Seima bitte bessa

Eigentlich hätt jetzt wos über Frausein kemen sollen. Eigentlich. Oba i sogs ehrlich: heit fallt ma de muse dafia. 

Ok, hier anfoch a shoutout fia olle Leit, de sena bestes geben. De anfoch probian und nit miad wern, egal wie oft se gstoppt werden oder belächelt oda ausglocht. Egal, wie oft se scheitan, se gehn weita und hern nit auf. De lossn es Puzzle nit liegen, weil des Fuckin Teil verschwunden wirkt. (sorry dariadaria, i man des nit beim letzten verschwundenen teil!) Sie valossn nit bei da ersten Diskussion den Raum, ohne selbst stellung gnommen zu hom und jedn zuagheat hom.

Es gibt Leit, de bemühn sich tagtäglich, de Welt zu rettn. Wortwörtlich. De verwenden kane Plastikfloschn mehr, de sein kane Konsumopfa wie vü von uns, de kemen gonz ohne Schnickschnack aus und ohne Auto und ohne Fliagn. Vü Leit lochn driaba und nenne de Öko-Tanten oda so. Dabei sein se VORBILDER. Wir „Normalos“ miasn nit perfekt sein, se seins a nit. Oba wenn schon a poa von uns onfongen, a Mehrwegglosfloschn zu verwenden und nerma beim HUNDM des Greenwashing zu glabn.. donn zohlt sich sena Einsotz schon aus.

Es gibt Leit, de kämpfen um dieselbn Rechte. Fia Monn und Frau. De wern ongegriffen, online und offline. Weil se sogn, doss weiße Männer nit de Besten sein. Spoiler: SEIN SE A NIT. Spoiler 2: I bin a weiße Frau mit Privilegien UND WAS DES A UND I BIN NIT STOLZ DRAUF. Diese Menschen gehen an endlosen Kampf ein, fia ondare, nit lei fia se. De gebn mehr als se gregn und des ungfrogta.

Es gibt Frauen und Männer, de drum BITTEN, doss sich olle Menschen sicher fühlen diafn bei uns. I bin nit stolz drauf, in Österreich zu sein und Österreicherin zu sein.. I BIN DONKBOA. Oba stolz? Stolz bin i nit, doss wir do a Gesellschaft haben de oft lei schwoaz und weiß sig und Homosexualität als „Phase und Trend“ onsig und jeder rassistische Vorfall als Einzelfall betitelt wird. 1 und 1 ergibt 2 und 2 is schon nerma einzelnd. Oda?? I wü, doss jeder Mensch sicher ham kimt. Egal, welches Geschlecht, welche Nation, welche Stärke. I wü, doss ka Mann das Recht hat, sich zu vergreifen an anderen, lei weil er a Mann is.

UND I WILL, DOSS MÄNNER VERSTEHEN, DOSS ANDERE MÄNNER SO SEIN. UND NIT „LEIDER SO SIND“ SONDERN DOS DES NIT OK IS.

Es gibt Menschen, de kümmern sich um Menschen, de nerma de Kraft haben, selber stoak zu sein. I man a Vergewaltigung fongt bei an überheatn Na on. A Vergewaltigung hot nix mit dem „Wos hot se onghobt?“ zum tuan, sundan mit an „Sie haben sich an dieser Person vergriffen, jetzt leben Sie mit den Kosequenzen. De Person muss a damit leben und des nit freiwillig.“

Es gibt so viele guate Menschn auf da Welt. Warum hean wir bei denen (oft) weg? Warum folgen wir nur Menschen, de geile Autos hom, Unmengen an Geld und billigste Werbung?

He du, du bist a Bua mit 18 Joa ga? Du bist beim Bundesheer? Heast oft, wie schiach de ondan Buamen über „sena Olte“ redn? Sei bitte bessa. Sei bitte so ehrlich und sog zu denen, doss des nit sei recht is so schiach über Des Mädel zu redn. Doss er ka Macht über sie hot. Sexistische Aussagn zu kontan is a start, der gsetzt wern muas.

