weil de mi lossest
so bisi liebe fia heit. i tonz gern in da fria durch de wohnung. egal ob zu JUST MORE von wonderwall oder doch klassisch zu first date von blink 182. und du lossest mi.
Du lossest mi shaken, springen, hupfn und klatschest oft zum takt. du jubelst mi on oda nimmst mei hond und tonzt mit. du twerkst a bisi weniger als i, oba bist genauso voller energie.
i schoff es, manchmal OLLS on mi zuabezu lossn. stress, böse wörter und so weiter. olle besn dinge der welt kennen mi zreisn und donn nutzt nix außa blean. und du lossest mi.
du woatest ob, holtest mi und beruhigst mi donn wieda. oft lochest mi donn a on und frogst ob des jetzt not woa. jo woas eigentlich, genial sein a de momente, bevua i blea und du schon gach merkst, wie i brich und du sogst „NA SCHATZI JETZT NIT.“ und donn blea i jo erst recht, weil i es so liab find.
unsre zwa kotznweiba sein jetzt unsre kinda. des hon i still und heimlich beschlossn. und du lossest mi.
nennst di selba papa und frogst de zwa, ob es senen wohl no guat im kopf geht. und als i da des thema rolligkeit akleat hon host da zola lei gsog, ob se an huscha hot. mit 5 monat braucht se no nit zickig wern. und ob ihr periode so zach wird wie meine. es is so nett.
I belost di mit dingen, de di eigentlich nix ongehn oda wo du ka verständnis hobn brauchst. und du lossest mi.
natürlich is egal, wos de followerin X fa problem hot und mi damit belästigt. natürlich is egal, wenn da freind von der, des gmant hot. dennoch beschäftigen mi oft de gschichtn von ondren und des what if game is fia mi a master spiel. und du herst ma zua, gibst dein senf dazua und probiast a de gschichtn von ollen seitn zu segn.
mei skincare routine is a ritual, des ma kana nehmen konn. dienstag retinol, peeling 2x und du wast e, wonn mei maskn zum draufklatschn is. und du lossest mit.
und du gönnst da genauso de routine. frogst mi: heit niacinamide? i sog e imma jo, weil des derfst daily verwendn. beim peeling sog i da „host grod erst“ und bei trockene stelln schmia i da von alan hyarolon eine oda wie du des imma nennst.
bei friends konn i lochn bis zum geht nerma. und du lossest mi.
erinnerst mi jo a guat gnuag on en joey. obwohl- du bist a bisi erfolgreicher, außa bei de girls. obwohl, du host mi, des tat i glott als jackpot wertn. oda? i bin de komplette queen? obwohl chaosqueen, oba sonst wär dir oda uns jo fad.
vuam schlofn gehn, her i gern hörbücher. desto kitschiga, umso besser. und du losst mi.
und du huachest zua. und frogst am nächsten tog gefühlt OLLES noch. wieso de auf so an idiotn einefliag. wieso de sex hobn und donn blean. wieso de sich betrügen. weil dir sein solche sochn fremd, du verstehst des nit, warum nit? Weil loyalität dei zweiter vorname is, na dei dritter. und i schätz des so. de menschheit hot de werte valoan, de dei wichtigstes gut sein.
I wünsch jedn so an mensch, der ihn so losst. wie er is, wie er wü, wie es ihm taugt. de zeiten von partnern, de uns vorschreiben, wos ma tuan/denken und sogn solln is wohl längst vorbei. mit reinen und offenen herzen und do sein is angesagt. i bin so dankbar dafia und wünsch es eich holt a von gonzn herzln. bitte seids eich im kloaren, eia partner definiert eich nit. wenn de person sog, ihr seids zdick, stimmt des nit, wenn de person sog, ihr seids zu eifersüchtig, stimmt des nit zwingend. wenn de person eich sog, doss seine worte mehr zählen als deine- is e schon ausgredet. oda?
I kennt do jetzt weiter tippen, weiter schwärmen udn weiter tramen. i bin so dankbar. so so so dankbar. i konn ma kan besseren lockdown-buddy vorstellen, der olles so leicht nimmt und aus an großn problem a momentaufnahme macht und irgendwie immer de richtigen worte findet. bussis.