Chü dei basis

Hahahaha i hob grod wieda so B-O-C-K auf an richtig witzigen blogpost und hob irgendwie beim einkafn mitgreg, wie so a klans puppi zum vati mant „olta chü dei basis!“ hahahahhahahahaha

I hob jetzt nit de strengsten eltern der welt ghobt, oba mein vati des zu sogn, wär schon so a mutprobe. I man, i hob mehr respekt vua meinen eltern, als meine kotzn bledsinn im kepfln. Und des is schon an haufn. De hom uns ausagedruckt, umagetrogn, ertrogn.. eltern sein anfoch helden. Und donn zu sogn, se solln chilln??

I man, wie vü tat i chilln, wenn i nochdenk, wos meine eltern olles nit wissen?
stellt seich jedn verbotenen schluck alk vor, jeder zug on da grausign zigarettn und jede autofoat mit nit seriösen menschen (stichwort: rosenmann. Nehmt eich ka bespiel an mir). Stellts eich vua, bei jeder dieser aktionen valiats a hoa- wir wan schon glotzat. Wie vü chün konn man, wenn man nit so wie wir des instagramgame strong spielen? Unsre eltern glabn immer noch, doss auf insta nur fremde sein und jeder unser geld will. (Dabei sein unsre daten mehr geld wert als geld, oba egal.) 

Kennts de serie teenager werden mütter? Schaugs lochend a szene on, de eltern gregn innerlich an stress. wos, wenn sena kind als nächstes do üba de bildfläche flimmat?? geht des gonze geld donn fia an seelenklempner drauf? oda stresspillen?? wir werden es wohl nie erfahren. lei finden eltern manche witze nit so witzig, wie de jugend. stichwort: „Schmeh, bin lei schwonga“ ahahahah do locht da Vati nix, Tanja! oda „a bisi koks schodet niiiiie“- is nit ongebrocht fia familienfeiern. Wir lieben Sarkamsus, wir leben sarkasmus. oba gonz chillig fühlen sich eltern mit sowos nit.

wissts noch beim ersten strofzettl? wo man hochrotn kopf greg hot und gschwitzt hot wie beim bauch-beine-po-training im turnuntaricht?? i kenn junge Leit, de sich getraut hobn zu sogn „tuat jo nix weh. is jo nix passiat“ ahahhahahahahahahahahhahahahahahahha. strafzettel sein so da fahrschein in richtung „Du musst ob sufuat IMMA onruafn, wenn de wo onkemen bist.“ und „I bau da an fixen tempomat eine mit geschwindigkeitslimit!“ gibs nit? Oh doch.

Flashback: mei erster strafzettel woa zweck parken. weil da vati in sein oltn opel vectra gern de minuten 5 minuten vorgestellt hat, damit er nie zspot kimmt. i hab dann de parkuhr nach da autouhr gestellt und der MEGASYMPATISCHE parkwächter hat ma a strafe geben weil wegen „falsche Zeitangaben“ 5(!!!!!) Minuten. fünf. funf. fuuuuuunf! fuuuu.
Seit dem schaug i lei mehr auf mei Handyuhr ahha.

i was goanit, wie eltern senre kinda ausgehen lossn kennen. sobald meine eltern mal nit daham woan und i quasi chef des hauses woa, woa des fia mit STRESS PUR. De klane Maus foat zum Mci. i hab gegoogelt, wie lang se obe braucht und donn noch de minuten angerufen, wo se is. he, des tua i momentan a bei mein partner hahahha. dabei is unser tiefgarage so a tricky move zum einparken lernen, doss i netterweise 5 minuten spatze los und donn erst anruf haha.
Da große geht fuat. bis der nit von mir höchstpersönlich abgholt worden is und ins bett gebracht worden is mit 1000 mal fragen, wos er getrunken hat, mit wem er fuat woa und wie de fete woa- hob i nit amol ruhig sitzen kennen. zach. und des is jo nit oft gwesn. i glab 5 oda 6 mol in mein leben. Wie wüst denn des jedes wochenende ausholtn? I vasteh meine Eltern immer mehr. generell olle eltan.

Bitte sogs eltern nit se sollen chün. Weil imit 23 ma schon denk, i konn nie mehr so entspannt chillen wie vor a poa joa. Und i hob lei babykotzn. De bei jedn komisch riachenden Pupser mir sorgen bereiten. De bei jedem mal niesen mi a ergoogeln der symptome kosten. I bin schon so weit, wenn da lukas in da nocht amol laut aufhuastet, doss i schon a to-do liste schreib, welche medikamente i kafn muas. Es wird imma schlimma! Erwachsen werden.. FUN!