen-typ. woa i a nit und de katzen zu holn woa a nit mei idee. isso. oba i hon schon mol gsog: beziehungen bestehen aus kompromissen. es woa da wunsch von mein partner und nach vielen gesprächen hon i gmerkt: es passt fia mi a. donn wie ma de luna greg hom (mei seelenverwandte) hots no mehr sinn gmacht. i bin dankbar dafia, an kompromis eingongen zu sein, weil i hon so vü mehr hinta greg ols i geben hob. ✨