Hei Mädi, des beim Spazian oft bled ongredet wert von Männern? Wenn du in Sicherheit bist (es sind genügend andre Menschen in da Nähe und du bist nit alan?): Schau se bes on. Sog laut „I hoff Sie hom ka Tochter/ Nichte/ Bekannte, de mol so ongredet wird. Oda wolln Sie des??“ Und wenn du di nit traust, i hoff es is in da Nähe a Frau oda a Monn, de eingreifen und de Zeilen fia di sogn. Seids bitte bessa, als diese erbärmlichen Männer.

He, du, wenn wieda mol irgendein Erwachsener über Greta Thunberg oda Friday For Future so locht und „De übertreiben jo olle!!“. Aklea dennen ruhig, doss in 100 Joan du nerma do bist und se erst recht nit, oba du trotzdem gern a schene Zukunft fia de spätere Generation hättest. Sei bessa wie de Realitätsverweigerer.

Dei Papa oda Opa findet es grausig, wenn du kan BH onhost? Weil er glab, ondre Männer kennen sich dronn vagehn und donn is es dei schuld. Wir wissen, es is donn nit dei Schuld. Oba fia ihn wär es so. Solche Diskussionen zu führen sein oft schwa und vergiss nit, des sein olls ondre Generationen. oba steh zu dir und deinen wertn.

Dei Mama findet es sinnlos, doss du jetzt vegan bist fia de Umwelt? Weil fia sie Vegan a Trend is. Sie kennt de Statistiken nit, wie sehr des da Umwelt guat tuan tat, wenn ma nit olle lei so Fleisch (vor ollem billiges) stopfn.

Manche Menschn konsumian Billigfleisch und ähnliches manchmal a aus finanziellen Gründen. Solong de Firmen Cola, Fertigessn und Fleisch fia weniger Geld vakafn als Salat, Gemüse und gscheids Brot, werd des Problem existieren. Also verurteilts nit glei jedn.

Generell bitte nit jedn glei verurteilen.
zuahern, erklärn und nochfrogn.
Wieso denkst du so?
Kennst du de Fakten zu dem Thema?
Host schon mol do glesn?
Is schon mal a Start!!

Gfährlich sein Aussagen wie „Jo meine Eltern/ Freinde sogn holt…“ Hjo guat. Nur weil dei Cousen a Problem mit Menschen aus da Türkei haben musst nit glabn, doss de echt „so böse“ sind. Objektiv is wos ondas! Ihr diafts a mit Mitmenschen nit gleicher Meinung sein.

Es is so schwa, i was. Vergessts nit, viele Menschen wissen es nit bessa, woher denn a? Menschen ab an gewissen Alter kennen sich nerma so informiern wie de Jungen. Und de jungen Leit sollen von ian Recht gebrauch mochen, sich gratis zu informieren.
Des hat nix mit Besinnung oda mit Missonierung zu tuan- sundan mitn Leben. Oft is leise sein guat, oba nit imma. Imma bei solchen Gesprächen aufn Ton achten und zuahean und atmen.

Wissts, i hätt gern a grundrezept fia olle: wie ma fia des guate der welt einsetzn. wie man mit realitätsverweigeren umgeht. wie man gegn rassismus gscheid vorgeht. wie man politisch korrekt spricht. es gibt ka grundrezept. infomieren, lesen und drüber redn is schon a großa Schritt.

I bin lei so froh, doss es solche stoakn Menschn gibt, de uns alle zamm aufklean, informieren und für ondre kämpfen, wenn wie gsog ondre nerma kennen und wolln. i selba stoß an meine grenzn, schnell. wenn de erste kimt mit „DU GUTMENSCH. I DARF AUSLÄNDER NIT MEGN. DU BIST NIT NORMAL, DU BIST KRANK“ Mia tuat sowos schiach. I bin nit krank, gott sei dank. es tuat oba schiach so a watschn, virtuelle watschn. wenn de leit mit den selben werten zammhalten. werd des schon.

Seima anfoch bitte bessa.