Gründe, warum es schen is, doss du do bist

Hi, sorry der viel zu lange titel. lossts eich nit obschreckn, ihr miasts heit nit vü lesn: dafia umso mehr fühlen. ❤️

I sog eich a poa gründe, warum es schen is, doss ihr do seids. auf da welt. am leben.

 

1. ohne eich wa in gonz vielen herzln a platzl unfreiwillig frei woan, wos man gonz gonz long nit hergeben will, vermutlich nie.
2. ohne eich wan viele momente nie entstanden oder werden goa nie entstehen. ihr seids autoren eirer eigenen geschichte aka eires lebens, oba ihr seids in gonz vielen andren gschichten wichtige nebenrollen und wer was, vielleicht übernehmts amol in manchen kapiteln de hauptfigur ein?
   beispiel: laxobu. wos wa des kapitel laxobu in mein leben ohne eich? diese treuen seelen de lesen, liken, teilen, mi supporten, mir konstruktive kritik geben und ma imma wieda zagn, doss es guat is wos i moch. do kimmt mol wer um de eckn, wos ma olls madrig redn wü- oba ihr, ihr seids stärka, wichtiga und omg. wos tat i ohne eich???
3. ohne eich kennen de generationen noch uns vielleicht gonz wichtige werte nit weitagregn: wir brauchn gleichberechtigung fia olle. wir brauchn mehr empathie, wir brauchen lösungen für gonz vü strukturelle probleme, wir brauchn anfoch so vü mehr liebe wia hoss. und wir brauchen starke menschen, de den jungen zagn: he, du bist es wert. du deafst du sein und dir darf niemand weh tuan, weil du „der norm nit entsprichst“. du bist a mensch, do spielt es ka rolle welches geschlecht oda sexualität. a mensch. ❤️
4. ohne eich tat anfoch wos falln. a sessl am tisch wa imma la. eicha lochn, wos jeds ondre übertönt und a jedn onsteckt, des tat falln. eichre spontanen ideen, de de geilstn gschichtn am ende ausabringen, tatn obgehn und de welt wa a stickl grauer. weniger bunt.

Des sein jetzt lei amol vier von unzähilgen gründen. weil es gonz vü weitere, individuelle und ehrliche gründe gibt. molts eich a poa selba im hirn aus. wos sein eire gründe do zu sein, welche missionen hobs des und welche lebensziele? wenn du grod kans findest, stehst lei grod auf da „i bin supa-leitung“. geh oba und erkenn dein wert. und sunst lies da de vier gründe obn noch mol durch. oda frog deine lieblingsmenschen: „Warum bin i bsundas? warum bin i einzigartig?“ de helfn da fix weita. und schreibs da auf, schreib da auf warum du so a spitzensupatolla mensch bist.

olle schlechtn sochn, de da einfolln- loss steckn. de holtn di lei auf. und a de nit konstrutkive kritik von ondre leit mit „du wirst kan erfolg hom damit.“ oda „dei einstellung/leben/Meinung.. is oam“. her nit drauf. positiv denken, negativ getestet bleibn. (a satzl , des vua 2020 kan sinn gmocht hätt)

ihr gebs ma imma wieda gründe weita zu mochn, deshalb tat i eich a gern a poa gründe geben. ihr seids es wert. passts auf eich auf ✨