Und wonn is so weit?
Hi. Schenen muttatog. folgende worte bitte lesn: de thematik „Kinder gregn“ is heikl. und desholb sollt ma damit a bisi vorsichtiger umgehen. es folgen beispiele ausn lebn. namen dazuaerfunden. jede*r darf sei meinung haben. olls konn, nix muas. I wü damit lei zagn: des seids nit alan. und bitte: es is eicha lebn, eicha körper- niemand konn eich diese entscheidungen aufdrängen.
Maria is 35 und mit ihrn ehemonn seit 10 Joa verheiratet. natürlich glei nochdem da ring obn woa, is se gfrogt woan „und wonn is so weit???“. De Maria is mit 30 mit ihrn medizinstudium fertig woan, wü hetzt karriere mochn, sich weita bilden. ihr mann, erfolgreicher unternehmer, will anfoch schepfn, schepfn, schepfn um später zeit und geld fia de familie zu hom. bei jeda feier werns gfrog „Wonn is bei eich so weit?“. und jeds mol ernten se schiefe blicke, wenns hast „ausbildung. karriere first.“ jeda wie er will? oda? Tante Mutzi?
8. 8 verdammte künstliche befruchtungen hot de Nele hinta sich und ka anzige hot funktioniert. de ärzte wern bei jedn gespräch demotivierter und leiser. doss se davor schon 3 joa „gebastelt hom“ braucht man nit amal erwähnen, um zu wissn, WIE MIAD de Nele und ihr partner sein. und trotzdem greg sie, genau wie de maria, deselben frogn. lei tuat ihr des weh. weil sie was, wos va kompf des fia se is. zerreisprobe. und dennoch frogt man se ungeniert auf ana bdayparty, wo man nit amol den gastgeber gscheid kennt. warum fremden leit dazelen, doss man probiat und probiat? wenn de eigenen leit im kreise schon sogn „hahaha tua di lei nit stressn, donn tats e gehn!“ diese tollen halbweisheiten wern di sicha befruchten, oder Nele? es is schlimm. es is so schlimm und deshalb:
Frogs frauen nit, wonns so weit sein wird. ihr kennts de gschciht dahinta nit und sie geht eich a nix on. und es würd eich a nix bringen, wenn ihr es wüsstets. und man kann sich kaum vorstellen, wie VIELE frauen kämpfen und probian. und dann liest man wieder zeilen wie „eine frau, die keine mutter ist, ist ihren pflichten nicht bewusst.“ WTF???? wir schreiben es joa 2021, Mama zu wern, is nit auf jeder bucket-liste!
Da One-Night-Stand von da Karina hot ihr nit lei kan orgasmus gebrocht, sundan a a baby doglossn. mit 22, mitten im studium. ka ausbildung, kan monn, nit amal a eigene wohnung. oba de karina beholtet des kind, weil sie was „i schoff des.“ ihre eltern helfn ihr, da bruada a. sie kann nebenbei fertig studian und is anfoch a junge mama. doch die blicke on da kasse hern nit auf. die frogn beim eltansprechtog „seins de schwester??“ wern nit weniga. und die unzählen „ma des tuat ma lad fia di!“ konn se nerma hern de karina. warum denn a? Wos tuat da lad? doss se a gsundes kind auf de welt gebrocht hot und großgezogn hot. dieses „jeds kind braucht an papa“ is bullshit. und oh mein gott, mütter wie Karina- ihr seids held*innen, sowie gonz vü ondre fraun. mitleid braucht kana.
Glei noch da Schul wollt de Lina a Kind und hots a hingreg. Pille abgesetzt, geturtelt, baby kimt. sie und ihr freind sein 4 joa zomm, des kind woa a wunsch. und wie oft, wiiiiie oft, wird de lina gfrogt, ob es a unfoll woa. generell, wieso frogt man des? und warum darf man als junge Frau ka kind PLANEN? gibs do a fixes olta? zwischen 23 und 28? weil wer beim 30a ka baby hot, wird sowieso als „kinderlos“ obgestempelt. ja, es gibt frauen auf diesem planeten, de wollen wirklich mama wern. und so früh es geht. und des is so wos von OK. es is jo nit es leben von da Anja, de sich es maul driba zreißt. es is nit es leben von da Mischi, de mit 21 a baby im oam holtet und sog „bah mit 18 mama wern is zach!“. wissts, des is jo so egal. wenn olle gsund sein und liebe überwiegt, donn spielt es olta e ka rolle.
De Lexi will kane kinda. de Lexi is 24 und will sich sterelisian lossn, wos e ka oazt tuat. „Tuans no überlegn.“ „Der Mama-Drang kimmt no!“ „Wenn da monn kimmt, kimmt da wunsch a!“ blablabla. mir kimt fia: wer kane kinda will, sog liaba nix offen. weil wenn du mit 24 sogst, du willst mama wern, gfrein sich olle, kana sog zu dir: „Sorry loss liaba!“ oba wennst sogst, du willst kane, kimt wos mit überredn und nur bullshit. ihr körper, ihr entscheidung. oda? und wenn sie sog, sie will a lebn long reisn, sie wü karriere mochn, sie fühlt sich nit in der mutter-rolle wohl .donn is des sowos von ok.
des sein nur beispiele. von vielen. es gib no poa punkte, de i schnell obaratschn will:
1. wiederhole: Nie a frau frogn, wonns so weit is.
2. egal, ob gewollt oda ungewollt, egal ob man sich für oder gegen a kind entscheidet.. solange es da frau guat geht, is es ihr entscheidung.
3. i bin zwoa no ka mama, oba i was: olles geht, irgendwie. man greg des schon hin. olles. es gibt nit nur de familie um an uma, sundan a super einrichtungen und menschen und beihilfen. oba wie gsog: wer sich dagegen entscheidet, es is dei entscheidung.
4. kurz zum thema mama, wos i noch mal aufgreifen will: a mama is nit nur mama, sondern a a frau. des hast, sie darf karriere machen, sie darf de kinda in fremdbetreuung geben, sie deaf fuatgehn, sie deaf sich onziagn wie se will. man gibt glab i nit ba da geburt sei halskette mit „frau“ ab und wird mit „Mama“ ausgetauscht.
5. unsa umfeld beeinflusst uns brutal. daher is es wichtig, doss man eventuell selber werte weitergibt. wenn a junge mama ihr lebn lang zum kind sog „greg nie jugn kinda, des vahaut da es lebn“. wird des kind quasi PANIK vorm kindagregn bekommen, doch wenn man lernt „es kimmt wie es kimmt“ is des anfoch schen. oft is es planbar, oft a nit. mei wunsch an eich: verurteilts niemanden. ihr kennts de gschicht nit. vielleicht is sie nit beim 1. mol schwonga woan und hot joarelonge versuche hinta sich. vielleicht is de junge mama ganz bewusst mama woan. nur weil jemand alleinerziehend is, macht se nit automatisch alles falsch. wenn sie ihr kind zur adoption freigeben will, is des ihr entscheidung und ka kaffee-klatsch-neuigkeit wert.
Seids liab zu anonda. i sogs noch amol: olles kumt, wie es kumt. solong man glücklich und hoffentlich a gsund is!! ❤️