Mehr realer sex talk

Mehr realer sex talk

6. Dezember 2020 0 Von Laxobu

es is so wichtig. es is so wichtig, mehr über sex und liebe und partnerschaft zu redn. immer wieder erreichen mi stories/ nachrichten von frauen und männer, wo i fast meine händ aufn kopf haun muas. nit weil de leit so „dumm“ sein oda wos, na. Oba weil de gesellschaft so vü sochn NICHT kommuniziat, de kommuniziat kern.

Sollt i mi bei a poa punkten wiederholen- SORRY. Aber sie erscheinen ma so wichtig, deshalb.

 

Sex tuat nit weh

A frau muas beim sex anfoch feicht sein, sunst wird des nix. und wenn se des aus diversen gründen nit is, gleitgel is eicha freind. des hot nix mit ego oda so zum tuan. nur weil da partner donn sog „natur oda goanit“ hast des nit, doss sei wort zählt. Wenn es DIR weh tuat, zöhlt des mehr. und wenn ana von 2 aufhern will, is zum aufhern. und nochmal on genau de mädels, de des grod heimlich lesn und ausredn probian, doss sena sexleben mehr zwong als genuss is: sei da mehr wert als de puppe von an holbwichtigen wix**, der die nur dafia verwendet. Es soll dir besserer Sex im leben passian!!!

Geht nit jedn tog

Es is a Fakt, doss da sex mit da zeit in ana partnerschaft bessa wird. JO GOTT SEI DONK. Aus den ersten unbeholfenen umastockereien wird mol a flow. oba des is holt a nit donn täglich da foll. es is so normal, amol lochend vom partner obazusteign und sogn „na, des is heit nix!“ do muas a kana blean, grantig oda vaunsichat sein. ob und zua passts nit. es is zwoam im raum, es is unbequem, man werd obglenkt (von ana kackenden kotz oda an anruf oda wos a immer). Und wenn da sex de gonze wochn mies woa, is holt so! nit jedes mal sex bringt an orgasmus geschweige denn squirting aka ludln (hahaha). ob und zua is dei blowie hitverdächtig, monchmol tuat dei partner sanft ablenken, damit du nerma on sein lulle nuckelst. Gonz wichtig is des zu wissn: Es is okay.

Kritik is nit zum Spinnen

„Du Schatzi, mehr links und LONGSOMA!“ wenn er donn extra gas gibt- solltest a machtwort sprechn. Nur weil er bei 120 km/h kimt, hast des nit, doss du deine 30 km/h nit genießen deafst. Und oh jo, diese toxischen bettteiler, de dir erklären „AHA, MOGST DU DES LIABA SO WIE ES DEI EX GETON HOT???“ Gespräche über verflossene ham im bett nix zum suachn und tuan nix zur sache wie da aktuelle sexpartner tuat. wenn er nit fingan konn, muss er es lernen und dei kritik als hilfe segn. wenn er es derwegn nit bessa mocht, schick ihn. a richtiger partner*in (partner is e für jeden Menschen gmant) schaug, doss es da taug. wenn es wer „mit absicht“ nit tuat- ciao.
i was i bin ka „schluss machen“ Sager, oba im thema bett bin i eher so ane ahha.

Kenn dein Ausfluss

i vasteh es nit, wie leit ins bett steign kennen, ohne sich zu lieben und ohne senan körper zu kennen. wenn i di heit frog, in welcher zyklusphase du oder dei partnerin bist- wast du es? wa schon guat. ohne witz. es is eigentlich a selbstverständlichkeit, doss dei partner schon anhand deines ausflusses was, wies ausschaug. Bitte googelts des. und lernts des. und schaugs/kontrolliats noch. und trogs eier periode in an kalender ein.

Periode

wie des oberige thema konn man a de periode mitn partner so offen bereden. nit nur kurz vuam tatzln, sundan a am weg zum bäcker oder im Auto. „Du schatzi, i hob wenn i meine toge hob imma glust auf schoko. Außerdem greg i imma zwa tog dafua kopfweh udn am bestn hilft ma der tee xxxx“ und donn werds so sein, doss er/sie genau was, wie zum tuan is. und wenn se des wissn so natürlich von dir gregn und wissn: werd a longsom der „ekel“ vagehn. obwohl, jeder der sich vua da periode ana frau graust, hot e nit es recht, mit ana zu schlofn. PUNKT. oba de schmierblutung danoch is nit a „jetzt kema imma no nit vegln!“ aussog wert. Es gibt frauen, de megn während der periode kan sex- akzeptiats des. es gibt frauen, de LIEBEN während da periode sex-akzeptiats des a.

 

I was es gibt noch so vü frogn, frogs mi lei. es gibt no zvü partner, de glabn MANNORGASMUS, ALLES IS GETAN. BLEDSINN!!!!!!

I wünsch jeden an orgasmus, spaß und gaude im bett. und niemand soll „herholtn.“ niemand soll im dunklen vegln, weil er sich nit mog. donn liaba glei goa nit.

Es folgt unbezahlte Werbung

über es frausein werd i bold tippsln. oba i leg eich jetzt schon es buach coming soon ons herzl und a den kurs.  mit „hotsummer20“ bekommts ihr prozente auf den kurs, den ihr a easy verschenken könntets. Des is alles mit PDF und Video, sprich zeitunabhängig und (man könnte ihn theoretisch a zu zweit kafn?) i was nit genau, aber würd sinn machen. wer nit gern liest, kann schaugn, hern und dann e selber handanlegn.
i hab so vü lernen diafn. über mei Mumu, über orgasmen und hjo, wos soll i sogn: game changer.

ps: I hab heit auf Insta an Vlog hochgeladen hihi

pps: Auf Insta verlos i grad Ohrringe von Soliluna!!!

passts auf eich auf!