2 Joa Laxobu
Liebe Larissa,
heit vua 2 joa host du wos geton, wos dei Leben vaändat hot. Wos, wos dei jüngeres Ich schon vü fria mochn wollt. Wos, wos so vü Leit hüft und wos di selba komplett erfüllt. Heit vua 2 Joa hostn Mut aufgebrocht an Blog zu starten.
Seima uns ehrlich, zerst woan de texte semigeil, weil se holt auf Hochdeitsch woan. Oba se sein imma bessa und bessa woan. Sogoa de ersten sein heit noch guat. Props dafia. Du host Blogposts gedroppt, de in de Herzn von wildfremndn Leit ghupft sein und nerma ausa.
Du woast in Frankreich, bisi zdick und bisi alan. Du host an HAUFN (35) Blogpost vuagetippt und manche sein bis heit nit veröffentlicht. Wie vü Nächste du investiat host? genug. Du host gegoogelt wie man an Blog gründet und holt echt vü umagetoggat. Schen is a nit woan, oba lesenswert. Erst 2020 host es gschofft, a DOMAIN zu kafn. 50 Euro. Woans da wert? Sowos von.
I bin so stolz auf dein Mut, den du ghobt host. der da so long gfallt hot. In deine Biachlen host gekritzelt, dei oltes Insta host volla texte bespielt. Oba a eigene Spielwiese wolltest hobn und TADA. Laxobu.at is entstonden. Donn host in Frankreich getippt und geschrieben. Da richtig mühe geben. Kloa bei 20 Stund oabeit host gnuag zeit ghobt. Du hast nächte damit vabrocht, zu schreiben. Jede Anreise is mit Blogtippen vabrocht woan Host da von Leit de Gschichtn onghert und de aufs papia gebrocht. schreiben is de liebe, de di erfüllt.
Da erste Schock woa wohl wie de ham kemen bist und de ersten Leit gwusst hom, wer du bist. Du werst lochn, diese 3 Mädels wos di ongredet hom, folgn da heit noch. Und de sein ehrliche Wesn. am g2 parkplotz hom se da gedonkt, doss du des tuast. A joa Später is da des schon fost zvü. weil es nerma 3e sein, de di ondredn. es sein guat 20-30 leit. Auf amol schreib da wer „he i hob di in Villach gsegn.“ oda am telefon bei da oabeit sog wer „Ma du bist nit de Laxobu?“ und du gfreist di irgendwie. und irgendwie, beim fuat gehn, wos 2020 e nerma da foll is, denkst da oft: freinde, i bin de larissa nit laxobu.
Liebesbriefe sein kemen, hassnachrichten host greg, monche hom di belächelt, vü mehr hom di gfeiat. eigentlich woa egal, wos passiat is: du woast überzeigt von dir und dein blog. genau des is des, wos di ausmocht. diesen löwenmut und de potzn selbstliebe, de du imma fia di aufbringst.
wast, 2019 im Juli schoffst du es, doss 10 000 (!!!!!) Leit an blogpost lesn. an anzigen. so vü lesa host sunst es gonze joa noch nit kob. und auf amal hast 2 000 monatliche leser, don 6 000 und irgendwonn echt 10k. Auf instagram schoffst du es innerhalb von wenigen Monaten host 1000 follower auf instagram. de zohlen sein so unwirklich. donn merkst oba, doss de leit dahinta ECHT sein. du host echte Leser, de da nochrichten schreiben, kommentieren und di supporten. du konnst imma mehr stories über se schreiben. du konnst imma mehr über di dazelen. du konnst imma mehr mit feedback rechnen. du merkst, doss du senen hilfst und des woa imma olles, wos de wolltest.
du wolltest, doss niemand mehr so vü neid und hass austeilt. du wüst, doss frauen frauen supporten und Brustkrebs ernst gnommen werd. du klärst über sex auf und verbesserts monche beziehungen. du akleast, warum schluss mochen ka aussog sein deaf und doss dei körper dei fuckin eigener körper is. Larissa, du host schon so vü mehr bewegt, als de selba glabn willst.
Es schenste is, doss du imma mehr Liebe als negativen Schwachsinn abgregst. deine Follower*innen vatraun da, sowie du senen. de ersten kooperationen entstehen und olles is anfoch echt. Gewinnspiele werden gern ongnommen, weil du so danke sogn konnst. des gonze game is lei so witzig, wegn deine leit.
I vasprich da, doss du in 2 Joa nerma so a dicks Knedele bist, des sich alan fühlt. du fühlst di geliebt und stärker. du werst noch so a besserer Mensch, obwohl du jetzt schon wast, wos fa tolles wesn du bist. du lernst so vü über dei selbstliebe und olta du gregst dein traumjob. du sitzt on dein erstn buach, wos du wohl echt veröffentlichen werst. du gibst nit auf und du kimmst on. i bin so stolz, doss du den weg gongen bist. und doss de so vü leit deswegn treffn host diafn. und doss du di nie valoan host. und doss du so wochsest und aus fehlern lernst.
du werst a so vü lernen in de 2 joa. über feminismus, rassismus und de oat, wie du schreibst. du wast, doss monche phrasen nerma ok sein und doss man oft aufn tisch haut und kana di amol onschaug. bikinifotos auf insta gehn guat, de message dahinta, doss des jo goa nit so sexy sein sollt, geht no bessa. du setzt di vor ollem fia de ein, de selba de kroft nit hom. und du selba lernst, doss neid überhaupt kan wert mehr hot und a selbst werst vü mehr erwochsn. weil mausi, jetzt grod bist du goanix erwochsn mit deine 21 joa in frankreich als bloggergirl. do verbringst du nächte lang voller parties und gaude und fühlst di frei. so solls a sein. lei fia imma geht des nit. muas es a nit.
Du host erkonnt, du konnst nit de welt rettn. du muast bei dir selba onfongen. des host mitn blog gmocht und damit host a glei a poa weitere leben grettet. Applaus, mei klane maus.
In Liebe,
Die mittlerweile 23-jährige Larissa.
PS: Es is heit a wundervolles Gewinnspiel auf Insta online gongen.
PPS: Es is noch nit gnuag gsog. i hon noch gnuag stoff fia mindestens 2 weitere joa laxobu.